【外賣仔日記】遇到西客慘?咁餐廳侍應發我脾氣呢?應該點做?(行家可留意)

 

有日接到張單,係一間港式快餐店嚟。

當去到快餐店攞餐,就諗住講個單號碼俾餐廳。

間餐廳係響水吧位問入面啲店員攞餐嘅(即係你哋收銀處買完嘢食,攞住張飛去攞嘢食嗰個位),水吧入面做嘢嗰個店員年紀有番咁上下,未叫老嘅,但係小朋友見到佢個樣,點都會嗌姨姨嘅,但係佢明顯係低級職員嚟(件制服同名牌唔係經理個件)。

佢見到我,但係我咩都未講,就叫我打俾我公司(即係打比外賣平台)。

佢一嚟同我講嘢嘅語氣,係似一個做咗好耐嘅低級老屎忽,重要見我係後生,可以用年紀壓下我咁。

低級店員:「喂,你打俾你公司呀」

我:「我哋無得打俾公司㗎,只有文字即時通訊,咩事要搵公司呀?」

低級店員:「咁你文字去搵公司啦」

我:「你係咪有事要搵返公司?如果餐廳有即時訂單問題要搵公司,我幫唔到手㗎」

係呢度要講吓,如果餐廳有即時訂單問題,要搵外賣平台幫手,餐廳有專屬渠道搵CS,外賣員如果搵CS,同佢講話間餐廳想搵CS,會俾CS 叫我哋同餐廳講,要餐廳用返餐廳即時支援搵CS。

即係餐廳有即時訂單問題要搵CS,嚴格嚟講,個外賣員冇嘢做到,我哋只能話唔知可以點做。但係當然啦,我都做咗一段時間,其實點會唔知,有時餐廳要搵CS,佢哋又唔識點做,咁我都其實係會幫佢哋,用佢部電話,打合適嘅電話號碼,但係講電話嘅內容就當然餐廳自己講返啦。

但係阿低級店員你嘅態度咁差,我好難話知點做㗎喎,我只能話我無嘢可以做到。

低級店員:「你搵你公司啦」

我:「我都話我無嘢可以做,搵CS 只會俾佢耍太極,最後都係你哋打電話講」

低級店員:「咁你打啦」

我:「我唔打得呢,要你哋餐廳打呢」

(我心諗,我啲電話費你幫我俾阿?同埋都話嚴格嚟講,我哋唔知電話係幾多號,點打?)

最後,同個低級店員耍完一輪打電話嘅太極之後

佢眼見用唔到,佢老屎忽兼年紀大過我嘅所謂氣場壓我之後。

佢將份餐掟響水吧張檯俾我,兼送我一個嬲到爆炸嘅樣。

好,而家即係有餐啦,號碼正確,可以送去個客到。

然後去緊個客嘅途中,我驚餐廳事後玩嘢,我決定即時報CS,落備註話餐廳掟餐俾我,事後有咩事都,都有個保障。

 

專題:【外賣仔日記】

 

 

作者:外賣仔

外賣仔

閱讀後覺得好,請多多讚好及分享~:)

其他熱門文章

  • 李怡先生,謝謝你 by 馬黑白
    自小媽媽便說,有空時要多聽李怡先生在香港電台的《一分鐘閱讀》,因為每日講一本書,每日說一道理,絕不簡單 。近年,媽媽因病離世。在媽媽人生中的最後數月,床頭總放著他的《閱讀人生一百篇》,她入住過幾間醫院,此書也是隨身攜帶。當時我會讀書給她聽,…
  • 【遊戲攻略】解鎖二三艘潛艇教學 《Monster Hunter Rise》刷國王獨角仙悶到瞓著 by 滅盡殺手
    早兩日我哋嘅一篇小知識技巧篇入面有提到要盡快解鎖收集道具必備嘅潛水艇,雖然做村任好快就會有第一隻潛水艇,但係要 […]…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • Zopiclone——傳說中的安眠藥「白瓜子」 by 小小藥罐子
    Zopiclone,可以讓人入睡大約6至8個小時,所以,一般建議連續入睡至少8個小時,避免出現「宿醉(Hangover)」的機會。所謂「宿醉」,簡單說,透過安眠藥入睡後,如果睡眠的時間不夠長的話,醒來後,仍然可能會覺得睡意未散,頭昏腦脹,影…
  • 中咗Covid,我終於可以休息 by 小盛女
    平時好少人打電話嚟,但係同事開始知道我中咗之後就一日收幾個電話,關心嘅說話當然有,但重點都係公事…
  • 專訪「政見唔同就分手」Heather Yeung:「我係香港人囉!」 by 清君
    我就對「政見唔同就分手」的Heather更有印象和好感,於是膽粗粗邀請她做訪問,當時由於見到雲海的「東張西望inbox」post,我滔滔不絕的解釋澄清自己不是騙子,她也知道雲海那個post,於是莞爾,笑了。然後相約於北區某咖啡店等,可是作為…
歡迎讚好我們的facebook page,免費資訊源源送上。

文章資訊

ID: 220358
Date: 2022-01-25 00:49:36
Generated at: 2022-10-07 20:26:07
Permalink: https://www.vjmedia.com.hk/articles/2022/01/25/220358/【外賣仔日記】遇到西客慘?咁餐廳侍應發我脾氣