@林忌@每日一膠
林忌@每日一膠
林忌@每日一膠
每日一膠.荒謬的香港創立於 2006 年 7 月,作者為林忌,本博客的所有文章版權,除了轉載其人的著作以外,均屬林忌擁有;但亦歡迎所有非牟利的轉載,只要加上連結注明出處即可。 每日一膠的目標與宗旨,就是要清理香港一切荒謬的膠事,既以嘻笑怒罵的手法,卻不偏離嚴謹及準確的邏輯分析,祝願各讀者能夠化憤怒為笑意的同時,保持心靈的一點清明,把事實的真相看得清清楚楚。 林忌是香港本土作家,是近年提倡本土主義的創作人,專長法律、政治、歷史及音樂,多見報於《蘋果日報》,美國自由亞洲電台以及《動向》雜誌。此外從事《福佳始終有你》等二次創作的開創者 作風低調不務虛榮,謝絕一切上鏡訪問;及至其他,歡迎加入 facebook 聯絡作者;其餘的花邊小道流言,請君一笑置之,傳媒切勿引述錯誤資料,特此通告。

如何彈劾梁振英?

民主黨點解未表態支持彈劾,就不在此文的討論之列,恆信者恆信,不信者恆不信,講多都無謂;至於公民黨呢?從年初公民黨梁家傑對彈劾曾蔭權發表的文章所見呢,就係受「大狀黨」的包袱所累啦;對於大狀來講,一見到法律條文,就一定係從法律去思考條文的意思,例如基本法 73 條 (9),見到「嚴重違法或瀆職行為」呢,就會諗乜野叫做「嚴重違法」或者「嚴重瀆職」啦;下一個問題,就係究竟目前有冇足夠的「嚴重違法」證據或者「嚴重瀆職」證據呢?如果未有,佢地因為法律原則而有所顧慮,正如佢地對外傭案的取態一樣,又係唔係可以用某些人的「投共了」或者「冇膽」來總結呢?

討厭政治倒夜香

某王姓女歌手出來大嘆討厭政治,我也要說,其實我極度超級非常討厭政治,每日對著那些重重覆覆,日後一日的謊言,看見那些極度醜惡,反口覆舌的面孔,怎會不討厭政治?又怎能不討厭政治?認識林忌的朋友都知道,我自己的生活,過得比絕大部份的朋友都好,生活無缺,從不為柴米擔憂,家庭幸福快樂,政治對我是甚麼?就是我生活之中最醜惡、最難受的一部份,就是我最不想面對,也不願面對的一部份。

屋宇署為梁振英隱瞞已非首次,2000 年底東方日報揭發當時為屋宇署署長梁展文配合梁振英講大話,為梁振英「完謊」稱梁之赤柱舊老「圖則咁啱攞去製作微型菲林」。最終於記者成功向屋宇署申請圖則,正式取得影印本,證明圖則並未有遺失,這就是鐵一般發生的過事實!屋宇署一而再,再而三偏幫梁振英,當我們香港人是傻的嗎?

開心大發現獨家猛料!梁振英所作所為尤如 11 年前翻版!早在 2001 年,梁振英被踢爆僭建花園長廊之後,原來仲收埋另一個僭建物,要當年的東方日報踢爆,再死死氣修復..今年的事對梁振英來講,唔單止唔係第一次,仲係第 N 次僭建,而且次次都係扮唔知,扮唔識,扮因屋宇署「圖則咁啱攞去製作微型菲林」所以索取唔到圖所以拆唔到喎,咩垃圾藉口都搵哂出來!

齊心舉報梁振英!

梁振英身為測量師,佢老婆身為律師,仲做到律師行合伙人添,你地個牌呃番來o架?唔知道梁振英憑乜野去決定乜野要申請,乜野唔需要申請呀?一時又知道主動要申請,一時又話唔知道要申請,究竟梁振英你 D 法律係邊度學o架?火星?這是一條最基本的建築物條例,由法律學生哥到從事任何建築測量的朋友,都一定知道要申請,請問梁振英從哪個人身上得到這樣的法律意見呢?呃鬼呀?

梁振英為何要選取林鄭月娥做政務司司長?當時傳聞呼聲最高的,一直都係開到口的葉劉淑儀,梁振英為何寧可選擇林鄭月娥呢?是否因為林鄭月娥當時係發展局局長,掌握梁振英同唐英年僭建案件的生死大權呀?有這樣嚴重的利益衝突關係,林鄭月娥卻唔放手聽公眾要求「獨立人士負責查案」,今日事發屋宇署同林鄭月娥以及麥齊光係唔係更令人有合理懷疑,究竟有冇涉及以權謀私,護短換官呀?

天真或假天真的何漢權,你真的不知道嗎?為甚麼英治年代有中史科,變成「中國人治港」就失去了中史科,你真的不知道為甚麼嗎?你真的不明白中共就是搞「大陸化」,因此把你心愛的中史科刪去,推行和大陸的洗腦教育一樣,好作國教洗腦的陰謀嗎?閣下了活幾廿歲,也不明白人有人權,有選擇自由,有愛的自由,有不愛的自由,愛國絕非與生俱來,你更無權愛你愛的國家,你說得對,不做中國人,何需來生?我地就告訴你,我們今生就已經不做中國人了,又使乜嫁娶外國人?

