@圓碌碌腥些
圓碌碌腥些
圓碌碌腥些
人如其名圓碌碌(其實我真係唔肥),正職是誤人子弟,兼職是廢青暴徒

黑警日常

  正常嚟講,黑警一更係8小時45分鐘嘅,啲OT我就唔計住先。佢地一日係點過嘅呢?等「腥些」同大家幻 […]

「腥些」的夢與想

話說我最初識「夢想」呢個詞,第一樣諗起想做嘅野係家庭主婦。

香港嘅小朋友,星期一至五就喺過呢啲生活,至於星期六同日?繼續學嘢喇,唔好執輸,快啲補習同上興趣班,唔好浪費時間去玩,要操卷同練習,最好塞爆曬啲時間無得休息。「咦,人哋阿A上緊呢啲堂,阿仔你都唔好執輸去上喇!」、「死喇,阿B學緊呢樣嘢,不如阿女你再學多樣嘢?」、「你睇下阿C今次考到全級第三,點解你考唔到㗎?」……呢啲說話好血淋淋呢?

先唔講對唔對得住其他手足先,搞到今時今日呢個地步,我首先會問自己一直以嚟做嘅嘢,究竟對唔對得住自己?

香港警員質素相當高?你睇咗咁多新聞片段,仲覺得佢地好克制㗎?次次開槍(不論真槍、催淚彈、海綿彈定布袋彈)都對準人嚟射,仲要係平射慌死中唔到人咁,甚至係連記者同FA都唔放過。手足已經被捉住講曬對唔住,照打到頭破血流,牙都甩埋。幾位手足隻眼中布袋彈,視力可能永久受損,女手足甚至毀容,咁就一世睇唔到一邊野,塊臉唔會再完整無缺。全部被捕手足入到狗屋被毆打,女仔甚至被狗視姦同性侵,個個出返嚟都傷曬。市民已經跪曬地,照乜都唔理一腳伸開佢,仲好意思話用腳「推開」?

其實答「我唔知」,真係完全無問題㗎,老師唔係樣樣都識嘅,總會有野係唔知,未必係自己熟個範。不過我們絕對唔可以容許自己就咁答唔知,然後就完左件事,唔再繼續深究問題(偏偏教育界充滿呢類教畜)。即使我唔太清楚件事,都應該同學生一齊學習,留意唔同媒體嘅報導,了解成件事嘅來龍去脈,分析事件發生背後嘅原因,當中唔同持分者嘅立場,然後再進行討論,作出價值判斷,咁先係真正教育。

雖然我係一位「腥些」,但真實年紀唔太大(大概生得出一件初小生),識嘅野好皮毛,學藝不精,人生閱歷真係唔多。其實我係高中先開始留意社會大事,上到大學有搞下社運,叫做有啲貢獻咁喇。邊似依家啲高小學生,會識同我講遊行、罷課、黑警?我覺得佢地屋企真係教得好,但同時都覺得好可悲,咁細個就要識呢啲。