近期人民幣滙價持續下跌，按Bloomberg的資料單是近一個月已由兌0.1649美元跌至兌0.1626美元，跌幅為1.39%（或以較常見的方式表達，就是由1美元兌6.066人民幣升至兌6.1499）。這是近年都未試過出現的情況，而事實上不少人都覺得人民幣持續上升的故事已完，現時中國經濟疑似出現危機，包括地方債在內的問題相信快將爆煲。
按蘋果的報道，昨日文化中國的沽盤多達44億港元，而交投股數亦多達24.2億股，多得就算是兩個最大公共股東紅杉資本及騰訊都可以賣得晒手上股份（兩者分別只有10.08億及6.66億股），可見沽空極為驚人。
日本10分鐘剪髮店QB HOUSE，決定將在4月將剪髮的價格由1000日圓調高至1080日圓，為日本的「通脹製造業」最新的成功例子～為甚麼要加價？誠如片中所講，QB House要對租金等成本的上升，而下月日本政府亦會將銷售稅由5%調升至8%，故以就連以「平靚正」為招徠的QB House都決定加價。
本港各大銀行處理毫子都要收手續費，令致商戶普遍不歡迎客人使用毫子購物，故實際上毫子的購買力某程度要比面值還要低。（一個買到東西的一毫總會較一個買不到東西的一毫值錢吧？）
經濟學界對政治選舉議題一向有探討，因經濟學在美國某程度上是件政治工具，故經濟學者對政治往往頗有興趣。對於選舉，經濟學者都一小小的疑問，就是選民的投票取向左或是右到底是由甚麼決定的？市民主張自由經濟減少規管（較右），或是主張增加福利、大愛包容（傾左），是因為道德感召、價值觀主導，還是經濟生活需要使然？
Mark Zuckerburg 在會上不只一次講左，佢會先試WhatsApp獨立生存的經營模式是他們目前的想法，他更將Instagram作為類比，指處理WhatsApp的方式會相近，不會直接將之加入Facebook之內。
毫子在市面上不受歡迎不是香港獨有的問題，美國也面對相同的問題。始終，在銀包電子化的年代，加上長年物價上升，毫子及散銀在先進國家的應用都受到討論。近年美國便有不少關於散銀的經濟討論，值得我們了解一下。
財經，睇過名都知係馬經同波經啲Fd﹙「經」字唔是等如「經濟」，你知道的，對吧？﹚，失業率作為一則對「投資」一點影響力都無的新聞，某程度上「出已經好俾面」，故好多時都轉到平常較少處理經濟數據的港聞版做。我個人對此是明白的，因為在「財經版經濟學」上看來，這是合理的選擇。而係港聞版，通常的做法就一定係找一位「經濟學者」問一句bite，然後抄抄抄，收工（例子）。
FIFA的世界排名是以各國家隊過去四年的平均分數作計算的，而分數是由國家隊每次比賽的結果而得來的。至於每場國際賽可以得多少分數，就由四大因素決定，分別為：賽果、賽事的重要性、對手的世界排名及對手所屬的洲分的強弱。
他開宗明義就講，呢本書唔係旨在教「如何在相睇網站上取得成功」。真正的目的，是要從一個「50幾歲、失婚無耐加上有兩個仔女，遇上溝唔到女同佢過埋下半世這『中年危機』」的經濟學教授之角度，去分析Online Dating的運作並教讀者簡單的經濟學理論。簡單點說，就是Oyer教授覺得，「反正用左咁多時間係Online Dating都溝唔到女，不如寫本書自娛下啦。」睇到呢度我就覺得「溝唔到女所以寫書！？ 咁好似幾正喎!」
假如有一個Happynomics 的指標真能成功量度我打GTA Online 的Well-being提升，而又成功取替GDP成為國家重要的進求目標，那變相令「鼓勵人打多些機」成了國家追求的目標？嘩，這樣的話，俾D離地中產家長睇到，點會讚同Happynomics 取替GDP啊！「啊仔！唔好學呢D！」首先，我唔明白點解打機提高Well-being 就係唔好，讀書提高Well-being就先係好事，Well﹣being應該無分種類的～
新一代的年青人如果被問到他的終生財富有幾多時，應該會這樣回答：「我成世可以賺幾多錢？ 鬼知咩，都唔到我話事。總之唔會多啦。」所以要明白，Levitt同Milton Friedman 這個「年青人要spend more and save less」的建議，其實只適合有前途的年輕人。係香港，如果你自覺冇前途，咁就唔好洗咁多，得閒學黃子華講咁儲下錢。咁如果你自覺將來會好有前途，我除左講恭喜就真係唔知講咩好啦。
作為曼聯迷加上「財經記者」，眼見球隊的聯賽排名用iPhone 5s都睇唔到之際，當然要問下「全能的」投資市場，曼聯前景到底會點。輸俾西布朗，在第6輪賽事就吃下第3場敗仗，成為近24年來最差的開季成績，聯賽排名更跌落12位，這些前所未見（至少我睇波以來都未見過，我咁後生～）的情況到底會如何反映在曼聯的股價上，要今晚先知（希望到時我有時間update下大家），不過我地可以睇番之前兩場輸波後的股價表現，以前事作鑑。
除非今晚有突破性發展，未來兩日財經世界的走勢都會被Debt Ceiling （債務上限）呢件事左右。（當然，意大利貝老的同黨集體辭職都會左右大市啦，不過重心都係美帝會唔會違約呢件事）。各大「財經」版都在過去一星期對Debt ceiling有適量的報道，不過由於版位有限，加上美國的政治好複雜及事情發展得好急 （當然重有寫手的「我寫得詳，讀者都唔會明啦」的心態），令大部份報道都係集中於個別大事件上。 本著網上版位無限，你鐘意睇就睇，唔睇就算數的心態，我就大膽從美國的媒體為大家整合一下報道，等大家睇得明D。
