本年度最佳肥皂劇——Johnny Depp v Amber Heard

Netflix Apple TV Disney Plus Prime Video 所有劇加埋都肯定唔夠呢單世紀誹謗官司好睇啦！

Johnny Depp 因為之前同Amber Heard 單離婚官司攪到身敗名裂咁，連拍好嘅Secrets of Dumbledore  都要換角拍過你就知道對佢影響幾大。佢前妻Amber Heard 當正自己係家暴受害人，講到男方打老婆吸毒乜乜物物, Johnny 雖然女人唔算少, 絕對稱不上好男人典範，為左Amber Heard 亦拋棄多年女友Vanessa Paradis ，但話佢打女人佢就一定唔會認啦，於是就控告Amber Heard 誹謗還自己一個清白。當初一班荷里活左膠當正Amber Heard 係家暴受害人呀，佢為女人伸張公義呀，離婚啲贍養費話唔稀罕要全部捐曬（依家呢單誹謗官司發現佢都係只係捐左部份啫）。

呢單官司好睇在全城You tube 俾你免費跟進，無需要俾什麼月費, 鍾意睇幾多次都得，又夠juicy 。 Johnny  Depp 一邊陣容鼎盛，靚女律師靚女心理醫生，反觀Amber Heard 一邊真係戲碼弱好多，一路都係捱打狀態，唔知係咪日久失修，以前靚樣走曬，面容浮腫，俾口供時七情上面，但可惜演技太差，扮喊都流唔到一滴淚，你就知佢呢個人除左因為係Johnny Depp 前妻外，真係唔知仲可以做乜？？

Johnny Depp 一方搵埋舊愛超模Kate Moss 證明Johnny 無打過佢無推佢落樓梯。而你女方就搵埋Johnny 嘅舊相好Ellen Barkin 數臭男方控制狂兼暴力喔。

呢單官司Class 一流，星味十足，完全滿足一眾喜歡睇肥皂劇嘅觀眾，仲唔係全年最佳劇集？！

精彩片段：

作者：憤怒鳥

閱讀後覺得好，請多多讚好及分享～：）