@HR熊
HR熊
HR熊
人事部工作既小妹,見盡唔少公司既「人」同「事」,係呢個平台上一齊分享職場上既苦與樂,笑與淚。Facebook: https://www.facebook.com/hrbear.dairy

有員工一過完週末返工無厘精神,手腳有無名瘀傷,多左同事身體有毛病要請病假。老闆有感如臨大敵,監察同事放左工後係臉書上分享既帖文、相片,一見到有關於衝突、集會既畫面,就一面倒認為係員工太蠢被煽動,成晚流流長就係做埋啲多餘既事。到第二日早會時間,又或者係共同既通訊group入面,老闆直接聲明大家要忠心為公司工作,唔接受任何影響公司形象既行為。

工係不得不返的,但工作時我仍然會留意住新聞,同身邊同一理念既朋友互通消息。有唔少打工仔,特別係工作緊既公營機構,聽聞過因為曾經有強調,將自己既政治立場影響其他同事既員工,被各種既方法勸走或者講明唔洗旨意升職。可恨就係有一班人會怕得唔敢去諗,乖乖地逗份糧就算,趁人地去曬遊行,不如去平時要排曬隊但今日無人等既餐廳開餐,呃自己咁樣感覺幾良好。對相關既新聞充耳不聞,避開同事對政治話題既討論,抑制自己唔會作出任何表態,扮無知假中立為保住份工,根本係話俾人知你好偽善。

一般我地係office全職工作既白領,月薪人工計算清楚易明,一定符合到418條件,屬於「連續性合約僱員」,受《僱傭條例》保障,即僱員連續受僱於同一僱主四星期或以上,而每星期最少工作十八小時。《僱傭條例》規定僱主係任何情況下,不得遲於工資期屆滿後7天出糧,否則即視為拖糧。僱主如果未能依時支付工資,須就欠薪支付利息給僱員。所以白領如果被拖糧,的確較容易跟從清晰既法律條例去追討。

話說係大半年前,懸空左五年既Assistant Director位置終於有人黎坐上。大家都帶有少許期盼,究竟佢憑藉以往廿十年係國際大企業既管理團隊經驗,足唔足以湊得店公營機構既大老闆和管得店廿十幾位下屬呢?

成功轉會後,僅僅做左三個月,點解就已經迅間惹怒成條team既同事。捱左十年定係嘆左十年,一試便知龍與鳳。黎到新地方,關係未打好,基本運作都未pick up,又無背景人士支撐,的確係未有資格諗住係度hea。成日打著自己係新黎既旗號,同事就算幾有心機提供曬reference/policy俾你參考,你個心一直只係想落order下屬搞掂就得,前線既工作理都唔想理,咁係無可能work,只會俾後生既標籤做「廢老」。

「專才」本身或聘請「專才」既部門從來唔care 入境處列明申請一個全新既visa 係要大約一至兩個月既時間,永遠覺得自己手頭上既都係urgent case,HR無理由唔「識做」,打個電話俾對方既officer催促下就好快成事架啦!佢地覺得admin工作最煩厭最低級,HR呢啲蟻民,咁既要求都做唔到就暗指係我地無用。順勢黎遷怒於我地,認為十成十因爲手腳慢

完左一次面試,你就了解最近既求職者渴求什麼。80後既一批踏正合約制普及代既適應期,對合約制或多或少有卻步,更出現錯覺誤以為合約工就等同散工,老闆唔肯請佢做permanent 意思係貶低佢工作能力。但當你經歷過其中之後,你會發現,唔少合約制同長工差別已經愈縮愈小,或者係各有好處。

HR每位同事都有負責既monthly report需要頻頻準備,EXCEL對於處理數據係好幫到手,不過如果我地只單一依靠人手輸入大量數據入EXCEL,想再從中抽取資料再crossover其他文件合成新數據就好有難度,checking上亦好花時間。通常EXCEL係用於 keep track on一啲人事資料上,或者製作簡單概覽數據表。當我地有一個正式系統可用時,儲起晒所有人事資料後,可以介定番部門有權限瀏覽某個頁面既資料,變相有任何改動我地入左系統後,部門已經能夠第一時間得知,除左減少左來來往往既詢問之外,亦有效利用到系統隨時export到想要既資料做比對或參考,大家係工作順手得多。

