@婷欣
婷欣
婷欣
你好,我係風月亭亭長:)

敬請注意,以上內容100%全部虛構,如有需要請隨便拎去用。若有藍絲誤信本人恕不負責,並請用「哈哈哈」三聲恥笑。

近幾日不斷有人話我地要和平理性,唔應該問候警察祖宗十八代,其實你去旺角前線企下就明白,當你望住班警察打示威者打到pak pak聲,真係無可能忍到唔鬧警察。每個人都有情緒,咁多日積積埋埋大家已經一腔怒火,無人動手挑釁我覺得已經好克制。老老實實,果堆「梁振英下台」、「公民提名」、「我要真普選」既口號已經不足以讓群眾作宣洩。

為甚麼說學聯不代表我?

學聯的確係成個佔領入面稍為有號召力既組織,無論有幾多人唔想承認學聯做呢場運動既socalled大會,佢地所有決定都係有一定影響力。當學聯做任何充滿爭議性既決定,絕對係有機會將場運動推向失敗。

親戚:點解要長期佔領?實在太影響市民生活喇!點解唔遊下行就算?你:話說我地遊行都遊左好多年,除左背熟「海闊天空」既歌詞,我地仲爭取到乜野呢?我望唔透。親戚:你知唔知你而家既佔領運動係阻人搵食呀?你:如果有其他方法可以完全唔影響其他人而又能換取相同談判籌碼,我地唔會行到呢一步,我都想同受影響既老闆同居民講聲唔好意思,大家忍耐多一陣。

老母:做咩叫你唔好去旺角你係都要去?好危險囉!我:唔危險,而家得返班阿伯係度玩膠。老母:尋日咁多政客同校長叫你地走,佢地開得聲姐係有危險啦,你仲唔走?

香港博客淪為打手的現象非一日之寒,美容產品打手活動近日更鬧得熱哄哄。作為無花生不吃的小妹當然狗衝追post,有絲打在高登發帖踢爆美容博客的宣傳手法,竟極速被人河蟹。目前高登上的幾個帖子都已被河蟹,想食花生可到這裡。

好多人以為明將執左,其實佢只係轉左個招牌名做韓日燒BBQ,個壽司碟同張單都係寫住明將。lunch食左每位80幾蚊,個價錢係包壽司韓燒熱食前菜任食加任飲,抵又唔係,貴又唔係,但只此一次囉

地鐵上的人渣們

講起我就扯火啦,今朝搭車果陣,我如常扶住碌分辨善惡柱啦,到沙田既時候,惡人出現鳥。有件西裝骨骨既後生仔上左車,一野就挨左落我扶緊果碌柱,仲擲住左我隻手。我心諗:「你條斯文敗類,你發雞盲呀?好眉好貌生沙虱!」

女人,最唔理性係咩呀?咪減價果陣囉!但係近呢兩三年香港既所謂大減價,已經無法令衝動的我打倒理性的我,D鋪頭成日將個原價標到鬼死咁高再扮減價,係咁以施舍少少,呢D咪扮減價囉。鬼咩,佢地洗咩做我呢D窮J生意,自由含去到實覺得好撚抵咖,貴一貴都同你掃晒佢。

佢地岩岩上午考完試,放左成班友仔一齊去醫肚。期間佢地不斷大聲講大聲笑,搞埋晒D無人知個笑點係邊既爛gag,食食下撞到學校老師成班發晒癲咁叫:「Miss BB豬」,成間譚仔既客都啤撚住佢地。坐係我對面既大概係一個自命魅力四射既死o靚仔,我見到佢不斷抽隔黎位女同學水,借D以搭人膊頭又挨身挨世。果位女同學向佢D friend打眼色,細細聲講:「嗚,好慘呀」,但係個樣明明就暗爽緊,扮晒吊高黎賣。

親子王國幾時先醒覺?

媽咪們你地開口埋口都係尊重尊重,黃之鋒同余綺華上城市論壇,又話而家D細路無家教,好想問你地教仔果陣係咪同佢講:「你要尊重全世界所有人,不論佢係好人壞人賤人,不論佢值唔值得尊重。」689無誠信無能無民望是常識吧,你仲叫班學生尊重佢,係典禮上向佢鞠躬,由佢見證自己人生中重要既一刻,Are you fucking kidding me?

「我真係無溫書。」「我等爛grade咖喇。」「今個sem放棄喇。」「GPA?食得咖?」呢幾句說話大家都聽唔少、講唔少,包括我。中學雞時期身邊總會有幾條假膠,明明好勤力,然後死都要扮晒野話無溫過書,最後又考得高分過人。升左大學,大個仔大個女啦,點解仲要用埋晒D咁既屎橋以為無人睇穿你?可能有人覺得塑造自己唔洗溫書都可以好高分既形象,係一件好威威既事。

你沒有害人,只是在騙財

范浩揚:為了「收音機事件」,我給人罵沒所謂,可是我的學生、我的家人也給人罵。我:罵你的學生,是想他們看清奸商的真面目。$28的收音機原來可以賣$199,你真的很有生意頭腦啊!范浩揚:很多專家已證明我的收音機不能「害人」,而我們研究時亦一早已知。我:那些專家果然是權威,淘寶買來的廿蚊人仔收音機能害人嗎?

你今日做左法官大人未?

大學生向明哥R sponsor 事件,現階段只有單方面指控,班大學生到底係見利忘義殘酷不忍,定係一時大意,我覺得無論邊種立論都係唔成立。不過,網絡力量之巨大簡直令人O嘴,你今日,做左法官大人未呢?

生日,我還能許什麼願?

上個星期過左生日,二字頭了 ((編按:青春真好…………))。老母叫我對住蛋糕許願,我話:「都唔知有咩願好許。」細細個果陣,我生日會許願,希望自己可以建立一個幸福家庭,擁有自己既屋企,生活安安穩穩,大個左先知道,原來想有自己單位係好 _ 難。個樓市就係咁升,草首期都已經係一條遙遙無期既路。家下每次聽到新樓盤,呎價過萬是常識吧,而且唔知點解D樓盤名要有一粒點(XX‧YY)隔住,一係就用埋晒D我懷疑買果條友都唔識讀既字,你話係高貴,我笑你硬膠。

GPA?又如何?

有好多同學仔會睇住GPA 黎reg 科,有時某D野好想讀,但知道果科可能會爛grade 既話,就為左保住個GPA退而求其次,reg D簡單易食既。我自己就唔係點理,有興趣就reg 左先,因為我自己唔想浪費時間reg 埋晒D無聊野(上個sem曾經試過,後悔莫及,發誓今生絕不再犯),自命型棍,越級挑戰,理鬼得佢爛唔爛。上個sem 我take 左個唔應該係year one 讀既course,內容比較深,最後結論係,如果我真心有興趣,就算差都唔係差得去邊,不過讀得開心同滿足都補返數。

頁 2 / 41234