火雞老母生完火雞仔之後，聽到火雞仔吱吱聲咁叫就會沖埋去餵佢，就算見到天敵黃鼠狼，只要隻黃鼠狼吱吱聲（研究人員塞舊錄音機入黃鼠狼標本裡面），火雞老母都會當咗佢係火雞仔走去餵佢；但一聽唔到吱吱聲就伯當佢仇人咁啄。即係話，火雞老母其實唔認仔，係認啲吱吱聲。
好多人都唔明呢個道理，所以都見唔少人學羽毛球未學識開波就走人、學功夫練兩野出拳踢腳就問「招式喺邊？」、學柔道又唔練十式落蓆（受身）就想撻人（或者比人撻）……呢啲都還好，一啲知識體系層級化得好緊要（個term係我作出嚟，簡單啲講就係幾乎所有野都要跟次序學，你未學識呢級唔會睇得明下一級）嘅學科／手藝例如數學咁，先係重災區。
好多人話唔會睇唔起窮人、矮仔、甚至傷殘嘅人，但係就會明言睇唔起自卑、無上進心嘅人。姑無論啲人係咪真係咁撚「高尚」先（可能人地心裡面睇唔起窮人矮仔呢～），到底有乜理由唔可以睇唔起物質／身體上缺失嘅人，但係就可以睇唔起心靈上缺失嘅人？
我幫緊一啲學生補習，不幸地全部都係男仔。其中有一個下年會升中六，話之前一路都唔讀書，科科都唔掂，掹掹緊叫做唔洗比人踢出校咁，家下忽然生性，唔想炒DSE，想話追返進度喎。佢就生得OK靚仔嘅，又唔怕醜，一睇我都知係掛住溝女累事架喇。補補下，個靚仔問我：「我唔想炒DSE，可唔可以教我點讀書？」
我朋友上個月過咗身，由四十樓跳落嚟。我識咗佢十幾年，佢一路發佢嘅作家夢，而我一路都笑佢幾時先醒。上兩個月佢話，老婆走咗佬之後，佢先覺得自己好似發咗一個好長嘅夢咁。我幫唔到佢，一個無夢想嘅人幫唔到一個實現唔到夢想嘅人。
親戚、社會賢達，甚至同輩，都成日同你講：「學業／事業要緊，家下比啲心機，玩就第時先玩，先苦後甜呀。」結果呢？DSE果時就話：「考好啲個公開試，上到大學先玩」；上到大學，發現原來大學唔係其他人講到咁輕鬆，於是你又加多幾錢肉緊去讀書：「Chur高啲GPA，第時出嚟搵份好工，大把假放大把錢去旅行。」；出到嚟做野，又發現比個世界呃咗，一份好工根本唔係咁易搵、職場生存根本唔係咁簡單，於是你又同自己講：「唔緊要，落力啲做野，一定有機會升職。」
有一個女仔同我表白。姑且叫佢阿琪（奇），因為呢個女仔又係一位奇女子。阿琪唔算好靚、唔算好聰明、不過都叫有啲人追果隻；我地平時有一齊玩，好好朋友，佢亦都知道我中意阿希。你可能好奇點解一個毒撚會夠膽同女仔玩，好簡單：我對佢完全無對異性果種好感。
「你知唔知人地中意啲咩先？」 我呆咗陣，係喎，到底佢中意啲咩呢？講開我先發現，原來我都唔係好知道佢嘅嘢，只不過係會上堂吹水嘅熟悉程度。到底點解我會中意佢架呢？ 「嗯……都係果啲野掛。」佢眼神閃過一絲失望。 「人地中意啲咩都唔知點樣追人呀？呢啲係扣分位呀！」
我地呢一代人本身已經劣勢，如果仲要士氣低落、兵力不足，就真係無得玩。只要仲輸淨條底褲，就有啲野可以做：學多啲野，為將來一閃而過嘅機會做準備；同志同道合嘅朋友組隊做想做嘅野，搞關注組又好，或者只係一齊追自己嘅夢想都好；認識返自己嘅母語廣東話，同埋寫多兩篇粵文、同小朋友講多啲廣東話，等呢隻語言存續得耐啲。
唔知好彩定唔好彩，響好多年前比我遇到呢位稀世奇珍小姐。以下為求簡略，就叫佢做阿希（稀）。因為廢事叫阿珍嘛大佬。佢家下婚都結埋，我祝福佢之時諗起同佢啲神奇經歷，真係忍唔住要拎出嚟講下。
想像下你係自己嘅同班同學，如果你見到個人閃閃縮縮、唔敢有眼神接觸，你問佢一唔一齊食lunch佢就「呃…唔……」然後靜咗一輪，等你行開咗先用細聲到聽唔到嘅聲量講「好、好呀……」，你覺得你會唔會同到佢做好朋友呀？（係，係會做到嘅，毒撚都有朋友，不過少咁解姐）
我諗大部份人入大學揀科果時，都係響興趣同搵錢兩者之間掙扎。一邊係高呼「我要做金融才俊！」然後狗衝去讀商科＜刪除線＞最後做咗sales仔＜／刪除線＞；另一邊就好瀟灑咁拋低一句「我唔在乎錢，我心在學術志在興趣架炸！」然後毅然讀咗文學院理學院，＜刪除線＞最後真係乞食＜／刪除線＞。
今日返屋企搭lift果時撞到個師奶，兩手拎住兩抽野。我入lift先嘅，我一入就禁咗自己果層，見佢入埋嚟就禁埋閂門。佢入到嚟就企咗響到唔郁，我諗應該係住同一層。但係諗諗下，唔係喎，我日日都差唔多時間出門口同返屋企，差唔多認得曬同層果啲人，好似一次都未見過呢個師奶。（包括對面個靚女學生妹，毒撚我好想同佢做……做朋友，但係為咗對方幸福，我唯有默默守護佢、目送佢。雖然最後佢都係「摺」咗一聲，可能我默默咁望住佢太耐。）我住30樓以上嘅，部lift上到十幾樓果時，個師奶失驚無神擰轉面撐大對眼望住我。
