你身邊既Ｋ壇好友，總有一兩個複製陳奕迅或者容祖兒，有一堆不斷爭住咪唱仲要ＲＡＮＤＯＭ埋都唔肯交咪，但又有一堆叫極佢唱都唔肯唱但到一咪到手就突然爆ＳＥＥＤ連杯都幾乎俾佢震碎埋。點歌永遠都有一個流程，就係當熱門點晒，就開始進入懷舊金曲環節，四大天王盡出，然後進入張國榮、梅豔芳年代。到唱得派慢慢聲嘶力竭而失勢，另類派如尹光、費玉清就會興起。當然，仲會偶爾有一兩個高手會悄悄點韓文歌、日文歌，甚至係秦文。而你感不可思議既係，佢竟然背晒所有歌詞，縱使佢其實係唔識果隻語文的！！
過往我一再強調，民調毫不足信。而有關統計學角度去講既論點，點樣因抽樣ＢＩＡＳＥＤ而出現誤差，以至出現做出致命錯誤既結論，之前已經講得夠多。依家再搵數解數黎明去講ＴＲＵＭＰ點樣贏，亦已經係無用，事後孔明而矣。反而今日睇到一篇分析，嘗試從社交媒體既缺憾出發，入面提供一個新既視角
有人話佢文筆不過爾爾，但係最令人驚訝既係佢對人性醜惡既果種觀察入微同埋透徹，以及佢由始至終都反共，從來無改變立場。呢個當然係同佢既出身有極大理由，佢當過兵，但係因為凍得滯，燒左一條木橋取暖，但係咁樣做，卻係死罪。自知大難臨頭，於是佢只有逃離隊伍，南下香港。
最緊要你唔好釋法釋到我層樓都無埋。係無好處既情況下，上面係唔會有人咁做，等於唔會突然有人宣布港元匯率突然自由浮動，係一樣。你有無幻想過如果自己出份糧突然得番本來既十分之一會點？然後自己住緊層樓每日都跌五個％唔知跌到幾時？咁先至係真正既天下大亂。
首先係中環返工既，多數係唔會覺得高人一等的。你估真係個個都係ＩＦＣ返工渣住杯咖啡就可以攬住條著住件一件頭摟Ｘ裙既正妹，再唔係就係成個曉治積曼既鬼佬，然後就每秒幾十萬上落咁咩。雖然話就話三十歲人仲搭地下鐵路返工係會好失敗，但你睇每朝八半去到中環紅色站落車，個個其實個西樣咪同你去炮台山返工一樣，係無分別的。中環高級Ｄ，係純粹一般人既自ＨＩＧＨ。
我隱隱然覺得，以前即使係年輕人犯錯，都比較容易受到大眾所接受。老一輩成日都會講一句「佢腦囪都未生埋」，意思就係始終年紀尚輕，有時可能會唔識諗，係正常不過既事情，人生必經階段。而正正因為咁，大人理應有負上指導年青人既責任，亦應該給予機會，直至佢地可以自己獨立為止。
就算有好多人，同我一樣意識到問題，係度大聲疾呼左，咁又如何呢？唔係話叫唔叫醒既問題，而係最大問題係，香港有一大堆人會覺得根本無問題。唔係扮訓，而係由衷覺得成件事係無咩需要悲鳴呀嘛。等於兩個議員激嬲左阿爺，受罰就係好應該架啦，抵佢地死，連日好多呢Ｄ咁既論調架啦，甚至改圖咩都齊，第一件事，最緊要打死敵人先。唔釋法都內鬥到死果日為止。釋法唔釋法？真係咁重要？
機友都分三類。最有錢，而且行動力最高，無咩家長管束既，梗係落街打街機，享受跟機挑機既種種刺激同埋快感（高手一蚊打成日不在此列）。至於屋企家教比較嚴既，就唯有打家用機喇。
