【消費者權益】健身中心結業，如何透過信用卡公司要求退款？

呢篇文係想講解下，如何為已經付款嘅商品或服務，但係未收到該公司嘅貨品或享用該公司嘅服務，去做申請退款嘅。

講明先，文章只供參考，如有任何問題或損失概不負責（頭盔mode on）

啱啱網上面見到有間健身中心執笠，有大量苦主話未完約之類啦。呢篇文想講下，如果你係用 visa 或者 mastercard 付款呢類服務，當商戶結業，你要點處理。

首先響我講任何嘢之前，記住一個字，快，任何嘢都要快，因為 visa 或者 mastercard 退款保障有日期限制，大家要快。

第一步，搵返你付款去呢間商戶嗰個發卡機構，例如用邊間銀行嘅卡俾錢，就搵返個間銀行，睇返你幾時俾錢，俾錢商戶個日計起嘅 540日內，同埋商戶宣布結業嘅 120日內，向發卡機構提出爭議付款，要求退款／暫停交易等等，我上網睇過，各銀行有不同提出爭議交易處理方法，唔識嘅打去銀行問啦。

肯定嘅係，協助商戶嘅收單機構，有義務負責退款金額，即係商戶執笠，都唔會關消費者會唔會收到退款，商戶嘅收單機構係一定要幫手找呢條數。

講多次，係俾錢商戶個日計起嘅 540日內，同埋商戶宣布結業嘅 120日內。所以大家要快。

銀行電話熱線開24 小時，唔識向你間銀行提出爭議交易嘅話，而家好打去銀行問啦。

作者：電子支付違規關注組

閱讀後覺得好，請多多讚好及分享～：）