我今日好認真諗自己幾時開始咁憎曼聯，或者應該係當年決定炒莫耶斯開始。費格遜尾期，我已經唔係好捧曼聯，但當我知道莫耶斯會接手，其實好有衝動再捧返。從結果論，莫耶子依家當然係一個球壇笑話。之不過，當時佢要接手費格遜嘅爛攤子，夏天嘅最大宗轉會係費蘭尼，但都可以喺歐聯同拜仁鬥到最後，已經有交代。
58:111，職業隊對業餘隊。我唔係踩香港，實情係香港只有一支職業籃球隊，而人地有好幾個CBA嘅頂級球星，年薪隨時過千萬人仔。咁足球夠迫和到人地喇？問得出呢句嘅人，試下自己落街場打5分鐘全場先再講嘢。
每個人玩運動都有唔同嘅原因，有啲人為興趣、有啲人為咗滿足屋企人、有啲人為咗埋堆，有啲人係為左溝女等等。但我覺得令人會繼續走落去嘅，係個份成功感同榮耀，倘若你玩一樣嘢玩極都係咁上下，其實好難有恆心繼續落去。中學生運動之所以令人著迷，就係當你只係一個脾氣差到爆嘅mk，又或者只係一個暗瘡毒男，更甚係一個不收篇幅嘅小肥妹，喺呢個凡事講成績定生死，講品格操行嘅地方，你都搵到一樣嘢能夠贏過人地，令夠證明自己，讓人仰慕祟拜。
姑勿論你點睇李克勤，你覺得佢親共、你覺得送禮好柒、你覺得佢成喼barcode好on9，你覺得佢魔性澎拜好肉酸等等等等。但以歌論歌，佢咪又係今日成個叱吒，得獎者黎計，唱得最好嗰個。今年，李克勤好用心造左隻叫《30克》嘅碟。佢個代，仲有邊個有出七首新歌嘅廣東專輯？《失魂記》係我第一次聽已經好鍾意嘅歌。pop得嚟又無《C3PO》咁pop，但又比其他歌主流啲，主題好，加埋個幾句有點突兀，但又好入心嘅「追憶～～」。前幾日，我就喺電腦又登記又升級會員咁搞左四個字，就係為左投佢一票，好歌有好報。
三位新近入籍嘅球員，融入速度奇快，亦令到Kim_sir嘅343，正確黎講嘅3412更加強，上半場頭段完全係將黎巴嫩壓過去，打出主攻嘅足球。現時嘅陣容結構，踢出黎，除左徐德帥同麥基值得相榷下之外，基本上都係最強，分工係清晰，尤其是三人華將中場 — — 黃威負責進攻派牌，陳俊樂係box_to_box，而黃洋就繼續由守轉攻嘅第一點，係好明顯嘅進步。
香港地好多人已經唔睇意大利波好耐，覺得意大利波悶、意大利波冇星，意大利波假（意甲又名意假）。自從捧祖記，睇多左意甲後，意大利國內其實有好多有能力，有潛質嘅球員，唔係真係坊間所講青黃不接得咁緊要。雖然垃圾雲杜拿嘅責任不可推卸，但球員嘅表現一樣係差，係你地親手斷送一個可以令自己更上一層樓嘅舞台。
我忽爾想起，令我聽到這首歌的地方，是一個中國大陸的歌唱比賽節目，一個當年紅到不得了的節目。要不是這個節目，我根本不會欣賞到這麼高水平的表演。而唱著這樣有台灣感覺的歌的台灣歌手，她在那裡是一個中國台灣歌手，換句話說，她的身份又多加一重，她先是個阿美族，再者是台灣原住民，現在她是個中國台灣原住民。然而，大家都明白，這是規則，你不認是中國人，那麼你就不要賺這兒的錢。
跳高女神楊文蔚繼世大運之後再次拎唔到牌，香港人嘅glory_hunter因子發作，開始質疑楊文蔚係咪被吹大左。然後，一邊箱話唔好拍咁多廣告，專心啲投入訓練，咁就會好成績；另一邊箱又有人話，唔好俾咁大壓力自己，放鬆啲云云。
