@Grace
Grace

有一次鬧交,我又喺度迫佢「氹」我:「氹下我使死咩?點解明知講幾句嘢我就會開心你打死都唔肯講?」我好記得嗰次真係鬧得幾激,到最後佢都好燥咁講咗句:「點解一定要人講嘢氹你?我做咁多嘢你就感受唔到我錫唔錫你?我做咁多嘢有咩用?做咁多嘢都唔及得吹幾句水講啲花言巧語?點解你一定要問問問要我答答答,自己感受下得唔得?」

佢真係好唔浪漫。過時過節從來唔會話俾咩驚喜我,唔會話要去咩餐廳慶祝,唔會送禮物,唔會話要同我合照留念…佢甚至唔會話要約定我,因為喺佢心目中我要陪佢過呢啲日子係理所當然嘅事。我諗起跨年嗰時佢都係咁——我見佢冇約我我就自己搵朋友打邊爐,點知佢知道後又話我做乜約人,又係嗰句「跨年係紀念日呀!任何情侶都知紀念日會一齊過呀邊使約咖!」好喇到我盡早同朋友圍完爐去搵佢,佢其實又係冇計劃、冇諗住想去邊「慶祝」。而當我忍唔住問:「你又話要一齊過,咁你到底有冇諗住要點過?」佢真係會口窒窒扁扁嘴咁答咗句:「……總之我想一齊過。」

我覺得沖咖啡係好治癒嘅事

悶蒸嗰三十秒好治癒就不在話下。望住啲粉膨脹到brownie咁,新鮮嘅豆仲會釋出氣泡仔,一呼一吸好盞鬼。之後嗰兩三分鐘要好專注,而我呢啲心散又多雜念嘅人,一日可能就只係安靜到呢三分鐘。

「我對唔住你老豆呀,佢好淒涼呀,入好多次醫院…嗰次喺九龍城吖嘛,阿妹接佢放學…」老豆小學就遇到嚴重交通意外,成隻腳捲咗落貨車底。係嚴重,好很嚴重,但事發至今已經過咗48年,老豆捱過好多手術同埋神蹟咁嘅康復過程,而家雙腳健在行得跑得踩得游得…據說當年追我阿媽時我阿公都反對(驚老豆touchwood跛咗養唔到老婆),但結果老豆都係同佢嘅初戀即係我阿媽拍拖8年結婚32年恩愛到而家(閃過我一百倍)。老豆move_on咗幾十年,而家好幸福,而嫲嫲原來仲活喺內疚之中…其實好難想像,內疚近半個世紀嘅人生係點過…一定好辛苦。

諗起剛拍拖嗰陣,有次鬧交,我又鳩噏埋啲咩「你根本都唔重視我」,然後佢淡淡咁話:「唔重視你?我咁急考車為咗邊個?車我老豆呀?我而家黐佢車坐咪仲爽。唔係知你搭車辛苦,我做咩要咁急考車買車?我平時自己坐的士/call Uber咪得,我本身都唔使揸車。揸車為咗車你咋,你真係唔知咖?」

「BB真係好似爸爸呀」。唔知點解有啲媽媽會好介意,覺得你話「BB似爸爸」係表達緊「我真係恭喜你呀BB真係好醜樣呀」lol。其實個B係靚就靚係唔靚就唔靚咖啦,似父母是但一方都好吖至少一睇就知係有親屬關係,幾冧呀。

我覺得布m巾吸濕能力仲好過即棄m巾,不過我好明白未用過嘅人嘅顧慮,可以分享下:第一塊布m巾,我買咗34cm夜用裝;第一次用,我揀咗m到嘅第二晚。喺屋企用就算真係漏咗都唔會尷尬,而且一瞓醒就可以洗布m巾,唔使諗咩「用完焗住喺手袋成日會唔會有味咖,我接受唔到呀」。結果瞓醒就係冇漏過啦~要洗都簡單嘅,用水沖沖沖擰幾擰就得,如果啲血乾耐咗可能要浸一陣先。試過幾隻牌子嘅布m巾,個人同朋友經驗係用抓毛做「吸血面」嘅布m巾非常之易洗,啲血一沖就出晒嚟,反而成條都用純棉或有機棉嘅布m巾真係難洗啲,好多時都要浸過先得(落啲小蘇打粉可以殺下菌)。如果屋企人唔介意,掉落洗衣機洗都得(但你梗係最好用手沖洗咗啲血先啦),晾出嚟曬埋太陽更佳。布m巾要用得衛生,一定要晾得乾,要乾透,咁先唔會有霉菌滋生。

