大家對政治表態嘅要求高於服務、貨物嘅要求，市場自然會慢慢淘汰啲服務好、貨物好，但係政治表態唔啱大家心水嘅商家，又或者啲商家會識得調整自己，將部分心機、支出呢啲成本轉去政治表態方面，嚟維持生意/賺多啲，而服務同貨物水平就下降。
我喺呢個post會講下我對於哲學係咩嚟有咩睇法。成篇文會由點解我會諗呢個問題開始，然後講下我喺大學時期遇到嘅一種解答，methodology-based theory，同埋點解我唔認同呢種解答。然後我會由Science係啲咩嚟開始入手，指出Science係study of phenomena，而數學唔係science，最後由Science同數學之別帶出哲學係啲咩嚟。喺文章嘅最後，我會講下哲學究竟重唔重要。
識得談判嘅人，除非已經確保自己有絕對嘅優勢，否則都唔會一開始就同對方談判，甚至為咗攞主動權，會盡力掩飾自己談判嘅意願，仲會借機搞搞震，顯示下自己嘅實力，但係同時又唔會show曬出嚟，令對方摸唔透自己，令對方高估自己嘅實力。（你睇到呢到，諗下泛民係唔係徹徹底底嘅反面教材？）
知唔知咩叫議員責任、公民權利同公民責任呀？做得議員就有責任接受市民嘅質詢。而質詢議員就係公民權利。再進一步，如果你信咩Republican 嘅理論，質詢議員直情係公民義務添。
做泛民議員好似你哋咁講嘅話真係好梳乎喎，佢質政府就得，我哋質佢就唔得？做得唔啱，尸位素餐就要屌㗎啦 :0) 唔公開屌？同佢有親咩。
睇返梁前市長呢幾日嘅post，覺得梁前市長喺挑撥離間同煽風點火呢兩方面都有過人嘅能力，就算班勇武派明知係陷阱都有唔少人心甘情願咁跳落去。因為梁市長真係睇穿曬泛民同呢班真係犧牲好多嘢去追求民主自由公義嘅人嘅矛盾。
