順治年間改曆，其實觸動到原欽天監部分官員嘅利益，尤其是欽天監回回科嘅官員──因為明代所採用嘅係元代郭守敬嘅《授時曆》，用嘅曆算技術係參考伊斯蘭曆法，所以欽天監內亦有負責伊斯蘭曆算嘅部門；而呢個部門就因為新曆唔再需要佢哋而裁撤；其後當中有個叫吳明炫嘅官員就上奏指湯若望嘅曆法有錯，最後驗證係吳明炫自己搞錯。
第二日一早，消防官竟然打嚟同我講：「你今日唔使嚟喇，冇傳單派喇。」上網一睇，原來話係「消防高層震怒」，仲話我影響佢哋形象！咪玩啦，嗰個造型邊會有人link up到消防呀！算，冇得做咪冇得做，但都要找返條數。點知連出job嗰邊都失埋蹤，死都唔聽電話。冇法啦，唯有又去消防局，睇下仲見唔見得到笑笑口嘅消防官，希望佢會應我啦。
我又唔係話呢啲「不平等條約」可以唔守，奶咗嘢真係要找數架，我絕對反對單方面「廢除不平等條約」架。一係就好似中（華民）國咁，同盟軍並肩作戰（aka做超級炮灰）幾年然後對方通知不如廢約重立，一係就好似日本咁切切實實維新改革，等人哋睇得起你然後再重新立約。
不實嘅部分可能就係「吳欣鍵係吳旭光個仔」呢一點喇。如果話呢句嘢不實，咁樣泳隊份聲明係咪想講，吳旭光頂綠帽戴咗好多年，所以生果報推測話吳欣鍵係因為佢係吳旭光個仔所以可以出賽呢一點係失實呢？咁搞法呢粒花生真係好食過金龜嘜喎！
咁當今漢人嘅生活又有咩好學呢？喺中共統治之下，過漢人生活嘅人一早就畀人打成階級敵人，鬥唔死都走晒；剩返落嚟嘅就係經共產黨改造過嘅「中國生活」，自私自利、大話連篇、草菅人命、弄虛作假、笑貧不笑娼，大多無足道哉，又點會有人主動想學做匪呢？我諗大概就只有香港人同澳門人仲咁鳩想主動去學今日嘅「中國生活」喇。但喺中共治下，唔做匪就好易死。喺大陸呢幾十年，借用墳總一語，根本係「匪化」嘅過程。
「限梵令」亦都唔會好似「限韓令」咁，多少會影響到幾個專食中國人水嘅商家佬。頭先問過下啲天主教徒，梵蒂岡入面連間紀念品店嘅店員都係神父、修士、修女嚟，佢哋嘅「收入」只有教廷出畀佢哋嘅零用錢，話知你冇生意佢哋都係食咁多著咁多。唔止紀念品店，根本上至教宗本人，同埋梵蒂岡政府（a.k.a. 教廷）入面大部分人都係神職人員或者係修士修女。在俗僱員唔係冇，咪就係瑞士衞隊、警察同埋消防，仲有啲其他僱員咁，但僱主都係教廷囉。
「始作俑者、其無後乎」嘅內涵係，當人人認為人殉殘暴，要棄用人殉嘅時候，有個人走出嚟話「唔殉真人可以殉假人」，雖棄殺人之實，但又留住殺人之心。以禮為名而賊害仁心，呢個先係「始作俑者」最大嘅惡行。
業報之說，唔係今日開始講。以前吳克儉、袁國強有家人去世，大家一樣樂此不疲，但係咁又點呢？喺大家一齊恥笑佢哋「報落家人度」嘅時候，惡行又有冇停過呢？再者，呢啲高官年過半百者有之，其父母早就古稀之年，即使係配偶話唔定都隱有暗疾，其死乃屬天然。今次蔡若蓮死咗個仔，白頭人送黑頭人，先會叫奇異一啲咁解。然而，如前所述：今日香港，後生仔尋短見，好出奇咩？
舉啲例子：有養貓狗嘅人都知道，貓對住你平躺，係表達「信任」；狗搖尾呢，亦都有「友善」嘅意思。另外，閹貓狂徒（a.k.a. 獸醫）往往會同你講要閹咗隻貓，佢就唔會「叫春」嚟煩住你；咁其實大家都知貓為咩叫春，咁春袋都冇咗，仲叫咩春呢？閹貓嘅人真係好愛護動物架，由根源杜絕佢一世嘅情愛煩惱～當然，仲有一啲動物之間嘅溝通方式我哋係仲未明咩事嘅，好似一啲海中哺乳類動物係會「唱歌」嘅，但佢點解要唱、唱畀咩人聽，其實真係冇人知。
對SARS疫情期間新聞仍有印象的香港人應該會記得，率先發現SARS致病病毒的學術機構，應是香港大學。查當年報導，香港大學於2003年3月底已公佈發現SARS的致病源是一種新發現的冠狀病毒，而當時中國疾病預防控制中心首席科學家洪濤直至4月初仍堅稱SARS的致病源是衣原體，當時他實牙實齒向《大公報》記者表示
26個德意志帝國成員國，都保留自己嘅原有制度，除咗3個自由市本身冇君主之外，其他嘅君主都依然在位。名義上佢係一個帝國，結構上佢係一個聯邦。就好似今日嘅馬來西亞咁，各邦（州屬）有自己嘅君主或元首，共奉一個最高元首，而各邦喺一定事務上可以各行其事。不過唔同嘅係，馬來西亞最高元首係輪任，而德意志帝國皇帝係由普魯士國王世襲；而且馬來西亞以聯邦自命，而德意志帝國以帝國自命。
