@鵝鑾鼻燈塔
鵝鑾鼻燈塔
鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

Barnes本身中文就唔係特別好既人。佢平時用電話,多數都係寫英文居多,如果佢係寫中文的話,佢就多數會用簡體多過繁體,而且多數係行書面語多過會用口語。

「你怎麼啦?大呼小叫的?撞邪了吧?」無錯,呢個就係我果陣係Barnes私竇到撞到既租客!

「咁樣幾耐啦?你點解唔報警呀?點解唔即刻車Barnes去醫院呀?住係呢度托呀?Barnes!Barnes!!」我再衝向床前望向Barnes,佢既神情睇落去相當安詳。我同佢過往既經歷,由相識,相知,到一齊抄功課,做野,去蒲去玩,過往既畫面,好似走馬燈咁樣一段一段咁樣飛過。我聲音好快沙左,而且哽咽起黎

當晚佢自己一個人去左老蘭賣左一陣醉,亦都拒絕左幾個妙齡女郎對佢既引誘,自己一個人返左Office大覺訓天光。到下一日日上三竿,老毛病發作,佢下意識咁樣開電腦Check_e-mail,順便開埋個網上版Whatsapp,佢就發現左,自己竟然Send左message叫Wallace。

「我一直都唔知道原來我同你都會經歷咁樣既野呀。我一直都唔相信呀,我以為我可以同你一直白頭偕老呀。但我最後最後,發現,原來都唔得呀。點解唔得呀,我都唔知點解呀。」Vien開始掛唔住笑容,亦都開始啜泣。

「樂兒今年,多大了?」「應該是五歲。」「你呢?」「我和Barnes和Vien同年,二十八歲。」「不要緊。樂兒十八,廿八的時候,你還只是剛過四五十,你可以撐得來的。做個好爸爸吧。」

我望住個BB ,郁都唔郁,但係又好似好有生命力咁。亦忍唔住喃喃自語講:「樂兒快D大,第時同Barnes爸爸Vien媽媽,Wallace哥哥一齊去食去玩囉~~」

創作好多時更唔係咩驚天偉地會改變世界之舉,純粹可能探究下社會問題,觸動下內心心靈深處,就自己既人生路上作出反省之類。但係如果呢類所謂既世界命題,其實好多人根本由頭到尾都無關心過,我仲寫黎做乜?就算創作,最低最低層次都要花心力同時間啦,無人睇的話真係你咬我食咩。慘過告白然後即刻俾人派好人卡啦,下嘩?

無錢抽唔緊要,因為好多垃圾卡,太多剩,D老死朋友就會送俾你,等你都有幾張叫做玩下。其實有咩好玩?唔知。一種虛榮感掛。等於食咩零食有垃圾玩具D人都會去儲一餐,務求儲夠一套,你就知舊時D細路可以有幾無聊。

車廂冒煙,冷氣暫停,甚至火花迸現,八九十後乘客紛紛發難,上FB上載圖片,一同向地鐵公司派嬲,本屬人情之常,但如果被上一代人看在眼裡,心中必感不以為然,甚至要即時冷嘲熱諷:依家後生,注定就是吃不了苦。想當年,地鐵還沒有通車,我們徒步走入新界,面不紅氣不喘,而且那時還是三十多度的暑熱。當然去薄扶林亦沒有公路,大家齊齊攀山涉水,還不是活到了今天?

瞳真

換左個眼角膜之後,重獲光明之餘,俾我發現到一樣野。我睇既野竟然開始唔同左。我隻眼唔知點解,忽然多左一個新既視覺,係我可以一望,就知道究竟果樣野,係真定係假。

單係我地偉大既強國,韶關丹霞山的陽元石,相信大家都唔會無聽過,相傳摸下就可以求得子孫,一年人客係駱驛不絕。至於係日本,亦都有陽具既崇拜同埋祭典,例如有相當出名既鐵男根祭,如果無記錯神社甚至會將巨型既柱狀物由男丁推出黎,一路巡遊,大家都可以蜂擁而上,一齊雙手合什祈求自己既心想事成,甚至係遇強愈強諸如此類。

從OCAMP開始各種匪夷所思遊戲,到上莊傾莊,到住宿等等呢D大學等同係必須參加既活動(否則你就會被定義為摺,廢,頹,毒,不合群),都會有好多奇奇怪怪既活動,例如:唔俾訓覺,半夜去操BEAT,甚至好似依家新聞報導傳言要放生蛋落你下面同你慶祝生日甚至要點香滴蠟等等。外界覺得呢班人玩到SHORT左,但係佢地一心就係要以呢D「日常生活無傷大雅既惡作劇」,黎到加深彼此既感情,以顯示大家係一家人,先可以咁玩都無事。你地鬧係唔明人地果度底蘊,根本不適宜指指點點既。

童年生活

我果陣就係番上午校既。放學做完功課咪可以自由活動囉。補習?去學乜學物?SORRY真係乜都無。記得屋企果陣附近有間兒童中心,咪去果度睇下兒童快報,打下康樂棋,然後等電視做卡通片咪去睇囉。識埋同樣係附近住既一班細路,咪你捉我捉你囉,其實係好無聊,不過細路既野,愈無聊就愈開心。邊似依家D大人愈多條件都滿足左都唔滿意?

負擔唔到,就唔好做

我唔知依家有人去迫另一半去買樓既人,究竟係咩心態。一棟樓閒閒地依家都講緊三四百萬,首期隨時都上百粒,究竟如果只係搵普通晏仔要儲幾耐先儲到?而買到既依家仲要係質素有番咁上下差既蚊形牙籤房。你真係覺得咁樣係度玩蝸居,到時又要度身訂造一張又可以食飯睇書連櫃既變形金剛櫃,會好開心?所以我聽聞TXB仲有個叫安樂蝸既節目,真係虧佢地可以諗得出,將窩偷換成蝸,仲可以安樂,豈非自虐到極致?
 

點解香港依家既女仔普遍覺得三十歲唔結婚,就會係大限臨頭,然後會陷入絕望既剩女時代?又點解結婚又一定要伴隨住一層樓甚至種種婚禮影相大花金錢既物質副產品?點解生一個仔出黎又要叫佢學乜學物帶領佢贏在起跑線?點解到最後咁多人要走去跳樓?因為壓力將人迫癲。