【大西北停電】下次再大停電,居民應該點自救?

政治 / 最新文章綜覽

 

今年6月21日於元屯天嘅大停電乃因為電纜橋起火。
中電乜都查完,冇任何運作事故或者故障情況,電纜負荷亦低於設計上限。電力保護裝置亦有即時啟動,即刻隔離損毀嘅供電線路
而警方當然話咩都查唔到、冇可疑啦~

當時,因為太突然、而且香港其實嘅基建設施真係穩定咗好耐,大家都太耐冇遇過呢啲事,所以人人都一時間唔知點算好。
好多人唔知停電係同斷網一齊發生,所以有人怪元屯天居民點解唔睇新聞、質疑點會咁蠢唔知發生咩事?

政府搞咗個1億5000萬億嘅緊急警示系統,可以超越電訊商同網路都唔用,真係不知所謂~

其實係因為當日個停電係連區內嘅電訊發射站、wifi呢類都要用電嘅設備都會受影響而用唔到。
保安室、管理處個個都係用手機、個固網電話又冇AC電,大部份設施得返後備燈著。
全場得返用AC電嘅收音機同固網電話可以同外界聯絡,係有街坊用自己屋企個固網電話打去報消防(好多地方都有人困𨋢)、中電緊急熱線,先搵到人黎整。

有本身係電機工程師嘅街坊解釋,正常基站UPS係停電都可以維持6個鐘。只係好多網路公司為咗慳錢,所以唔裝UPS。因此,大廈一停電,樓頂基站就會冇電。而中電要分小區打電,先著一小部份,免負載過大,所以唔會一次過全部大廈都有返電。

果日同翌日,都係唔同時段恢復唔同邨嘅供電。

以前小學常識科係有教停電時要點處理,中電個網站都有講:

首先,保持冷靜。一個人唔冷靜、處於情緒風暴中係好難思考到啲咩出路。
咁聽落係好鳩,不過真係好多人都失心瘋咁。

其次,搵電筒出黎照明。
千祈唔好用蠟燭,因為香港環境擠迫,好易搞到變火災。
電筒係必備家居用品呀~唔好聽啲柒碌講,一個屋企唔使擺咁多嘢,事實係一個屋企係需要好多嘢。唔知點解係華人先咁怕屋企多嘢,歐美人會覺得資源多啲咁有咩事上黎都有嘢用到。
除咗「華人的胃」,仲可以加多個叫「華人的屋」,特色係總有人嘰嘰趷趷唔鍾意屋企有太多緊急用品,然後有咩事果陣就成為大家嘅負累。
點解呢啲人永遠唔會諗,當你要用某樣工具嘅時候,要乜冇乜嘅感受係點?
華人係咪好憎用工具?所以現代出唔到啲咩職人,因為大家都好怕屋企多嘢。

跟住,再執嘢、睇吓使唔使去避難中心。
執定一個停電防災包:

  1. 食物、水
    呢個好基本,帶啲唔使煮嘅乾糧。
  2. 藥物、急救用品(傷口消毒劑、膠布、紗布)
    就算自己冇整親,都可以幫吓隔離左加嘅人。
  3. 個人護理用品(牙刷牙膏、面巾、護膚品)
    香港停電最多一日,執定一日梳洗用品就差唔多了
  4. AC電收音機
    呢個係唯一唔受網路影響嘅收訊工具,用黎聽外界消息。

由於當日好熱,筆者有執埋退熱貼同寶礦力。

然後,熄哂屋企所有電器,防止跳制或者其他意外。
不過,要留返盞燈check幾時復電。

最後,唔好開雪櫃。
一般雪藏格可以keep到四個鐘、冰格可以keep到兩日;

落樓嘅時候,緊記唔好搭𨋢。
呢次都令筆者唔會再覺得住低層唔好了~

搞掂哂之後,就可以去啲公共設施避難。一般政府嘅公共設施必然有後備電,照明、飲用水、冷氣/風扇唔使擔心先,有咩事又有工作人員幫手。開住收音機聽吓新聞或者有關部門嘅指示,睇吓幾時返得屋企。

此外,劉國勳議員承諾咗幫十四萬戶爭取中電賠償喎~唔知幾時有消息呢?
中電近乎神速整返好、恢復供電,已經係世界級,令我哋感受到啲電費同附加乜乜乜冇白交。不如叫政府補貼吓大西北電費好過啦,呢邊冬夏都極端天氣呀~

作者:鳩文瘋

閱讀後覺得好,請多多讚好及分享~:)

其他熱門文章

  • 【遊戲介紹】耍帥動作射擊遊戲 《Gungrave G.O.R.E》無限子彈變型棺材爽爆殺敵 by 五木
    主打耍帥和爽爆的動作遊戲,除了《Devil May Cry》外,還有另一個系列《Gungrave》(銃神)。新 […]…
  • 未來為你的旅途 – 鐵路願景 by MTR Service Update
    車務工程部就提出「鐵路願景」(RailwayVision)計劃,將三大鐵路範疇、設備,即車站、列車、票務系統更新之餘,仲期望可將服務提升至另一個層次,迎合下一個 20 年的需要。例如大家有無稔過售票機可以找番紙幣 ? 網上買完飛又可以直接搭…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 《鋼鍊》「等價交換」根本不是真理 by 方潤
    很多人提及《鋼》,都是提及等價交換原理,甚至以為《鋼》就是教人等價交換,其實是大謬。因為《鋼》的每一集都有這段開場白,由主角兩兄弟讀出:「人不作出犧牲,就不會得到任何回報,想得到一樣東西,就必須付出同等的代價。這就是煉金術的基本原則 - 「…
  • 講起「蔡康年」,你諗起乜野? by 齋老味
    曾經係當紅DJ,因為施念慈報警話俾佢打,立即被貶為人渣,無得做DJ走曬樣,從此淪為TVB專用低能或變態角色。近年因為有高清台,無記多咗財經節目,先知佢原來而家係財經主持。…
  • 語言陷阱(上):闕義、歧義、含混 by 楊梓燁
    這種因為語法結構的問題,而造成一個語辭(詞語、字、句子)在某語境裡有兩個或以上的意思,便叫做「語法歧義」。這種歧義的其他例子,例如有「求學不是求分數」,可以理解成「求學,不是求分數」,又可以開玩笑地理解成「求學?不,是求分數!」。又例如算命…
歡迎讚好我們的facebook page,免費資訊源源送上。

文章資訊

ID: 222734
Date: 2022-07-14 01:31:39
Generated at: 2022-11-27 00:20:54
Permalink: https://www.vjmedia.com.hk/articles/2022/07/14/222734/【大西北停電】下次再大停電,居民應該點自救?