@裝修小妹
裝修小妹
裝修小妹
一個女仔,喺呢個男人嘅世界......

其實天然嘅石頭,除非係鑽石呢啲巨型共價結構(giant covalent structure,中學chem 堂有教)啦,否則礦物之間難免有一啲細窿仔,如果用喺廚房或餐檯呢啲油鹽糖咁豐富嘅檯面,啲污糟嘢就會匿曬入呢啲窿仔,點清潔都會剩番少少,再加上天然礦物質同水同食物會有化學反應,久而久之就會變色

香港政府唔解決住屋問題,公屋俾晒新香港人,想買樓自住固然係遙不可及,想喺市區租個單位,好似小妹呢啲90後啱啱踏入職場無幾耐,諗都唔好諗。既然係咁,市場對於近市區嘅劏房需求就非常殷切,無他嘅,喺返工附近有個地方沖涼訓覺,邊個打工仔唔想丫。既然係咁,小妹今日就介紹下我公司早排完工嘅其中一個裝修個案,銅鑼灣時代廣場附近某單棟洋樓嘅碩果僅存天台單位,點樣變成合法劏房出租。

正所謂一分錢、一分貨,小妹我並唔係話平嘢一定無好嘢,但係有時都要諗下個價錢個合理性吖。早前我公司接左一單幫人執漏嘅生意,事主(講到好似警訊咁)就係因為貪平,結果搞出個大頭佛。

「陳生,要班同事將間房啲功能完全改變,重新設計,呢部分都係錢黎架。」老細盡量平和,當然個客唔係姓陳啦,「設計需要時間,時間就係金錢吖嘛,陳生你都做生意嘅,你一定明白嘅。」至於大家心諗「圖紙其實係A3架,你唔識就唔好嘈!」就忍住無講到。

「間屋你都有份架。」老婆把聲震哂,「你係咪要我一個女人去湊住班裝修佬呀?而家出左問題係應該解決,而唔係喺人地舖頭度嘈囉!」