中小企業做HR,部門人數唔多,的確有好大機會係需要事事一腳踢。登招聘廣告約人見人請人啊、每個月準時做payroll計糧對拍卡資料啊、為公司plan好黎緊一年各部門既training schedule,搵定幾間機構做quotation同佢地deal合作計劃啊,呢啲已經係最基本。仲可能做埋每日走早午兩轉送件、去銀行排長龍入票俾離職既同事、處理零亂既petty cash、文具和茶水既入貨等等,duties應有盡有。特別係當老闆都認為HR不過係一個行政、秘書和少量會計工作既混合工種,咁就好理所當然只係一個人工唔算太差但忙到甩肺既「大打雜」。

黑名單與Rehire 的意義

大家成日吱吱噚,談論HR手上有多份黑名單,邊個離職或者被離職後就會永不錄用,答應左黎面試然後no show既又自動入榜,甚至可能小氣到係約求職者面試,多次唔聽電話唔覆邀請面試電郵都一一列入名單之內,究竟HR部門係咪真係咁記仇咁無情講先?

靠譜嘅聰明人

有些人本身有著小聰明,總會它忽發奇想諗到有新意既諗法,為團隊帶黎特別既建議,但總係改唔到係平常既routine工作中出現重覆既小錯誤,data輸入混亂,文件有template跟足都打錯字句,講到尾就係唔夠細心,務求準時放工,做完根本唔願意花時間double check,除左令上司加重工作量,即使間唔中耍小聰明其實都不及彌補令人煩厭既小錯誤。

戒掉小薯味

正正係唔計較,唔反駁,唔想得罪人,其他人只會視你既「好心」為廉價既付出,誰在乎啊!反正無左你,又會有另一位便利貼女孩取代。唔單止新鮮人,有唔少係職場打滾左多年既打工仔經常呻苦,日日勤快主動工作,無功都有勞,點解老闆偏偏好似行過當睇佢唔到,唔肯升佢職?就係只有勞力,勞力並非升職既必需條件,咁點解要揀你呢?又問問自己,有咩過人之處係值得被欣賞?

功高蓋主易中伏

新鮮人最容易既出事位,就係功高蓋主然後瞬間不明不白地失寵。小熊唔希望形容為總係會犯既錯誤,原因係職場上既白紙一定會亂衝亂撞,肯去表達見解想用行動証明自己的工作表現,其實先可以成長得最快。

審視你的生涯彩虹

廿歲出頭步入職場,唔少人開始懼怕於生命入面扮演著太多既角色,每種角色帶黎既壓力,加加埋埋變得好混沌好勞累。漸漸就將自己係生活上既份量愈放愈小,好多時係面試期間遇到七十後,八十後,睇得出強裝笑容後係一臉愁容,可能佢地正正係位於生活負擔最重既高峰時期,要兼顧既人和事都太多。

身處係職場,你會見到最普遍既依然係狼狽地刷存在感既一群。即使係看似殺傷力最低既茶水姐姐,都生怕你會認為佢係公司只係唔重要既小小微塵,每逢我地午飯時叮飯盒,收拾活動後既會議室,或者拜託佢幫忙碎一大疊廢紙時,佢都會借故強調佢呢個職位既重要性。「我啊,日日見晒你地咁多人出出入入,幾時邊個係茶水間講啲咩做啲咩我都一清二楚架。聽講啊,最近十樓個秘書遞左信唔做啦,岩岩過試用期就走,佢服侍果位老闆出左名難湊架啦,又一個頂唔順啦!」

你有天生做HR 既才能嗎?

唔只每個月,每年仲要大規模review員工既薪酬福利架構,需要點樣微調去平衡番公司和同事利益。事前可能要邀請所有同事填問卷做一個全面既統計,加上參考番同離職同事做exit interview時要旁敲側擊知道係唔係因為薪酬既原因被跳槽挖角。不論公司選擇酌量按比例加薪,或者逼不得已要裁減人手,我地必須配合公司決策,演好公關角色,吹噓公司依然不比下去既競爭力,包裝得美侖美奐。

頁 1 / 71234567