鄧小樺響facebook公開訴苦，話去京都旅遊期間頭頭碰著黑，晚上六點去賞夜楓被逾千排隊人潮嚇得敗走，過咗下晝兩點同夜晚九點搵唔到嘢食，不停被店家拒諸門外，入到一間餐廳食著個難食嘅照燒雞飯，水平只及茶餐廳、學生canteen，然後索性為其命名「京都之恥」，大嘆「在京都吃飯真的很難」云云。
老板——應該好似《深夜食堂》小林薰咁樣叫Master——身穿一襲白色嘅廚師服，頭頂包一條白毛巾，花白嘅鬍鬚，熊腰虎背，隱隱然已經知道係高手。我地每點一道菜，佢都施施然由雪櫃拎材料出嚟，彷彿響大鐵板上變一輪魔術，就擺到我地面前。一道雞肉芝士串，材料就係芝士同嫩雞（ササミ，雞胸肉入面果一條比較嫩嘅肉），先將芝士碎鋪上鐵板溶咗佢煎成片狀，再放雞肉串上去，等芝士底部稍稍煎到變啡色，就捲起包住雞肉，再響上面灑少少胡椒，咁就完成。
話說大圍港鐵站東鐵線北行1號月台升降機要翻新，由2016年5月2號起封閉到6月中。於是不能用扶手電梯的老弱殘障、行李BB車，將會有一個半月時間失去通往1號月台的唯一路徑。
突破青年村，彷彿就是上主為這群傷羊健羊特意準備的地方。除了位於慈氏護養院對面，能就近牧養和照顧弟兄姊妹之外，青年村的環境也十分適合行動不便的「傷羊」聚會。「青年村已落成20年，以當時的標準來說，已經是很不錯的無障礙環境。這裏有足夠的平路、斜台、升降機方便輪友行動，也有充足的殘障洗手間。更奇妙的是，大禮堂不像一般教堂設有講台，完全是一大片平地，輪友聚會時不用上落。香港不少地方就算幼稚園的禮堂，都會有最少一級的高台，偏偏這裏完全沒有。」彭傳道說。
健行者覺得我哋好tough，好值得學習，只係錯覺。我係基督徒，同時作為一個苦難中嘅人，基督教俾我最大嘅安慰，就係有啲苦難係的確冇答案嘅，而上主在其中與人同行。同行唔一定係同甘，亦可以係共苦，要響苦難中搵意義，係好艱深嘅神學議題（得閒要搵返龔立人果本《眼淚並未抹乾》出嚟睇）。我今日仍然站得住冇響苦難中崩潰，的確係有嘢撐住我，可以係上主嘅恩惠，可以係我嘅積極樂觀。
昨日下午6時25分，小弟於東鐵線火炭站D出口進站乘上行扶手電梯，當時正值放工時間，乘客眾多，電梯滿載。小弟踏上電梯上升約十餘米後，電梯「轟」一聲突然停頓。正以為有乘客誤觸緊急掣時，電梯竟轉向急速溜後！
屈女士嘅文，都唔係一味得個屈字嘅，至少佢好忠實地反映你哋嘅想法。早幾日學生狙擊浸大校長候選人錢大康同浸大校董會，令浸大要延遲校長委任，並且承諾搞多幾場諮詢會。然後屈女士就問，「世上哪個地方選大學校長是要問過學生的？」哦，如果真係咁，咁仲搞諮詢會做咩？諮詢會遍及教員、學生、校友以至其他職工，原來只係扮民主？
因為步姿異於常人，我哋著鞋嘅受力點同普通人好唔同，我就偏向鞋頭，所以堅固嘅後踭從來唔關我事，我所有鞋都好似呢隻咁，厚實嘅後踭完好無缺，薄皮嘅鞋頭晨早穿晒窿，落雨入水，唔換唔得。
對椅杖友來說，鐵路仍然是公共運輸之中最容易使用的，無論如何都帶來了便利。通車的第二天，小弟就到過堅尼地城站和香港大學站，作過初步的考察，主要集中在車站出口和車站設施兩方面。
既然兩個提案都咁「阿媽係女人」，大家用腳來到佔領區，已經係好清晰嘅表態，無須再多此一舉。過去三個星期，政府由催淚彈到肯所謂「談判」，我地有冇投過一次票？定係，我地係用自己嘅腳去使政府感到壓力？
從紅磡站轉乘隧道巴，大家都會使用A出口理工大學天橋或D出口尖東天橋往轉車站，小弟平常多數使用A出口，但從月台到達A出口，只有扶手電梯，沒有直接的無障礙通道。況且理工天橋到巴士站，只有樓梯。
讓就讓，不讓就不讓，不需要那麼多討論，我們更不是乞求憐憫。老實說，我們都「不喜歡」要人幫忙。不是我們不需要，而是我們不喜歡。小弟有位朋友，曾經弄傷腳，拄兩枝拐杖，從上水站上車直到大學站，沒有人讓座。他事後跟小弟說，「終於明白你的感受」。朋友，其實你只明白了一半。
1982年落成的太古城中心，將貨運升降機改裝為暢通易達升降機。商場內的指示牌非常精緻，但通往升降機的通道極長，最令人費解的是只有部分掩門設有自動開關裝置，輪友必須經過一番折騰才能到達升降機。「幸好」因為同時是貨運通道，所以較為寬闊，足夠讓輪椅輕鬆通過。
扶手是有，但要使用者繞路之餘，甚至要走的梯級也變多了。中大本部的台階，是畢業典禮舉行的地方，校徽正下方要是加裝扶手，恐怕不太美觀吧？於是，我們成了犧牲品。小弟就讀中大四年，走過這段梯級的次數五隻手指數得完，都是有同學一起走，我可以扶著他們的時候。
