《大話迷宮》描述Johann呢位鍥而不捨嘅檢察官（真名JoachimKügler）追尋公義，拒絕歷史喺無聲無息之中被遺忘。喺未有互聯網、未有Facebook嘅年代，一切都來得好不容易。相比之下，喺 21 世紀嘅香港，紀錄史實嘅成本好低，要走在前線公義亦變得好便宜。大家唔需要做律師，只要有一部手機、相機或者平板電腦，就足以將頃刻定格、將動態放上Youtube全世界見證。
喺一個鐘嘅節目入面， Clarkson同佢兩位好拍擋RichardHammond及JamesMay 將汽車、時事同生活結合，試車嘅時候總會抽兩下水，用詞大膽到不時得罪人－－Clarkson肯定係「右翼排外法西斯」，Hammond&May亦周不時恥笑法國人造嘅車易壞、意大利嘅警察恰眼瞓、德國佬做嘢一板一眼到了無新意……
香港航空物流蓬勃多時但早已被鄰近地區追貼甚至爬頭。飽和丫嘛。咁總有人相信機場容量可以好似harddisk咁無限擴大，但全球物流需求係咪無止境上升？再講，人哋爬頭其中一個原因係香港收得貴。而機管局為咗起嘢仲要加價。咁，到底市場對香港機場需求會升定係跌？
市民上唔上到車、樓價升定跌，唔係金管局首要關注。能力不足嘅市民置業，間接影響銀行貸款質素，先至係金管局嘅著眼點。所以呢，如果要鬧金管局「阻人上車」，某程度就好似鬧食環署職員唔救火咁，搞錯咗啲嘢。
以結果為本，學術撚可能會夾硬譯做「功利主義」，一個聽到都覺得負面嘅詞彙。但其實，生活無時無刻都 result-oriented 。你去老麥食嘢，係咪要排隊？會唔會揀條長啲嘅隊嚟排？定係痴線隊排條冇開機嘅隊，「享受排隊嘅過程」，「我起碼有排過丫，你排都冇排過唔好咁多嗲呀外賣仔」？
男女關係複雜本平常，咁又何來新聞價值？最多咪茶餘飯後攞嚟笑下就算，唔會上綱上線講到人格有問題之類。除非，你係一個雙重標準嘅人。人前道貌岸然，人後淫人妻女；人前站上珠峰指點水江山，人後俯首眾生含撚茹菇。
「跑數」同Benchmark本來就是管理員工表現的工具，用作評核表現甚至決定升邊個職、燉邊個冬菇。差就差在，這一個Benchmark是否唯一量度警察表現的工具？賴叔冇咩朋友當差，答唔實，但常識嚟講，破案率、接獲投訴數字、處理案件時間、與同事合作的關係諸如此類，都應該是考核表現的準則。「毋忘初衷」，交通警「跑數」不是初衷，確保道路安全才是。
香港人在乎生計，明白。手停口停，口停會死。搵食先決，自然重視發展經濟多於其他問題，甚至發展出梁振英主張「只有發展經濟才可改善民生」的想法。於是，關於政治，凡是民主、自由、人權等無色無味、食你唔飽（但官媒話會荼毒下一代）的虛無飄渺價值，都是關人鬼事。政治冷感，可能是值得擁有的成就。經濟動物，或許才符合獅子山下的精神。
今晚落街行陣，蛙鵰鯉，空氣差到好似世界末日咁。唔知以為夜媽媽大霧，實質上懸浮粒子多到數唔到。諗起過幾日就渣馬，如果（西）風繼續吹，（粒子）不忍遠離，真係唔知冧低幾多件。喂大佬，我行十分鐘都覺得呼吸困難，入到商場要大啖索冷氣當新鮮空氣呀。
有家長擔心硬性規定小學中學各返有陸交流一次會洗咗純潔香港學生嘅腦。都係嗰句，洗腦必然發生，即使學生死都唔過羅湖橋，掉返轉有大陸學校落嚟交流一樣避無可避。更加毋須重複大陸教師來港教學、新移民單程證入讀本地學校同你乖仔乖女做同窗。
在逆境之中保存實力、減少消耗，等待時機東山再起，《三國演義》中的劉備肯定經驗豐富。男人大丈夫能屈能伸丫嘛。被呂布暗算後投靠曹操、被曹操追擊 N 次後仍然可以厚著面皮投靠袁紹、投靠劉表，最終機會來到讓他借來荊州、繼而在益州偏安一隅。如果中途自尊心發作學項羽烏江自刎，羅貫中也就沒有戲好唱、光榮也就沒有遊戲可以出到第 12 、 13 代了。這才是真正的「牽連甚廣」吧（喂）。不過劉備最終的結局也是源於放棄行走江湖幾十年秉承的一個「忍」字，狗衝去打東吳，一衝，就做鬼了。
香港股票上市編號「冧巴溫」（通勝教落，NumberOne），叫長江實業。「長江一號」如此霸氣的名字，行走江湖多年的李嘉誠當之無愧。當郭氏兄弟鬩牆、四叔仍然間中出來扮「股神」畀貼士，「李超人」已經將植根香港的成果遍地開花。開遍全地，我真係講緊全地球，咁滯。與一注獨贏濠賭而一度問鼎亞洲首富的呂志和相比，覆蓋面固然更廣更闊，持久力就更加高下立見。
