【Mirror 演唱會意外】身為鏡粉，除了集氣還有什麼務實事情可以做？

見到好多人都努力集氣同del片或者report條出事片、鬧花姐鬧Anson Lo，但係點解冇人去問去追究呢單事故究竟發生咩事？

同2019摺紙鶴加捉鬼有咩分別？

樹大有枯枝，人多必有白痴，但最近香港既ＯＮ９／蠢閪率會唔會提升得太多？
點解出事唔係去搵解決辦法，只係搵方法令自己個心好過Ｄ？
集氣除左發洩愛心、話俾人聽自己係好人之外，對傷者真係好咩？
真係咁支持粒星，何解未開show之前，Ｄ星自己都屌個台有問題既時候，仲盲撐去開show？仲好話提出問題既人「做呢行預左」？
如果第一日知個台有安全問題而罷睇，應該唔會有人受傷、唔會有人終身癱瘓！
呢個係共業黎架，唔好再咁虛偽扮好人集氣啦。

歌迷會既作用係邊？點解唔係去支持粒星罷工、搞返好安全問題先做表演？
係咪粒星死係自己面前都好過冇得睇？

好多鏡粉都做得人老母，睇返港母平時點對自己Ｄ仔女又好似好合理：「你唔好諗住自殺呀！你死左我都會燒D練習俾你架～」／病左都要去考試。
真係生仔生埋個腦出黎。

不過咁，佢地都有善良同執行力強既地方，只係放錯位。
如果鏡粉去追究返MakerVille、負責既政府部門，個力量應該有返咁上下，甚至可能改寫法例，因為佢地真係有錢有時間有心力。

所以，其實係咪要諗下以後呢？
你地都唔想自己鍾意既藝人一路帶住陰影生活嘛？

單睇發生係阿Mo身上既事故，現時既資料就顯示係鋼索斷，咁係運作問題、使用問題定係材質問題，就要等康民署成立既工作小組搵專家一齊調查完先知了。

但係，真係搵個調查小組做完就算呀？

首先，MakerVille既責任係最大，呢個係不議。
點可能開演唱會之前唔俾足夠時間（香港最有地位既舞台之王城城大長輩都話起碼要三、四日架，而且要搭返同紅館個設計一比一既台出黎俾大家踩台架。）所有表演者一齊去熟識個台？
真係當人神仙咩？點執生呀？魯生同MakerVille個八婆Carol上去跳俾我地睇咩？
唔好痴線啦！
個台既設計係MakerVille寫計劃書出去玩外判都好啦，都係佢地自己設計同決定用果個設計架嘛，設計果條友死左去邊？有冇同做控制操作、表演者講解好個台係點？
定係收完錢就去左high野high到傻撚左、乜都唔知？
得果幾日俾工人造個台，其實Ｄ裝嵌、控制、操作，有冇時間俾工作人員去熟習同提出問題再改進？
點解Frankie行緊台邊既時候，做panel既工作人員冇人嗌停佢呢？咁個ear mon既作用係乜？
定係MakerVille做左愛心僱主、請左個盲人做panel？呢個係不可原諒既低級錯誤黎。
返工就做好自己份工，咪撚係台下發夢啦，垃圾。
而且，Ｄ外判又係佢地自己請返黎既，賴外判做得唔好，咁你有責任去睇既？用把口就當做好左管理？
出左事搵花姐頂做乜鳩？佢做經理人忽然要佢落去做panel，其實有冇人同佢交待過D操作、安全既野係點？你搵人頂，唔係塞人響個位度就得架。
MakerVille既管理由賣飛到而家個演唱會，都貫徹不知所謂既風格。
當藝人係消耗性商品、利用夢想推D後生仔去死，咁就唔好扮哂復興廣東歌、香港影視啦，屌。
都唔撚係培育方向，純粹榨取價值。

其次，負責既政府部門唔係應該做好把關咩？
個機構點ＯＮ９都好，你地唔係同個機構一齊癲架嘛。

民政及青年事務局（電話：3509 8095／電郵：[email protected]）係負責發牌俾演唱會。
麥美娟簽名發牌俾MakerVille搞演唱會之前，唔使睇清楚Ｄ文件架咩？見到個舞台設計咁樣、咁少時間起台、踩台、綵排、仲用咁多騎呢外判公司，唔覺得奇怪架咩？去左邊屌人老母唔記得返黎睇野？

食物環境衞生署（under環境及生態局）係獲授權處理申請既部門。
處理申請既時候，有冇人做錯野呢？抑或又趕燒屍鳩做鳩睇？

機電工程署（under發展局）（電話：28954929／電郵：[email protected]）係睇舞台機關安全。
雖然出名OＮ９，不過唔係鳩做都咁既地步下話？
佢地唔係要睇過哂Ｄ文件、證明、工程師簽名，確保舞台設施安全及可用先批開show架咩？
鳩睇完就彈俾康民署呀？邊個官員咁撚賤呀？
Ｄ機關野可以鳩睇架咩？簽果個官同個工程師有染呀？批得咁爽既？
平時明明好麻撚煩架？今次仲咩咁爽手呀？

康樂及文化事務署（under文化體育及旅遊局）（電話：2414 5555／電郵：[email protected]／投訴表格）係紅館既管理部門。
紅館係康民署轄下既場地黎，康民署係負責監督租場人士既舞台設置、避免高危設施架喎，咁今次佢地做過D乜野會容許Ｄ設施溶溶爛爛咁呀？
平時唔係有份好閪既協議，詳列雙方責任、又白紙黑字寫哂租賃者舉辦活動時有咩要做架喎？今次漏左咩呀？
有冇睇過個工程師認證係咪真架？定係根本識個工程師就求撚其呀？
呢D時候又突然做事好有「人情味」呀？

勞工處（under勞工及福利局）負責處理工傷。
呢度又要公道返既，佢地收到投訴就真係有向主辦單位（MakerVille）提出改善，就係台上走位果度，因為有表演者跌傷、同埋個台裝嵌位有隙，因此7月26日既表演有唔同。

所以，民政、ＥＭＳＤ同康民署真係把關不力，鏡粉一定要追究佢地到底。
邊有可能令心愛既Mirror 從此蒙上陰影架！！！

至於新特首李家超就搞左個特事特辦，同醫衛局傾完，盧寵茂就俾家屬免隔離就可以直接探傷者

雖然，張竹君屌鳩李家超，防疫條例下，不嬲都有恩恤安排。

作者：鳩文瘋

閱讀後覺得好，請多多讚好及分享～：）