7-11近年以加盟店(franchise)形式拓展網絡，加盟商要向7-11繳交加盟費（一般冇得退款）同按金，7-11再安排舖位、供貨及日後維修等事宜。加盟商（例如今次嘅事主）同7-11並無僱傭關係，只係用錢換取一段時期嘅經營權。換句話講，加盟商本身就係老闆，7-11唔會負責任何人壽、工傷等保險。
將以上嘅現象同事件擺埋一齊，一個有常識嘅人應該可以得出以下結論：《基本法》已經唔係法律，而係由中国政治人物話乜就乜嘅規矩；立法會已經唔係議事論事，而係北京話事，辯論同哭泣聲一樣絕無意義；選舉亦唔係選賢與能，只係中央揀人、懲罰選民；議員問責嘅對象唔係選民，而係中央。
大家心裡不禁問：全港最激進嘅新界東地區都只係得 15% 選票投本民前，九龍東西區每區只得五席，何來足夠選票畀大家雨露均霑？熱血城邦系採取主動公布參選計劃，戰略上絕對高明，情感上就未必人人接受到。咁當然，精於計算者無寶不落，坐擁網媒及網台宣傳機器，當然有條件霸氣盡現。不過如此一來，原本幫手抬轎所賺取嘅好感，尤其是本身唔屬於熱時及城邦派系、相對地獨立嘅本土派，難免就大打折扣，甚至打回原形。如果本民前同青年新政如果戰線，集中資源專攻某一區，每邊攞一席都係有機會嘅。
本來政府宣布將會撤退係好消息，但政府唔係學聯，唔會對外宣布鳩坐至第二朝八點然後和平散去。如果係撤嘅，即撤咪得囉，唔使等埋發叔架？即係話，特區政府唔係真心想撤。「以退為進」，從來係談判技巧嘅一部份。稍有戀愛經驗嘅朋友都知，女仔講「唔緊要，你唔使陪我喇」，心底嗰句係「你試下真係揼低我？」卡片蘇雖然唔係女人，但亦不遠矣。
TVB背棄港人，同王晶飲大陸屎水一樣，唔係一朝一夕嘅事。從新聞報道「河蟹」升級、加插專題報道大陸好消息、轉播大陸節目，呢幾年嚟，真係冇乜邊樣嘢係從香港人出發。商業決定嘅嘢，只需要向股東交代，又冇違反廣播條例，你咬我唔入嘅。
到底要支持楊岳橋抑或梁天琦，喺非建制嘅朋友圈入面已經炒到 overdone 。無論有票定冇票，大家都對呢個二選一嘅題目非常投入。火上加油嘅係喺候選人背後撐腰嘅輿論領袖，全副武裝打呢場輿論戰，𠝹票、含淚、含撚、謠言、恐嚇，越玩就越大，食相就越嚟越難睇。喺泛民圈子唔太入流嘅政團領袖喺 Facebook 講到「乜都得」之後笠水褪呔，更加為本土派提供大量子彈補給，堪稱現代版草船借箭。
上一代上根本冇接受過正式嘅公民教育，對於政治一知半解，對於公義只知皮毛，更嚴重嘅係識少少代表，郁啲就陰謀論或者話「英美制度都唔係完美啦」去推搪。諗諗下又真係，香港社會多年前以「經濟動物」、「政治冷感」為傲，繁榮安定同安居樂業，遠較虛無飄渺唔食得落肚嘅民主自由、三權分立來得重要。
香港人喺過去四年（由 2012 年梁振英當選特首計起）用盡唔同方法抗爭， 2012 年 7 月反對有僭建又揚言要用防暴隊鎮壓示威嘅梁振英出任特首、反對國民教育，一個月遊行集會四次，結果梁特繼續在位，國民教育「真．遍地開花」，遍佈中小學課本。往後嘅事，由陳茂波新界囤地涉嫌有利益輸送而堅拒下台，到梁振英被揭發收五千萬港元作為「不作為」嘅酬勞而未曾申報，到警察喺 2014 年 9 月佔領期間濫用警力而七警至今逍遙法外，到全港 TSA 考試表面檢討，實質結果係 2017 年全港復考，到公屋發現可以「延年益壽」嘅鉛水，到高鐵一地兩檢與銅鑼灣五名職員失蹤案，到香港大學否決任命陳文敏為副校，其後又任命李國章為校委會主席，再到亞視欠薪無力經營、有心有力嘅港視就不獲發牌⋯⋯
喺呢個追求客觀理性、中立持平嘅社會，「出糧唔係最重要」一定有佢嘅道理。例如話，從亞視投資者嘅角度嚟講，佢哋揼錢落鹹水海，要買拖船拖網撈返啲錢上岸，先係當務之急。如果要中立，學似無線電視新聞花仔袁嘅原則，一定要平衡報道勞資雙方嘅立場同理據，勞方要有糧出係一字咁淺嘅道理，資方嘅理由反而要多花筆墨陳述，你睇賴叔呢段字就知。
香港人也沒有Glory。過去兩年，警隊的民望每況愈下，七警光明磊落、暗角打鑊、警察被女性胸部襲擊，凡此總總，理應更肯定港人「好仔唔當差」的信念。然後，新聞告訴大家，投考警察人數較上年飆升。「搵食啫！犯法呀？我想架？」這個黃子華三段式被用爛已久，亦印證香港人的信仰，正是「阻人搵食猶如殺人父母」，那管搵食是當差、走水貨、拆祠堂、將建築廢料填滿紅樹林、賣港求榮。
返到屋企上網，開返個網上戶口。入完水蛇春咁長嘅戶口號碼（16-digit，正常人背唔到嘅），再入電話理財密碼。然後，佢仲要我check電話收SMS，入面有個one-offpassword，再入一次。得喇，知你安全啦，戴套仲要喺個套入面擠啲殺精膏，包保唔會搞出人命。
賴叔棵植物原先一盆三株屈埋喺個直徑三吋左右嘅膠盆仔入面。養咗個零月都唔覺有咩進展。某日見到另一位差唔多同時間開始種植嘅朋友，嗰棵神嘢竟然已經快高長大。打個比喻，我棵嘢係十年如一日嘅大雄，而佢棵植物係識經超級撒雅人嘅孫悟空。
如果婚姻係愛情嘅墳墓，咁結婚就係將友情封印嘅嗰口釘。如果結婚令友情釘蓋，咁榮升父母就係進一步將人以群分嘅一步。唔係話會上Babykingdom嘅網民同高登仔唔同咁簡單，何況大把上BK嘅都未係父母。當人有咗自己嘅仔女，注意力就由自己、工作、父母、朋友轉移到子女身上。
網民跟升斗市民，根本上有很大分別。前者身體力行寫文、改圖、二次創作或至少致力廣傳，後者閒餘在吃喝玩樂以外見到啜核抵死的圖或片才便宜地分享一下。網絡23條通過後，大不了不Share ，就像人力資源顧問建議員工避免在Facebook談論公司是非，大家就學會避重就輕。
