@一百八十呎
一百八十呎
一百八十呎
既然有人表演瞓劏房,全天候住劏房的都是行為藝術家。

我本人係避孕針下嘅意外,換言之我父母都唔ready我出現。對於我嘅存在,老母一直都話連打咗針都有咗,佢同我一定好有緣份;而我老豆呢,由細到大都同我講「如果你冇出世就好喇」,「如果爹地媽咪冇你就好喇」,彷彿經過咁多年都無法接受自己有個女,亦彷彿冇發現佢之所以能夠自稱爹地都係因為我。

過咗唔夠一個禮拜,R就經朋友介紹,識咗個男仔A。照牌面睇A應該係個好男仔,R同A又好夾,自然就光速接近,都唔太在意嗰個ONS喇。然後,同A識咗唔知有冇一個禮拜,R就同A講自己同人ONS嘅事喇(反多個白眼),A表示理解及接受(我唔知佢有冇講到無套中出啦,對男人嚟講唔同㗎嘛)。好喇,我想討論嘅唔係A接唔接受,係R坦白嘅動機。

君不見好少男人會因為生活細節同女人爭執,撩交嗌嘅十居其九都係女人。唔順女人心意就係錯,廁所板一定要跟女人習慣擺、牙膏一定要跟女人習慣擠⋯⋯you_name_it.明明大家都係住埋同一間屋,佢冇放返塊廁所板落嚟你順個手好蝕咩,你去完唔揭返塊板上去佢夠次次痾尿之前都要順個手啦。

有一次又係我同阿媽都喺屋企,嗰輪我狀態好差,好憎個世界。覺得啲鑽鑽鑽聲係鑽緊入我個腦。卒之我忍唔住喺阿媽面前喊出嚟,然後咆哮,然後撞自己個頭埋檯。撞到第三下之後,我阿媽用一個「你想我點」嘅語氣講:「你唔好咁樣得唔得呀?!」《一念無明》中,有一幕曾志偉一返屋企,見到余文樂望住個電視係咁喊,同余文樂講咗一句:「你可唔可以正常少少呀?」呢一幕我睇嘅時候喊到成頸都係水。

上次講過我同隔嚟屋只係一板之隔,夜晚瞓覺連人哋呼吸聲都會聽到。人哋屋企又有小朋友,可想而知,捽碟的話我一定要帶耳機。試過唔記得戴,一開就大大聲「澳門首家線上賭場上線啦」,嚇到我心都離一離,人哋唔知以為我沉迷毒海都唔好啦。

我住嗰間係將一個單位一分為二嘅劏房。另外二分一間屋呢,係有另一戶人家住嘅,間中仲有小朋友住添(至於點解係間中我就不得而知喇)。而,隔開我哋兩戶人家嘅,就只有一塊木板,即係板間房嗰啲板。

可憐嘅Suga_bb果然係好純情,畀兵仔玩仲被蒙在鼓裡。但始終摵唔甩高高在上嘅娘娘格,兵仔唔覆就責備人「再不服從」,明明可以用「動容」代替「服從」,既啱音押韻又不失大體,偏偏期望對方臣服,另一方面又要表現不責怪對方嘅大愛包容。唉,沒法面對自我其實最痛苦呀!

所有冇自己房嘅人都明白,私隱是何等彌足珍貴啊。雖則話阿媽喺廳嘅時候,我想做自己嘢可以入房,但因為電腦檯aka書檯喺廳,所以點都好多限制。亦都係因為咁,阿媽一唔喺屋企我就好開心。

頁 3 / 3123