你真係當人係朋友嘅話,有咩唔認同、唔滿意,最好嘗試私下搵佢講咗先。可能佢會講佢嘅苦衷,你聽完會明白佢處境多啲;又可能你會開闊咗佢嘅諗法,左右到佢嘅做法。即係咁,假設你而家其實對我好失望甚至好嬲,所以暗啞底決定咗唔會再同我有任何交集,然後忍到某一日你終極大爆發喺公海屌柒我…我第一個反應會係好嬲,因為好冇面

唔係冇。我見到有,仍然有,不過都係啲無名無姓嘅人。有班人本身默默咁貼label、摺傳單、出街站、向親友拉票…冇人知佢哋姓甚名誰,但佢哋都盡力做好自己嗰份。然後望住啲人私乜私乜上腦(唔使分咁細,全部都係私心,都係自撚私),啲nobody都開始唔知自己咁辛苦為乜。

首先,其實我唔會將屋企收到嘅選舉通函掉晒佢掉淨自己支持嘅候選人嗰張。我會由得佢哋成疊咁放喺茶几或餐枱,等屋企人有意識就快到立法會選舉,知道「係喎,而家係競選期,嚟緊就要揀個嚟投」。你成疊掉晒佢,得返一份擺喺度,反而冇乜意思,屋企人根本唔會睇,可能只係當平時人哋sip信箱嘅宣傳單張咁無視。就算你房門、書枱、餐枱、雪櫃全部貼晒你撐嗰個候選人嘅單張,喺屋企人眼中,嗰件都係「你個人嘅事」(最多咪知你好buy呢個政治人物,咁點啫);但如果你俾佢見到屋入面好多通函,反而可以提返佢呢個選舉係「選民嘅事、香港人嘅事」。

到今日我肯撐19號梁頌恆李東昇,其實都唔百份百係因為梁天琦,而係除咗梁天琦之後,我見到阿某某朋友仲為緊呢堆人出力。你對呢個19號名單有懷疑,我明白,因為你可能一直只係透過網媒認識佢哋…但我點解信呢pair人,其實係因為我相信呢個某某朋友嘅判斷。我信任嘅唔單單係呢位朋友對梁天琦梁頌恆李東昇嘅了解,仲有我對呢位朋友一直以嚟嘅認識。

有錢出錢有力出力有人際網絡出人際網絡。唔好得個講字,要坐言起行。唔好得一剎衝動得一陣心痛得一刻憐惜,要持續支援。我哋未及上一兩代人咁有權有財有勢,但我哋會有,我哋會超越佢哋——只要我哋肯咬緊牙關沉著裝備。喺我哋年少時就拋棄同孤立我哋嘅,將會被我哋唾棄。佢哋唔會受到尊重,因為佢哋唔值。

喺唔改變佢生活習慣嘅前提下,我決定買本木序嘅到手香抗敏沐浴露俾佢試下。呢支嘢話係「濕疹、敏感皮膚適用」,同埋我貪佢係香港品牌,用嘅到手香同艾草係新界有機種植,同埋不含化學起泡劑、防腐劑、色素、香精等等。好似幾好。

買麵包都唔使膠袋?

美心啲包全部用膠袋包好晒,其實我好憎。我知好多人覺得咁樣「獨立包裝」咗就好似好衛生好方便,但我覺得好唔環保,同埋預早包定一定唔新鮮。

朋友就不用吃飯嗎?

飯局中有一位年輕律師,而其他人多是剛畢業、不太熟悉法律界的人。大夥兒興致勃勃地問這位律師朋友工作環境如何、公司文化如何、他到底要接哪類案件等等,有人亂入打趣說:「離婚案接嗎?如果我們將來有誰要離婚,找你是不是免費?」

尋晚中大學生會會長周竪峰同學俾社記一干人等50多人包圍同追打。人社尋晚嘅勇武片段唔使再睇住喇。瞓醒覺,不如一齊嚟睇下人社競選聯盟‬喺諗住喺今屆立法會選舉‬派出嚟嘅potential候選人,喺爆出「社記打學生」風雲後,係點樣玩fb?

頁 1 / 512345