意大利上場血戰西班牙玩前場緊迫，出盡奶力嘅程度媲美首戰對比利時。今場對德國當然冇可能重施故技，唔係盞死快啲。雖然頭30分鐘都間中嘗試趁德國中後場控唔定個波而緊迫博大霧，但好快已經無以為繼。
意大利一開波已經空群而出，前場緊迫令西班牙遲遲不能入局，恩尼斯達靜過鬼，大衛施華兩邊走都滲透唔到意大利嘅密集防線。反觀意大利左翼衛迪斯基利奧不時壓上，加上基亞捷連尼中場助攻，令西班牙右閘桑法蘭非常忙碌。
記憶中，首次見到羅比堅尼、伊薩臣同卡士唐嘅名字，係N年前電腦遊戲”ChampionshipManager3″(CM3)。當年為咗年年三冠王，用陣容粒粒皆星嘅曼聯之餘，仲要買晒所有wonderkid 。踢緊狼隊嘅RobbieKeane、河床嘅沙維奧拿、葉士域治嘅李察胡禮⋯⋯邊似得有啲專業玩家咁由低組別帶隊牛津聯花幾年上到英超再花幾年捧歐聯咁好耐性。
意大利第二場分組賽對瑞典，喺首場出盡奶力贏咗比利時之後，球隊嘅體力明顯地未恢復。上半場同瑞典齊齊先求穩守，上場瘋狂迫搶嘅踢法無影無蹤。前鋒艾達同柏利行行企企、食飯幾味，咁啱瑞典組織乏力，於是上半場係冇咩值得講嘅。
天才橫溢嘅比利時上屆世界盃功敗垂成，同球隊整體合作平平，無法做到1+1>2嘅效果。恰好意大利教練干地喺祖雲達斯執教期間孕育出一條鐵血三人BBC防線，邦路斯、巴沙利及基亞連尼合作無間，穩住後防之後中場布以三人中場作第二道防線，兩邊翼衛達美安及簡迪華助攻助守，前線柏利作柱躉裝飾、艾達喪跑全場作第三道防線更為實際。
Auditors職場生活相當艱苦，但都係望住三年過後升Manager嘅終點去跑。期間每天職級、人工遞增，係名副其實出賣肉體（或曰勞力，唔好諗歪）換取金錢嘅人生。是以每逢遇見BigFour出身嘅女性，賴叔都不其然先入為主，覺得佢哋臉上已經有歲月嘅痕跡。
日前講過，支聯會全名係「香港市民支援愛國民主運動聯合會」，係做閒家，莊家係「愛國民主運動」。而客觀地講，「愛國民主運動」由 1989 年嘅壯闊波瀾到而家漣漪都談不上，我都唔知係香港市民辦事不力，抑或係中國由統治者到被統治者都其實唔需要「民主運動」。情形就好似你只需要補牙，但牙醫為咗搵食就 cross-sell 埋你美白牙齒套餐咁，一開始方向搞錯咗，往後點搞都係得個桔。
鍾樹根盛傳spin-off獨立出選，似係苦肉計，牌頭係民建議棄子，再打本土牌同福建牌再加本身地區客路，形式同西環契仔謝偉俊相似，從光譜嘅極端向中間靠攏，反正原本fans肯定不離不棄，新增客源先係重點。獨立出選，正好同政協王維基一樣，冇政黨包袱，鍾樹根加民建聯可能夾埋25-28%，夠贏兩席。
2016年，愛國民主運動仲存唔存在？ 27年後，民運人士各散東西，強国人民需唔需要香港人支援佢哋爭取民主？抑或係，「要不是我們強国人安守本份，你們香港早就連立法會都冇得選」？
香港眾志舒琪（+羅冠聰）多謝你。 Demosisto本身已經柒到後生仔唔會撐， HKTV發牌事件嘅支持者同學民思潮支持者重疊程度相當之高，都係高教育程度中年中產，佢哋唔會撐本土又未至於草根到工黨，維基一出，舒琪/37凍過水。
大股東政治立場大家心知肚明， CEO或高層受人二分四，操守有違傳媒倫理操守亦不影響職位人工花紅。基層員工，即前線編採人員的意見，於老闆而言難聽點說是「關我叉事」，英文可譯”who_fxxking_care” 。如是者，走為上策方為理性之舉，如果不甘心賣命於政見不同、手段迴異的老闆的話。
睇返ViuTV啟播禮，搵到財爺曾俊華做主禮嘉賓，面子十分之大。照正路計，有商務及經濟局局長蘇錦樑就夠啦。參與拍攝節目嘅，既有政經名人，亦有商台DJ阿占、Donald，更有好多不容於無線但觀眾熟悉嘅面孔。喺TVB同香港社會越走越遠之際，ViuTV只要定位本土，吸引力唔會差過當初簽咗眾多藝員嘅HKTV。
《十年》得獎，是象徵意義大於一切，是向大家說：堅持做自己覺得對的事，最終總會有得到認同的一天。 Do_the_right_thing,_in_the_right_way._電影《哪一天我們會飛》的主題曲《差一點我們會飛》得獎，靠的很大程度上是選對了主唱黃淑蔓，一把幼嫩、不加修飾、恰如其份的聲音，就能觸動人心，就這樣。
