今時今日女權個朵已經好臭，換言之，好唔入屋。而我眼見嘅來來去去都係同一班人喺度圍爐，用啲外人聽落好高深嘅學術名詞交換諗法，抨擊資本主義物化女性正正中咗男性凝視嘅圈套，為實踐女性嘅主體性及身份認同，改以客體化男性將陰性著迷變成新趨勢以對抗父權壓迫文化
根據我聽返嚟嘅，秘書主要有兩種。一種係team_leader出錢請嘅，畀全team嘅人share嚟用；一種係私人請嘅，阿旺財出錢請你，你就淨係幫阿旺財做嘢。私人秘書冇咩好提啦，同行業冇咩關係；我主要想講下啲畀成team人輪嗰啲。
中學嗰幾年，個女每日返學都唔敢喊唔敢笑，想盡辦法令自己冇存在感，真係好難受嘅時候就咬自己手臂，幻想用啲好殘忍嘅方法殺死啲蝦佢嘅同學。有時都會心諗不如跨過圍欄跳落去算，但諗到小慧一定會好傷心好自責，只好啲牙再咬落多少少，哭泣都要在放學後。直至畢業，離開咗學校，情況先慢慢好轉。
大家平時睇迪士尼出版嘅動畫同電影有冇睇到最尾？記唔記得最尾會有幾秒鐘嘅畫面，喺個城堡上空劃過一發煙花？冇錯，迪士尼樂園每晚放嘅煙花，就係呼應返嗰個ending_scene，象徵所有賓客喺樂園入面玩咗一日，經歷完唔同嘅故事之後，有個圓滿嘅ending。
做喜歡但未必適合自己嘅工作，初初一定會好有熱誠，但亦正正因為付出嘅熱誠好多，效果又唔成正比，久而久之一定會頹，熱誠逐漸減褪，原先嘅興趣變成統粹嘅工作，連興趣都冇埋
我每次收線之前都會補一句：「我會將個interview時間通知返相關department，佢哋會安排同事見你㗎喇，所以記得on_time去到喇。」潛台詞就係「你放飛機唔淨係你自己嘅事呀，係嘥撚緊人哋時間呀！」
話說閻奕格七年前參加超級星光大道嗰陣已經好喜佢，當時佢個page三千個like都未有；好記得2012年4月19號佢喺香港第一次開show，嗰陣門票一開賣幾分鐘就賣曬，我淨係買到單丁位要同朋友分開坐都照殺。點解會咁深印象呢，因為我本身18號由日本返香港，但趕唔到上機搞到要瞓一晚機場，第二日19號飛首爾轉機返嚟，嗰陣最擔心就係趕唔切睇佢個show，好彩都趕得切，仲可以返一轉屋企沖個快涼先去添（btw佢嗰次個音樂會叫「我回來了」，我自覺係有啲緣份嘅哈哈）。
