從來說三年一個generation一個gap，Twins出道時賴叔的感覺是四個字：慘不忍睹。沒想到後來有年輕人跟我說，心目中的女神就是阿Sa。也不追問她唱歌是否動聽，只道她很努力改進自己。對哦，考試由10%到40%不也是進步三倍了嗎？但這還是不及格。不打緊，年輕人喜歡就好。
由畢業一刻計起，BBA學生正式成為社會機器的其中一顆螺絲，日後即使平步青雲也好，充其量升格為大螺絲，無幾可變成索羅斯。生計不成問題，生育亦未必有問題（首先⋯⋯BBA男女不愁無伴侶）。但要衝破現況、打破既有框架，例如想有發展但不想返大陸，難矣。
以前我哋家傳戶曉嘅口號係乜？「香港，勝在有你，同 ICAC 。」我哋係一個以清廉、廉潔而自豪嘅城市。我哋唔會向下望，「香港人擔心貪污腐敗，但相比起鄰國嘅情況嚟講其實好好多」。人類嘅進化係應該向前望，而唔係倒退望返轉頭，「睇下古人要鑽木取火，家下有火水爐你用就唔好咁多嗲」。
記者，一個孤芳自賞嘅職業。寫文嘅會感嘆自己一份稿雕琢幾耐，用字有幾精煉；編輯會為起條好題、排個靚版而自豪一番。但對讀者嚟講，通常都係不知不覺。睇網上版新聞的話，就更加唔好講咩版面配置。
「如何無限擴大自己嘅Comfort_Zone」以及「如何打破舊有框框」，就係大家值得思考嘅問題。點解公民黨大狀搞45條關注組就係威係勢，家陣風頭火勢就影都冇？因為錫身，因為大狀嘅身份、光環以至思維都令佢哋姐手姐腳、綁手綁腳。
天文台掛八號波五個半鐘就落波，成為史上第六短命嘅八號波。如果問大家，大家會感謝天文台畀大家下晝早啲收工、恥笑蓮花連曇花都不如，抑或埋怨天文台預測唔準確而到今日放工勁狼狽白忙一趟？
如果，吸煙與健康委員會主席，本身每日食一包煙，仲要係走私嗰隻。如果，主張食素戒肉救地球嘅人，背住大家大魚大肉，仲要食埋野味海鮮。如果，道地烏龍茶嘅代言人，其實私下只會飲津路。如果，你隔離位個乖乖模範生，喺老師不在原來蝦蝦霸霸。如果，你嘅另一半拒絕同你進行婚前性行為，話要「堅貞聖潔」，但暗地裡有幾個SexPartners……Okay，以上純粹假設，並無影射任何人或者暗示任何人表裡不一、講一套做一套、雙重標準、律己以寬，待人以嚴。
賴叔同其他上述嘅受害人，都係喺Facebook被匿名舉報用假名。Facebook以保障用戶、確保每個用戶都係真身為名，禁止用戶用假名化名花名筆名。作家喬靖夫就係咁要改返真名。
一個星期之內，無線棄港投陸，由本身自主決定拍乜題材、點樣拍、捧紅邊個，到同阿里巴巴共同決策，「迎合內地觀眾及粉絲需求」。港視棄守城池，一心想做香港人嘅電視台，到最後支持唔住搵真銀做貿易。呢兩個消息，雖然點都唔夠「八比廿八」、「等埋發叔」 呢場政治鬧劇咁爆咁 Juicy ，但對於香港流行文化嚟講，影響其實一樣深遠。
「唔出聲，冇人話你啞」同「試問誰人未發聲」看似互相違背。但正如「戇鳩」乃不應舉而舉；「笨柒」乃應舉而不舉，做一個負責任嘅網民，喺適當嘅時候出聲講兩句，唔等駛嘢就慳返啖氣等個po沉底，其實不難。當然，正如梁愛詩蔣麗芸李偲嫣都有言論自由，阻住大家眾聲喧嘩，咪盞大家冇癮。
連《立場》都令人失望，其他網民又如何？「本土民主連線」網誌發表另一篇題為《股市，樓市齊升，邊個最開心？》嘅文章，提出人民幣國際化、「滬港通」政策收放主導權全在中央手中，香港只能被動地配合做「離岸人民幣中心」、香港股市及樓市淪為大陸黑錢漂白、流出海外嘅橋樑，然後擔心香港會被「過橋抽板」，一如九十年代香港廠商北上設廠、本地工廠倒閉嘅歷史。
而家唔知邊個豬頭幫梁特首喺大庭廣眾面前講錯嘢，話起草《基本法》嘅時候冇方案要求「公民提名」，亦喺引述《基本法》第一稿五個建議選特首嘅方案時，遺漏咗第三個方案「得到 50 名香港永久性居民提名的人，均可成為特首候選人」
《字花》創刊於2006年，即係今年踏入第十年。如果以推廣香港文學為己任，《字花》銷量應該其中一個量度成效嘅方法。問題係，每期平均賣唔夠1,000本，當中估計有唔少係忠實讀者，咁即係十年嚟都只係累積到1,000個讀者？咁一年搞嗰幾十個活動，到底係塘水滾塘魚，定係一步一足印、每次增多一個「文學愛好者」就心滿意足？每年一百萬元嘅資助，平均投放喺每位讀者嘅銀碼就係一張金牛。值唔值？
