阿Mo 與soching 注定係一個悲劇

我估呢個星期什至呢個月，成個香港淨係會關心一件事。一如既往，只講感情事。

我擔心嘅人係soching（利申唔係鏡粉/collar 粉🌚）。

台灣曾經有一對藝人，同阿Mo soching個case好似。當年鬼哥黃鴻升主動脈剝離猝逝，峮峮就算無名無份都為鬼哥身後事打點一切，實在悲苦。

Soching宜家嘅情況就係，如果佢真係夠愛阿Mo，就要照顧佢一世，而兩個都係花樣年華，要捱四五十年捱過世；如果照顧唔黎，就算係和平分手（當你相信真係「和平」先算啦🌚），都會係林曉峰嘅下場，仲要呢幾日lihkg 推咗個post係咁鞭。最壞嘅情況係阿Mo 撐唔住，有冇人會接受到soching 心裏面有第二個無法被取代嘅男人（或者係陰影），同佢開展下一段關係？

唔咁極端，假如佢哋宜家真係共患難而結婚，阿Mo會唔會覺得自己辜負咗人？soching 係咪又真係至死不渝？SHE嘅selina係一個活生生嘅人板，燒傷後就算前夫不離，亦不等於以後會不棄。

因為責任而一齊，對未有名份嘅人黎講係一種苛刻。老實講如果soching 真係未玩夠，什至兩位事主本身唔係以結婚做前提，我唔知佢哋以後感情上可以點行落去，咪撚同我講耶蘇自有安排。

但願呢個世界畀多d空間兩個年輕人，去做對佢哋最好嘅決定。

作者：偽述家

學生，愛寫文章，偽文青，小試牛刀，尋找共嗚，不定時發稿

閱讀後覺得好，請多多讚好及分享～：）