@藍橘子
藍橘子
藍橘子
仍未被世人發掘的詭異生果。至今共推出七本個人小說,不停寫作,目標是將荒誕奇怪的故事嵌進讀者的腦裡。若你喜歡怪人,其實我很美。專頁:http://www.facebook.com/BlueGodzi

「我男朋友寫嘢好叻嫁,佢差少少運氣啫,有冇增加人緣觀眾觀嗰種?」喂大佬啊!我咁不知恥都唔夠膽開口咁樣讚自己…估唔到女朋友比我更加不知恥。結果就買咗呢個佛牌畀我,我無法想像當時舖頭老闆聽到呢句說話時嘅表情…後來,朋友見到有啲話買錯,有啲話嗰間舖頭賣假貨…每次聽到我都會掌佢哋個嘴!對我黎講,呢個佛牌係一個最好嘅護身符,佢背後嘅意義先最重要,佢嘅效果就係無L敵敵,就算話佢可以擋子彈,我都信!

「其實你唔需要亂咁求其搵個人拍拖,根本對方都唔適合你,夾硬一齊都無意思。」「但我想拍拖嘛…」「我問你啦,返工你開唔開心?」「點會開心㗎…?」「返夜校呢?」「好攰,唔開心…」「返屋企呢?」「成日同屋企人嘈…」「咁你唔認真揀個伴侶,人生除咗訓教之外,仲有咩時間係開心呢?」「但我全日都忙到透唔到氣,邊有時候識人啊?所以我咪撞彩咁拍拖囉!」

「做人嘅嘢,一係搏!一係唔搏!…唔拖唔水咁妳知唔知變咩啊?」我問。「變咩?」「變『微博』啊!!」「……」女朋友連表情少少變化都無。「唔好笑咩…?」「哈哈哈哈哈哈哈哈哈!」幾秒之後,女朋友先get到我講乜,然後笑到飆晒眼水。「喂妳又太誇張啦,又未至於好笑到咁…」「笑到我個肚好痛啊…」

「祝你心想事成。」突然一把有如天使咁嘅聲音從背後響起。我擰轉頭,果然不出我所料,係我女神Suyi。「多、多謝!祝妳…」當我諗緊一句又有心思又印象深刻又有少少食字幽默嘅祝賀說話畀Suyi時,我後尾枕好似畀人突然間拍咗一下咁…女神佢派利是畀我…?即係代表…佢結咗婚?!

同女朋友有時搭緊車,或者食飯等緊位時悶悶哋,都會搵啲小遊戲解吓悶。除咗前幾篇介紹過嘅『扮唔識』之外,仲有啲普通少少嘅。例如手機小遊戲咁,當佢處於劣勢,就會撥開我隻手,激動啲甚至會成部手機搶走…直到確保自己贏,先至畀返部手機我。

女朋友係個韓迷,幾乎每年都要返「鄉下」一次,就算每次都差唔多行程,佢已經好滿足。佢仲識得捕住幾時有特價機票,又識上網訂酒店,仲成日都會帶「驚喜」畀我…有日,女朋友無啦啦打黎:「我有份禮物送畀你!」「咩…禮物…」通常佢話有禮物,都係有淘寶送去我公司要收件,再將淘寶嘅小贈品塞畀我做禮物。「上次咪話去旅行嘅!我搶到平機票啊!喲呵!」聽到佢講呢句,我就虎軀一震!「等等先,你訂咗幾多點飛機…」「嘿嘿~」女朋友笑得咁奸,就知道…

「食完宵夜!再食甜品!」女朋友好堅持。食宵夜同甜品亦係每年指定動作,通常呢段日子周街都係小販,成條街都係人,個氣氛特別好,所以價錢貴少少都無所謂,買碗碗仔翅,戳串魚蛋(豬大腸已被小豆禁止),有埋雞翼尖就prefect池!不過!今年就有少少特別…年宵外面嘅小販區畀人圍晒鐵欄…一檔小販都無。我同女朋友行近去睇,周圍都唔見有小販,亦聞唔到小販獨有嗰陣好多食物混雜出黎嘅香味。

好快,全枱人都一齊望實個手機。喂!咁難得先約齊人食飯,仲玩手機?仲有乜意思?於是,我就喺個飯局group度打咗一句:『不如玩個遊戲?由而家開始直至食完呢餐飯,邊個忍唔住望手機,邊個埋單!』阿偉第一個收到msg,快快手收埋個電話。唔洗一陣,大家意識到唔對路,陸續收埋自己嘅手機,互相監察。

男人拍拖最緊要學識一種技巧,就係點樣同女朋友鬧交!唔係叫你拗贏佢,而係點樣盡快撲熄呢場毀滅性災難…記得有段期間,我同女朋友小豆經常鬧交。三日一小鬧,五日一大鬧。完全無預兆點發生,亦唔識點樣阻止,只能夠迷信地諗「係咪我著咗呢隻顏色襪所以鬧交呢?」「會唔會我食得辣嘢太多?」「前兩日我無幫襯妹妹賣旗,關唔關事?」

有一天,他忽發奇想,如果能聽懂牠們的說話,甚至可以與牠們溝通,這樣實在太幸福了。於是,他發明了一個「動物翻譯機」,能夠翻譯任何動物的語言。發明家很疼鍚自己的寵物,不想牠們受傷,保險起見先找其他實驗品來測試。第一個實驗品是一隻馬騮,他將翻譯機戴在馬騮的頸上。「人類!弱智!弱智!」馬騮指住發明家嘰嘰地笑。

包餅放咗成個月,完全無人掂過。打開個零食櫃,唔講以為Mary係百佳粉絲,全部牌子都係「佳之選」。從此以後,公司個零食櫃就好似各大商場嘅空中花園一樣。

「唔會嘅,我知妳驚嘅~咪扮嘢啦!」「真係唔驚囉…」「…」佢一定係呃我!「驚啦!」「唔驚。」「喂…驚啦求吓妳…」唔知點解,我覺得自己越來越無尊嚴…「驚乜鬼啫?!」

同女朋友拍拖到而家,都好鍾意傾電話,除非真係好忙,如果唔係都好少去用Whatsapp溝通,就算係一句好短嘅問題:「今晚食飯喺邊度等?」我都會打電話畀女朋友,傾兩句計,當係一個減壓運動。

「Jack,我唔該你上進少少啦!你有冇諗過我哋將來啊?」呢句對白成日都聽,我以為只會出現喺電影,估唔到今日會由拍咗五年拖嘅女友Vivian口中講出黎。「我點唔上進啊?日一份晚一份,就係為咗將來買樓咋!」講得出呢句嘢,分手機率比『性格不合』更高,我只係垂死掙扎。

千尋,妳需要什麼?是藥湯的木牌嗎?我幫妳拿了一個,妳向我道謝,但妳不願意接受更多。千尋,妳要金子還是美食吧?我全都給妳…我…好寂寞!結果,我被妳拒絕了。

「妳…可唔可以做我女朋友?」我問右手。佢有啲震,掌心仲泛紅發熱,佢怕羞。畢竟係第一次同人告白,當時我都好緊張,成個人都震晒。