上到去印刷廠，神奇嘅事情發生啦，印刷廠問我單號碼係咩，我點會知呢，跟手我whatsapp 咗個寄件人，我等咗佢五分鐘先收到佢張單號碼，我心諗，點解你唔一早寫響張單嘅備註欄到呀，收件都要等5分鐘。
呢一張單做嘅係速遞貨物，本身我哋理應視作張單要運送嘅嘢係貨物啦。張單所送嘅係一個商戶新鮮煮好嘅狗糧，但係基於係速遞單而唔係食物外賣單，而呢個速遞服務係無低溫嘅速遞呢個服務，任何嘢都只會視作普通貨物咁送，而且係唔會有額外嘅保護嘅
孖單響新嘅制度下唔係計兩單單錢，嗰計法係由嗰人去到餐廳以及顧客 A 同埋顧客B 嘅最佳距離，咁都係嗰句啦，佢話嘅最佳距離，佢話嗰個就係嗰個，另外有一次嘅取餐費，加埋兩次送餐費，以及孖單額外獎金，如果佢話嗰兩張單個最佳距離費用係最低距離費用保證嗰個數，咁每張單會賺到嘅會急跌，步兵每張單會變咗$25，而車手會變咗$32.5，送多咗單，人工反而跌咗咁多，咁你嗰計畫唔係伏係咩阿？
客：「呢度$600」我：「你等等我啊，搵緊散紙找俾你」（當我仲搵緊嗰陣）客：「不如我俾$602 你，你找返$40 俾我吖」佢臨時加咗2蚊俾我，嗰一刻未load 到應該要找返幾多俾佢，但係嚴重feel 到唔應該找$40 俾佢，我決定穩陣啲，撳計數機！
成張單就係得咁多嘢，無任何額外要求，更加冇寫要餐具，咁呢張單本身由我攞到送完本身都好正常，當我交咗啲嘢食俾嗰客之後就響電話撳制話完成咗張單。跟住電話立即響咗第二張單俾我，咁我就繼續原地企響度睇下跟住呢張單去邊嘅，突然頭先個客折返搵我
一去到餐廳見到公司嘅外賣袋已經放咗出嚟釘住公司張單，我咪即刻攞起成袋嘢諗住走啦，因為呢個動作係話緊俾我哋聽張單已經搞掂，可以攞走。但係一攞起袋嘢，咦～？點解袋嘢輕飄飄嘅，明明嗰客係食豬扒麵架喎，即刻打開歌袋個陣，發現得塊豬扒響入面，嗰麵同埋嗰湯係消失咗，雖然係好怪，但係呢間餐廳會發生呢件事絕對唔出奇，跟住咪問返餐廳囉，嗰侍應見到響張檯上面有嗰外賣麵同埋湯就推俾我，嗰陣就響度諗，咁應該齊啦，行得。
執行日期消息指，係7月會開始推行。跳跳紮外賣公司曾經一度響英國倫敦推行過逐單計，可惜因為當地外賣員不滿，繼而罷工，計劃被逼終止，所以香港推行，並非無可能。
既然咁多間公司都接近請硬你咁濟，咁我都響度講下份工嘅工作內容啦，咁就令到大家可以了解下份工作啱唔啱你做啦，咁就毋須返咗幾日之後話不合適然後辭職啦。放心，我都考過公開試嘅，都知道你哋考完試搵工憂慮緊啲乜嘢嘅。
嗰日我攞住份外賣去到呢間國際金融機構嘅樓下大堂，因為係非辦公時間，嗰幢大廈就唔俾上樓，我就要call嗰客落樓攞，當時我就響大堂嗰接待處隔離等嗰客，諗住可以挨住接待處張枱去等嗰客啦，畢竟佢哋落樓都需要啲時間。呢幢大廈唔係成幢都係呢間國際金融機構，所以呢個大堂係有兩個接待處，國際金融機構有一個，呢幢大廈亦都有一個，而我就係企響國際金融機構嗰個接待處，所以呢個接待處嗰職員係屬於呢間國際金融機構嘅，而唔係呢幢大廈嘅。
早幾日夜晚返緊工嗰陣有兩個，有兩個著住校服嘅學生妹響中環遮打大廈連接怡和大廈同埋碼頭嗰條天橋上面研究緊天橋上面嗰幅非常簡單嘅地圖，非常疑惑，好似蕩失路咁，我作為一個香港人，見到有人需要幫助，緊係即刻上前去協助一下佢哋架啦。