笑話!!簽正式合約前三日賣家突然改條款,話「可能有僭建物」,因此天真、無邪、可愛的產業測量師梁振英,在其代表律師胡關李羅律師行的反對之下,都決定簽買賣合約,卻仍然真心相信「唔一定有僭建」…胡關李羅有冇提醒你風險呀?佢有冇話畀你聽點解佢地反對賣家改動合約呀?大話精,如果人地簽左臨時買賣合約要賣 Good Title 畀你,佢冇 Good Title 點賣畀你呀?傻的都識踢契啦呵?臨時加入一條「可能有僭建」條款你都冇懷疑佢有僭建,一係你係弱智的,一係你當市民係弱智的!

冇錯,梁振英係推動大政府,不過佢目的唔係泛民左翼心中所想的扶貧,而係執行黨的任務,傳說中四大任務中都未包括的--粉碎公務員體制,成立港共僭建政府的任務;早幾日邵善波出來自爆,請高靜芝擔任中策組擔任全職顧問,插手政府各委員會招聘人員,就係其中一例!「梁朝」以大政府為名,就係想繞過英治年代彭定康所歌頒的公務員體制,把政府改組成為一個共產黨直屬機構;對於港共政府來說,奪權是他們唯一關心的事情,因此無論大政府小政府乜政府,都只係佢地口中的藉口,除非閣下到今日,仍然對梁振英有幻想。

香港一日唔民主,就根本冇搞「大政府」的條件,你冇一個民主議會的監督,大政府只會變成「老大哥」,好似中共一樣,表面上有社保基金 - 卻被高官挪用來貪污;表面上有最低工資最高工時,富士康卻跳完又跳自殺。其一,民主行先,經濟左右的討論行後;其二,就算小政府,一樣可以關懷弱勢扶貧,而且錢係直接去到市民手,唔係行政費用浪費哂;其三,應大則大,應細則細,唔係事無大小都要大。

本人閱報得知亞洲電視舉辦亞洲先生選舉當中,有參加者逾期居留,被遣返大陸。本人僅盡公民責任,舉報懷疑罪案,敬希 貴處查證,以昭公義。

睇到好多所謂「晚黑十一時至淩晨一時是肝臟的休息時間」之類的講法,研究了好一段時間,終於諗到謬誤的來源。點解晚黑十一點呢?原因這是中國古代的時辰子時,然而問題來了,究竟肝臟是如何自動調節晚黑十一點開工的呢?究竟人體是否有一個時鐘可以準時運作?反過來,如果人體有這樣的一個時鐘,點解我地唔可以利用人體作息時間來報時?咁我地未唔需要戴鐘戴錶出街囉呵?今日的所謂「中國時間」,是因為政治的單方面決定,無論東至黑龍江,或者西至新疆邊界,明明橫跨三四個時區,卻都因政治而劃分成 GMT+8,然而這和古時的中國時間完全不同!

德國人的桌遊育兒

德國人最興係玩乜?就係一家大細玩桌遊 (Boardgames),這些既訓練思考,包括長程計劃、短程計劃、競投、計 Cash flow 等對人生最重要的概念,唔係靠「教」,而係靠玩,透過遊戲你就會學識這些最重要的人生道理,係唔需要上堂的…至於香港的問題?冇時間係第一點,但冇心卻係真相,家長放工都累到唔肯用腦的時候,自己都唔識玩又點會陪到小朋友玩?小朋友只靠外傭照應生理需要,又點會學到野?學唔到野,未結果變哂所謂的「港孩」囉

中國人的最大問題,係明明過著 21 世紀的科技同生活,其心理質素卻繼續停留在 19 世紀的農民年代,正係陶傑筆下的小農心態,成個中華文化都仍然係呢種種謂「傳統思想」;簡單而言,就係一部時下 8 Cores 的電腦,走去行 Windows 95,兩者毫不匹配。婚禮,本應簡單而隆重,在崇尚小家庭的今日,本應只屬兩個人之間的事,偏偏繼續維持一大群姨媽姑姐三姑六婆鬥顯赫的惡習,其儀式總脫不了幾隻字 - 市儈、銅臭、核突、莫名其妙,甚至淫賤,完全不知所謂。

誠品優先夜

誠品這一夜,我等了十幾年了。每次我去台灣,只要情況許可,我必然到誠品「掃書」--所謂「掃」,即每次都買入幾十本書,連同一起去台灣的朋友的所有行李箱都近乎爆滿,每次在機場 check-in 都要擔心超重。然而由今日起,我少了一個理由去台灣--誠品終於登陸香港了,而銅鑼灣店的誠品,絕對沒有令我失望,也令所有事前的擔心,一掃而空。這個「誠品優先夜」,去之前林忌是抱著 50 分就滿意收貨的;但去過之後,當然很多小處仍有改善空間,整體而言我會給予 85 分以上,以我的經驗說,香港店最少好過香港人常去的西門町分店。如果你愛看書,香港誠品是必須要去,不容錯過。

很多聽「新林公公」前半段「我 1989 年都有去六四」的朋友,一再被這種梁政府典型的「政治偽術」呃左,以半截合理,半截歪理的偽邏輯,呃完一次又一次;歷史裁決係人民,但我地高叫「平反六四」的人民,只係要「歷史裁決」嗎?請問邊位去六四晚會的人兄,只係要「歷史裁決」嗎?原來我們不追求「法理裁決」的嗎?難道中共對六四死難者的迫害停止了嗎?難道中共停止了迫害六四的民運人士了嗎?不是說好的「釋放民運人士,平反六四民運,結束一黨專政,追究屠城責任,以及建設民主中國/中華」嗎?

頁 4 / 512345