隨緣就覺得特首選舉過後，很多「評論公關」的前公關行家，都炒車了。他們一直都以為薯片有機會贏，就分析薯片的公關如何神級云云。首先，這種跟風說項的文章，呃一下點擊率倒是可以，在我們行內人之間，都笑到口大。首先，當你的對手是一個被視為是惡魔的人，輕輕點撥，自己做回一點正常人做的事，說一點正常人說的話，加上某些大傳媒、KOL全力支持，根本你放隻豬上去，都會有人當成是「神」。
港鐵的人寫這廣告的時候，只知醜化廢青，不知實際狀況。而事實上，只要你坐過地鐵，你就知什麼「廢青沒公德心」，「為什麼上車之前不脫下背包」等等的「批評」，根本不切實際。而正正因為「離地」，再加上樂器事件，行李事件，港鐵也沒有拍廣告去抹黑那些「壞人」，偏偏就因為用背包的，都是廢青，所以給人「梨子擇軟而噬」的感覺。
我近距離的觀察政治新聞，從1997走到2017，一次又一次大家都希望可以「選特首」，只是，很可惜，香港實在是一個戰略位置，直至現在可以左右特首選舉的，都不是香港人，而是境外的力量。再笨的，也許都是真的出錢去給人家眾籌的香港人吧？出了錢，難道你就以為你的聲音會被聽見嗎？
而家公關界好多人成日以為自己識做網路公關。個個自稱ＫＯＬ，之後就有理無理搵果Ｄ人做廣告。而果堆人有冇品味，有冇品？唔重要，最緊要佢搭個雞棚出黎，搭得好好睇睇就得。而網路上的人，很多時都以為自己好有影響力。好似幾年前，有個food_blogger俾人笑佢food_beggar，係餐廳大吵大鬧董太上身，問人「你知唔知我係邊個，我可以寫死你架！」真係可以寫死一間餐廳既人，係唔會講呢Ｄ野既。為了自己卑微既存在感，有時真係咩都講得出。
隨緣既基友（利申：直男）就話阿慢必陳志全，日日想告急又唔敢告急：「因為佢一告急，新界東死長毛同張超雄，佢就要負好大責任。喂阿哥，你整死革命烈士同埋工黨清泉，慢必邊擔當得起呀，於是，佢就係Grindr度賣廣告啦。」
好似早幾日咁，有一個星矢既活動，又有Twins又有林作。仲有王浩信之前仲得到過車田正美老師既畫，車田老師又收左佢張ＣＤ，有基本交流，都叫做做晒功課啦。點知，尋日我就聽到天下第一公關既料，就話有一個自以為自己係日本通既人呢，扮晒cosplay星矢咁去現場，仲自己搵人影相，仲出左Post，然後Boostpost，驚死人地唔知，呢個活動佢有份咁。
何韻詩是藝人，是香港良心的代表，原來這種良心都有分黨分派，光明會只是一個會，你是信徒就是生於亂世有種責任。不必長於這裡就是長這樣？對不起，你不是同黨，就可以Like和哈哈。
睇返今次唔見左人，冇投票既呢？十一個之中，大多數都係有兩屆經驗以上既議員，十一個有五個會角逐連任，咁唔想再撈既，放慢手腳，或者搞壇屎出黎畀下手執，都唔出奇丫？你睇民主黨許智峰出花紅畀助手果單野？好多人都話，擺明係港島區選四屆都選唔到既莊榮輝想搞死許智峰去選立會啦。泛民內鬥，要幾賤有幾賤，都唔係咩新鮮事。仲有啵，早排呢，東九龍咪有公共屋村停電幾日既？東九龍社會關注組就好快手咁搞左一單野，去幫居民叉電話同畀免費Wifi大家。呢條橋，真係好創新。你諗下，邊個區議員會諗到呢招？點知，一個屈尾十，公民黨又抄左佢地條橋，一齊擺叉電站啦。今次投票失蹤既，有三個係公民黨議員啵，呢次又使唔使解釋下，係咪報復政敵，等佢地「做唔到野」，從而又含Ｘ投票投返畀佢地？
日前品牌Lancôme邀請何韻詩出席活動，消息引來大陸網民於微博投訴，及後Lancôme發出一式兩份中英聲明，於微博及Facebook發出，指「何韻詩小姐並無牽涉任何代言人合作關係」「不是Lancôme蘭蔻代言人」。
當泳手的男生較易被相中當藝人，於是他們較有機會錄入香港人的記憶。鄧浩光？李啟淦？開始有點印象罷，方力申就大家都知悉罷，司徒瑞祈我想大家倒也有點印象。可是，泳手也是運動員，無籍籍名的還是大多數。都是泳手，出水時都是一身濕透；都是運動員、拍照時也是雄壯矯健。一樣都是展示著強壯的軀體、一樣都是一副俊美的長相，為甚麼有些人走紅有些人不？
「擔心政治化」這件事，理應不是東寶電影公司及Sakura_Production的主意。如果他們那麼怕，早就不會把發行放給中國3D數碼娛樂了。這件事，看來越來越清晰：有人賣港，被發現了，就找網上的事件來發爛，「郁健吾」吧？
學過Ｎ４日語的「朋友」也知道，朋友於廣東話及日語的定義中，有很多不同的解釋。工作上的「朋友」，在日語，可以翻譯成「知り合い」（認識的人／Shiriai），而「好朋友」，就可以翻譯成友達（Tomodachi）。從健吾及王友良二人公開的證據，健吾跟Sakura_Production早於2006年交流，Sakura_Production有提出一起到香港的事情。
打住傘兵旗號既新人（青年新政、東九龍社區關注組etc）雖然贏既議席唔多，但對比番社民運熱血人力一席都冇，佢地成績已經超班。重點係，佢地打大佬之餘，拎既票唔少，唔係偷雞贏個隻。好多就算輸既都只係百幾票左右（黃埔東、港島西），成績唔比有傳統樁腳既政黨差。如果聯合到呢股力量，係立法會選舉有力左右大局，尤其係港島西同九龍。
