所謂「里有殯，不巷歌」（《禮記•檀弓上》），最直白的意思是：鄰居家有喪事或出殯時，不要在巷子裡唱歌（即在鄰居面前表現出喜樂之貌），這是出於同理心的要求。此道理顯淺易明，不需多作解釋，正如我們平時能自覺不應穿喪服去參加喜宴，亦不應穿婚紗參與白事等；同樣，不應在有人命傷亡的意外現場表現出喜樂之貌，是出自於同理心及人與人之間的互相尊重之要求，這並非是甚麼強人所難之事。然而，香港警察又再一次證明他們是何等目中無人，何等喪心病狂的，在他們眼中人命是完全沒有價值的。
好記得零八年四川地震果陣，全港市民（至少極大部份）都為中國「集氣」，除左政府主動捐款之外，各個NGO、商業公司甚至係中小學都積極籌旗（例如果陣筆者間學校就舉辦左個便服日籌款，只要捐廿蚊以上就可以著便服返學，結果成間學校得返唔夠十個人著校服，搞到果幾個無捐錢既好似好唔道德咁樣），係各界既努力下最後全港捐出超一百億作救援之用，接近全國總數既六份之一。另外，我諗唔少人都記得，當時有個女同學係某討論區話四川地震唔關佢事，捐錢賑災不如救下啲熊貓等等，結果受到鋪天蓋地既指責，話佢無人性、搏上位等等，結果令佢比人起底，要作出多次道歉。
平時覺得麻麻地甚至係幾難食既餐廳，但知道左係黃店之後就瘋狂幫襯，驚食唔死自己咁；又或者，有啲餐廳平時明明幫襯開，但知道左係藍店之後就對佢嗤之以鼻，唔好話食，諗起都覺得反胃
