「抵死呀，俾人當地底泥都要湧去買飛呀。」

賣撚左十二個鐘終於賣完啦！

話說今日公開發售鏡仔演唱會飛兼夾實名制啦，咁大家覺得實名制應該增加買到飛嘅可能性，今日成個上午寫字樓水靜鵝飛，個個全神貫注荒廢業務就係買飛，結果浪費左人生中好寶貴嘅時間去參與呢個買飛遊戲。

我同一班朋友直情係成立專責小組，懶有策略咁去買飛，結果得個吉仲一肚氣。

無比較無傷害，軒公剛開完演唱會，本人亦都好彩買到飛入場，軒公場場唱到十二點罰錢都無所謂只要歌迷開心，呢啲咪真心對待歌迷咯。依家你攞三成飛出來公開發售，跟住個售票系統長期retry 或404 not found，真係覺得貼錢買難受。當然有人話我地係抵死呀，俾人當地底泥都要湧去買飛呀。大佬，我只係想睇演唱會啫，唔使攪咁多野呀？逐個贊助商抽，跟住官方fans club，抽來也抽去都係叫人掉眼淚，唔好咁玩啲粉絲啦唔該！！

作者：憤怒鳥

閱讀後覺得好，請多多讚好及分享～：）