老師話同性戀唔啱，應該點答返佢？

呢排發生咗啲嘢，個間咁戇鳩嘅學校我唔講佢住，有興趣就睇下呢篇嘢啦

今日我係嚟教大家答下一個幾有趣嘅題目，當一個老師同你講話同性戀唔啱，你應該點做。

呢個教學，係適用於你作為學生俾學校發現你哋與同性人類拍拖（或者係LGBTQIA+），應該點答，如果場合係一個小型討論會，由佢鳩噏完就算啦，唔好浪費時間同啲垃圾鬧交。

如果一個「老師」話同性戀唔啱，你哋拍拖係錯嘅，千祈唔好諗住抗衡話同性戀無嘢先，因為呢個「老師」已經預設咗呢條問題，佢啱，但你錯。呢個時候你要先更正佢條問題先，記住，係更正佢條問題先，因為你面對緊嘅對手其實係一個白痴同埋低能嚟嘅，根本對同性戀咩認識都無。

你問下你自己先，你係LGBTQIA 抑或其他？你嘅性別係乜？你作為LGBTQIA+ 嘅其中一員，你應該知道性別唔係淨係得男同女嘅，仲可以係流動嘅呢（性別流動Genderfluid ）或者係genderqueer 呢，當然仲有其他啦，太多呢度講唔晒呢。你前面嘅對手根本就係低能，所以當佢指控你同同性人類拍拖aka 佢口中嘅「同性戀」，你先更正佢，更正佢條問題入面你嘅性取向或者性別先，咁你就可以直接反對你有「同性戀」呢個指控先，跟住接下來所有呢個「老師」指控你「同性戀」嘅時候，你就可以話，「老師你做咩屈我」，「老師，我都無同同性拍拖」。但係你可能會話，我都未知道自己係咩，好難講呀。唔緊要，建議你求其執住個分類先，個人認知呢家嘢可以隨時改架姐。佢應該開始唔知講咩好架啦

好啦，假設佢故意要歸納晒LGBTQIA+ 係「同性戀」，然後繼續堅持「同性戀」唔啱，試圖扭轉佢嘅劣勢，咁你就同呢件低能嚟一場滑坡謬誤（Slippery slope）aka 無限上綱上線 aka 根據所謂合理理據屈得就屈，正常討論就唔應該有滑坡謬誤嘅，但係對住呢啲低能，得啦，用啦。點用滑坡謬誤？俾幾個例子你，

老師：「同性戀」唔啱架喎
你：啲「異性戀」好得人驚阿，你睇下新聞，有人得17歲，考DSE 之前竟然懷孕啊，幾唔安全呀，但係「同性戀」唔會懷孕喎

例子二：

老師：「同性戀」唔啱架喎
你：「異性戀」先唔啱呀
老師：點解「異性戀」唔啱呢？

你：咁點解「異性戀」又啱呀？

例子三：
老師：「同性戀」唔啱架喎

你：咁無性戀 （Asexuality）都係「同性戀」嚟架喎（呢個低能開頭故意歸納嘅LGBTQIA+ 為「同性戀」，唔係你），咁佢都無鍾意人，冇同人拍拖阿，咁佢係咪啱呀？

又或者，你前面嗰個「老師」話校園內唔可以拍拖。

老師：學校唔俾同學之間拍拖喎

你：下？我哋係Open Relationship 嚟架喎，邊有拍拖呀

你夠秤嘅仲可以話
你：下？佢係我個Friends 嚟架咋，邊有拍拖，不過不過同佢有啲benefits 姐。

又或者
你：下？佢係我SP 嚟喎，邊有拍拖，唔好屈我。

以上呢啲咁鳩嘅回答，絕對唔合理，但我真心認為可以應付到到一時三刻嘅低能學校質詢，畢竟佢要話「同性戀」有問題，咁我哋只好一起與它鳩落去。

但係治標唔治本，當你解決唔到呢個咁低能嘅「老師」，非常建議你尋求協助（例如啲LGBTQIA+ NGO），將佢查詢您有「同性戀」行為呢件事推上輿論層面，學校係好怕輿論㗎，只要一有大規模討論，你肯定會贏。

我其實想問，香港幾時先會無晒呢啲咁低能嘅「老師」？

以下為不同性小眾服務機構嘅資料同埋聯絡方法，如果你有任何關於LGBTQIA+ ／性別議題有情緒困擾或者感到困惑需要支援／傾訴，歡迎同佢哋聯絡

（排名不分先後）聯絡資料來源引用自各NGO

1. 女角平權協作組

聯絡電話：+852 5281 5201 （WhatsApp/Signal）

Facebook：[www.facebook.com/lescorner2015]

Instagram: les_corner

2. 東華三院 同一線 24小時性小眾支援熱線

聯絡電話：+852 2217 5959 （熱線24 小時運作）

Facebook：[www.facebook.com/TWGHsPrideLine]

Instagram: prideline22175959

3. 香港小童群益會性向無限計劃

聯絡電話：+852 2321 1103

WhatsApp：+852 3895 6389

Facebook：[www.facebook.com/BGCAProjectTouch/]()

Instagram: bgca.project.touch

4. 香港小童群益會 同志家長支援服務 LGBT Parent Support Service

聯絡電話：+852 3895 6389

專題：【外賣仔日記】

作者：外賣仔

閱讀後覺得好，請多多讚好及分享～：）