@問世間
問世間
問世間
不善談情,但求懂愛;不作失實,但求寫實。

我識得一個中女,今年都四張幾嘢。佢後生嗰陣,雖然唔算靚,但都過得去。佢係一個都算幾虔誠嘅耶教徒,經常參加教會活動。年近四十嗰陣,佢同好多教會姊妹一樣,面對一個嚴重嘅問題──仍然冇拖拍。

有一次喺電話度,疑似客人終於向純情乖乖女表明心跡,話對佢有意思,講得好有誠意。純情乖乖女從來未有過男朋友,情荳初開嘅佢,對戀愛嘅企盼越嚟越強烈,當然即時意馬心猿。從常理推測,由於地產經紀行對外中門大開,個男人應該係從街外見倒純情乖乖女,產生愛意,然後就扮客人追女仔。個男人之後亦繼續有打電話去經紀行俾佢,令純情乖乖女有一種墮入愛河嘅感覺。雖然只係電話情緣,但純情乖乖女好認真,每日翻工,都望住自己檯頭個電話,希望呢個素未謀面但又話鍾意佢嘅人,會主動約佢出嚟見面。

內心嘅愛火越燒越烈,新仔真係好想向新女表白,但又唔知新女會有乜反應。呢個新仔,非常重視友情,佢好擔心,一旦講出嚟,如果新女接受唔倒,會即時影響大家嘅知己關係。所以,平日同新女相處嘅時候,新仔表面冇嘢,其實內心好忐忑。「我應唔應該話俾佢知我好鍾意佢呢?」新仔一直俾呢個問題困擾住。可惜,佢唔可以向自己身邊嘅知己分享呢方面嘅感受。

對好好姑娘嚟講,做多一份功課,令男朋友開心,辛苦啲都唔緊要。但問題係,幫男朋友做功課,條友多謝冇句不特止,仲因為時間多咗而出嚟攪三攪四。有一次,好好姑娘喺唔為意嘅情況下,睇倒男朋友嘅日記,內容講自己去泰國嘅一段經歷──叫雞。

HIGH DIP學生妹口中嘅呢個好好嘅人,係一個四十幾歲嘅未婚中年大叔,佢喺政府入面做CO II,即係二級文員。佢同好多做咗好多年政府寫字樓工嘅人一樣,老油條冇乜生氣。不過自從HIGH DIP學生妹入咗佢個組之後,佢就有生氣咗好多,平日指導HIGH DIP學生妹做嘢,特別積極同細心。相反,我哋其他臨時工,喺其他組入面,就得唔倒相同對待,有時仲會俾啲變變地態嘅大嬸彈我哋做嘢唔得,難怪HIGH DIP學生妹會覺得呢位大叔特別好。

女仔生得靚,又有富二代男友,人生勝利組喎,一定令人羨慕啦。不過羨慕還羨慕,如果唔知檢點,羨慕就好容易引起身邊其他女仔妒忌,搞到自己去到邊都成為針對嘅對象。呢種招人羨慕、妒忌、攻擊,但又勁幸福嘅女仔,我見過一個。

有位中年大叔,四張幾野,個人粗野唔型仔唔靚仔,仲要係窮撚一條,冇特殊技能,更加冇所謂事業成就,比較慶幸嘅係,到咗咁嘅年紀,佢都冇地中海又冇大肚腩。至於對女仔,佢真係一啲都唔認識,曾經呼籲女仔唔好喺感情上依靠男仔,靠自己好過,結果俾一個失戀多年兼一直搵唔到第二春嘅女仔批評:「你太唔明白女仔個心啦。」大叔聽到人哋咁話佢,心諗:「又係播。」不過講都唔信,一條咁嘅麻甩佬,竟然都會有老婆。人生,就係咁奇怪!而更奇怪嘅係,竟然會有一個寂寞的心主動搵佢。話說有一日,大叔收到一條FACEBOOK MESSAGE,係佢一個女同學嘅細妹

兩個好姊妹,都非常聰明、非常有內涵、非常重感情、絕對唔貪錢。對於愛情,兩個都好一致,佢哋唔會要求個男仔有車有樓,只係需要人品好、有才學、夠專一、溫柔體貼,如果外型有翻咁上下,就更理想。可惜,正正因為喺愛情方面嘅要求太相似,就出現日後嘅感情創傷。

話說個準新娘翻咗新工,識咗一個男同事,驚為男神,而且即時愛上,仲愛得好緊要,甚至好坦白咁話想同男神長相廝守,同佢生仔。根據準新娘講,愛上新相識男神嘅原因,係因為男神比原來嗰位準新郎「更加有男子氣概」。咁又難怪,男神本身練日本劍道,論男子氣概,絕對遠遠高過文靜溫柔體貼一切以身邊女神為中心嘅準新郎。

好可惜,佢哋長時間只能夠處於「準情人」而唔係正式情人,事關有一個永遠改變唔倒嘅結構性問題──準女友年紀大過準男友十幾年。

乖乖女可能想避開啲衰人指指點點,就響眾人面前消失,自此我亦冇再見到佢。佢最後點樣抉擇,亦都唔知。響度祝佢有個幸福嘅人生。