我諗，應該冇咩運動員，已經係嗰個界別嘅世界第一，仍然參加世大運。戴資穎，女子羽毛球世界第一，放棄左參加同期舉行嘅世界羽毛球錦標賽，而選擇留係台灣打世大運。有台灣傳媒計過，若果戴資穎成功係世錦賽贏冠軍，佢將會得到12000分世界排名分，同埋台灣政府俾佢嘅700萬新台幣國光獎金。不過依家，戴資穎只係得到90萬新台幣獎金；而排名分，係零。
如果你唔係太識IU係邊個，可以介紹返，佢係韓國唱作女歌手。佢嘅歌，你係Youtube打佢個名，我都幾夠膽講求其篤一首都唔會話難聽。我相信大部份人識佢，都係因為佢嘅成名作《Good_Day》（包括我），後段令人津津樂道嘅「三段高音」，基本上當時每次現場演唱，觀眾都係期待佢唱「三段高音」。《Good_Day》為IU帶黎一切，令佢紅遍亞洲，但亦某程度成為左佢嘅包袱，先唔好講佢自己唱到厭，樂迷之後又會期待佢嘅新歌都係呢類show唱功嘅大歌，忘記嗰個可以彈住結他，好溫柔咁cover《Gee》同《Sorry_Sorry》嘅佢，忘記左佢嘅多樣同多變。
這些年，得到「門神」稱譽的門將多不勝數，但大部份都無法避免職業生涯後段犯上低級錯誤，或者狀態明顯下滑。上一代的簡尼和施文，今一代的施治和卡斯拿斯，但唯獨你，好像不懂得跌watt是怎樣一回事。今季12場歐聯，只失3球，淘汰賽中曾有6百多分鐘不失球，何其瘋狂的數據。或許是年紀的關係，你不會像迪基亞或紐亞般左飛右撲，屢屢出現精華級神救，但有你統領的後防，總有一份難以用筆墨形容的安全感，一份壓場感，是危急時間永恆可靠的平安鐘。
近兩年金像獎都俾人一個錯覺，就係港產片回暖喇。but_how？我地睇睇2016年香港電影（或者所謂華語電影）嘅香港票房，成功過七位數嘅只有6部，全部都係合拍片，全部都係香港導演作品。但就我個人觀感同坊間反應，除左《危城》以外，其他都無一例外被冠以「爛片」之名。當然，人地都唔care香港市場個7位數，人地係睇緊大陸個9位，10位數呀嘛。然後我地再睇尋晚有份拎獎嘅幾部名義上港產片香港票房，《樹大招風》有9百幾萬票房，排十大嘅第9、《幸運是我》有2百幾萬、《點五步》有4百幾萬，《一念無明》截至寫文嘅今日有有7百幾萬票房，大有過千萬之勢。喂阿哥，過千萬都係零頭黎咋喎，成本都回唔到，抵俾人地話你地香港人陝隘。
很多人對巴塞的觀念還是在於所謂「tiki-taka」，喂阿哥，咩年代呀？哥迪奧拿都不再玩這套，更不要說安歷基的巴塞已經改變了多少，如何不斷小修小補，使這支你們口中已經落伍的球隊依然保持競爭力。然後，我發現自己比許多巴塞吹奏者還了解巴塞，而明明，我討厭巴塞的。
之前韓國有新聞叫啲高考學生唔好係溫書個陣聽某啲歌，因為你溫完都只會記得啲歌詞。不停重覆嘅詞同旋律會令到你係個腦係咁loop，係咁想再聽。唔講之前個啲，剩係新呢兩首，當你以為RedVelvet嘅《Rookie》有53個「rookie」已經好誇張個陣，Twice嘅《knockknock》居然有111個「knock」，都未講個幾下「咚咚」，真係洗腦到痴線。