所謂既立法會行政管理委員會，其實係由一堆議員組成，並且由立法會主席擔任委員會主席。簡單講，即係如果無秘書處提出，而且得到主席同其他委員既贊成，理論上警察係唔能夠進入會議廳。根據ＧＯＯＧＬＥ網上圖書「立法程序與技術」都大致講過，一般而言係國會範圍內國會議員係有司法豁免權，所以議長係擁有屬於自己一ＴＥＡＭ去維持國會秩序既警察類物。而正因為咁，就可以維護一下國會既獨立自主，但我要強調都係一般情況係咁。
日本曾經有套陪我地成長既動畫，原名叫逮捕令，香港無線係譯「皇家雙妹嘜」，我相信果陣好多人都鍾意睇。兩位女主角，一個力量衝動，一個智慧溫婉，雖然只係做交通警，但係竟然可以勁到去捉持槍劫匪。作者係藤島康介（即係岩岩娶左Ｊ級靚模既一條飯剷頭），畫車同畫女一樣畫到咁正，兩女堪稱才貌雙全，一齊執勤又會爆出唔少笑料。係一套既認真又溫馨既小品，果陣深受歡迎。
或者我地唔好走到咁深入，講番香港。面對政治既亂局，新一代對強國同政府既完全不信任，近五至十年來大量新移民同內地遊客湧入社會做成既種種問題，未得到解決，再提出呢種新瓶舊酒，唔好講依家Ｄ後生，我地呢一輩都一定唔會聽得入耳。你話要抱擁內地，我就話俾佢調番轉ＣＲＯＷＤ－ＯＵＴ。再者，當大陸喉管有鉛，當有人係你屋企門口周街痾屎，當東江水原來超貴，當上面金融貨幣不穩直接影響香港經濟體系，等等等等，就算你係幾地位崇高既學者，都唔會有任何說服力。呢個係政治現實。
一個權力要穩，就要分權。歷史上好早已經識咁做，呢樣野，係初中課本，叫分封諸候，其核心思想就係在於，到有危難既時候，等佢地可以出兵勤王。但人性是險詐既，果十幾條友唔係立戰功者，就係皇室血脈，結果往往就趁亂起兵做反。靠幾丁友去維護一個政權，係唔會ＷＯＲＫ的。咁不如分權俾堆唔會造反既人？例如平民，唔知有無得諗呢？講就容易，但邊個手渣實權，唔會心思思想造反？
依家有好多樣野都係爭崩頭的。第一，公務員既考試。以及當中既考試班同基本法班，不知幾多人報。第二，可以幫佢地仔女平步青雲既學校。個需求高到一個地步，學費可以貴過大學，甚至門檻亦都高到無人有，因為孩童唔單止要有金去打造既履歷表，甚至要通過重重面試，而學校仲要係唔一定收你，因為人龍實在太多。我係學校我都釣高黎賣。但唔緊要，只要買到一個令仔女飛黃騰達既希望，傾家蕩產都在所不計。
周街都係小丑女，亦都有個好處就係，大家都唔駛再煩著咩衫，係造型設計上可以減少好多時間，做衫既大量生產，深圳入口，價錢相宜抵玩。而當個個都著住同一套衫，又見大家都係果副德性，不論係差，相當差，定係極度核突，相對而望，即刻打番個分之餘，都會心已安，車，原來低處未算低喎，有人仲樣衰過我
結婚係香港係好畸型，我開左個系列都未寫完，如果講幼兒教育，就更加痴線。我只能夠好簡短花幾分鐘講，有一個最大既問題係，所有父母都假設對佢地既愛，就代表要俾最好佢地，先叫到表達到出黎，但佢地唔識係果度加一個時間掣，結果搞到好似量化寬鬆咁。所以無可避免地，大部份既細路如果屋企條件許可，都會過住養尊處優既生活，可能一直去到十八歲都仲係咁。
細心留意一下，我們身邊很多人都充斥著阿嬌這類人，一邊說自己很想找一個談得來的終身伴侶，而且經常努力遊說朋友，自己的擇偶條件從來也不高。但當然，聰明的朋友，多數也不說話，就是笑笑，輕輕呷一口茶，把視線自然的放向遠方，然後就隨口把話題轉換了。
