嗰日我攞住份外賣去到呢間國際金融機構嘅樓下大堂，因為係非辦公時間，嗰幢大廈就唔俾上樓，我就要call嗰客落樓攞，當時我就響大堂嗰接待處隔離等嗰客，諗住可以挨住接待處張枱去等嗰客啦，畢竟佢哋落樓都需要啲時間。呢幢大廈唔係成幢都係呢間國際金融機構，所以呢個大堂係有兩個接待處，國際金融機構有一個，呢幢大廈亦都有一個，而我就係企響國際金融機構嗰個接待處，所以呢個接待處嗰職員係屬於呢間國際金融機構嘅，而唔係呢幢大廈嘅。
早幾日夜晚返緊工嗰陣有兩個，有兩個著住校服嘅學生妹響中環遮打大廈連接怡和大廈同埋碼頭嗰條天橋上面研究緊天橋上面嗰幅非常簡單嘅地圖，非常疑惑，好似蕩失路咁，我作為一個香港人，見到有人需要幫助，緊係即刻上前去協助一下佢哋架啦。
本身中上環啲寫字樓receptions都見慣我哋呢啲著住鮮明制服既外賣平台送遞員，只要知道啲食物係俾邊個客，我哋就已經可以送啲食物出去架啦，畢竟只要間公司多啲員工，一個午市分分鐘都可能會有好多個外賣員送食物上去，所以佢哋絕對好有經驗處理我哋架。
早排試過送過一單外賣，本來都好正常嘅，去到餐廳已經可以即刻攞嘢食走，然後我就開始行去個客到。當我行到一半嘅時候，嗰客打嚟搵我。客：「你好呀，點解我見到你個實時位置都無郁過嘅？」我：「我一直都行緊過嚟架喎」客：（開始扯火）「你行過嚟呀？你哋唔係有啲綿羊仔架咩？」我：「……」
形容一下呢間公司先，呢隻係一隻動物，幾懶惰架，一啲都唔跳跳紮，佢哋係已經響香港提供咗食物外賣服務已經超過一年，所以呢隻動物一定係唔識飛嘅，識飛嗰隻玩外賣得半年左右，呢間公司嘅兼職員工返工時間係採用報更嘅形式，然後公司再編更嘅，所以同事報咗更都未必一定會有得返工。
嗰陣我都係同平時一樣，差唔多準備去搭電梯嗰陣就call嗰客落樓，落到大堂我就見到隔離公司嘅外賣員都響度等緊個客落樓，咁佢係早過我響度嘅，理論上佢個客會快過我個客落到樓攞外賣啦。我同佢企咗響大堂一陣，有個外籍人士人就響升降機行出嚟，隔離公司嘅外賣員就行前去閘機，令嗰客唔洗出閘就可以攞到，外賣員行到去閘機拎起份外賣之後，該名外籍人士就伸隻手出嚟接佢份外賣，然後就去返搭𨋢上返office，而個外賣員就行返去搭電梯上返一樓商場，而我就繼續等我嗰客，突然個客攞住份外賣折返大堂，但係頭先個外賣員晨早已經走咗唔知去邊，嗰客望住我同我講
第一樣我想講嘅係準時呢樣嘢，亦都係全份報告入面最有趣嘅其中一個地方，因為報告入面，UberEATS嘅準時比率竟然只係得20%，而我覺得消委會呢個實測嘅數字絕對唔會有錯，因為UberEATS響送餐準時呢方面真係可以好災難架。
「即時跟蹤訂單」擺明係見到其他公司有呢個功能，你加返入去你個系統入面，懶係勁咁，同iphone8有無線充電係同一個道理嚟，係咪應該掉返轉話你終於都有啦？另外話加入食物相片，咪又係抄人哋，uberEATS無咩？同埋點解你個app無得預訂外賣響稍後時間先送嘅，要人上返去你個網站，同埋你有好多嘢都叫人上返去你個網站，咁我想問你個app用嚟做咩架？
