由民間人權陣線（民陣）發起，一如以往又係由泛民擔大旗、搭大台嘅6月9號反逃犯條例修訂遊行，聲勢浩浩蕩蕩， 各行各界、唔知全港幾多成學校嘅校友都好似忽然瞓醒咗咁話要為香港企出嚟。就連之前話同泛民勢不兩立嘅本土派，都唔知點解好主動咁投向泛民大隊，叫晒親朋戚友姨媽姑姐一齊去遊行。
香港係保存六四火種嘅最後之地，而香港亦同大陸唇亡齒寒，所以有建設民主中國嘅責任，而家越黎越多大陸人落黎，令到支持建設民主中國嘅人越黎越少，情況實在令人擔心！港大嘅例子好清楚咁話咗比我哋聽，越多中國大陸嚟嘅學生，就越少人支持建設民主中國，要喺學界保存建設民主中國嘅精神，就一定唔可以再比咁多大陸學生落黎！
我相信面對羅冠聰背後嘅強大體制共識，司徒同學參選，自己都從來冇諗過可以贏。所以我特別佩服佢嘅體育精神，不昔陪跑都要盡力製造學聯有真選舉嘅形象，為保全學聯形象而不顧個人榮辱，實在係非常偉大。
睇返份聲明，實在係寫得大方得體，開心見誠。單係第一段就將帳目交代得清清楚楚，斬釘截鐵咁證明學聯冇人收取金錢利益。既然最重要嘅金錢利益都已經講明係唔存在，好似自治八樓冇收過租呢啲非金錢利益輸送就無謂再提啦，會章都講明只對錢銀問題有規定，唔通學聯唔止有「行政疏忽」，仲有「立法疏忽」咩，講你都唔信啦！
當務之急，係用盡方法挑戰個公投嘅有效性，唔好比班共諜利用民主制度破壞團結。我哋一定要迎難而上，鞏固現有組織，加強群眾基礎，做好組織控制同思想傳播，深耕細作，唔好比啲共諜右膠擊潰。民主會戰勝歸來！
中共喺呢啲嘢嘅部署唔會錯，佢哋睇得好通透，劇本好明確，所以做一啲令佢哋高興嘅嘢，肯定會間接削弱爭取民主嘅力量。中共好聰明，一定唔會今日高興完然後聽日先發現中伏，係得我哋先會，所以一令共產黨高興就會好大鑊，永遠翻唔到身，我哋要時刻戰戰兢兢，唔可以有一秒令共產黨高興，因為佢哋好可能已經睇穿晒我哋嘅部署，喺度竊笑。
