@鵝鑾鼻燈塔
鵝鑾鼻燈塔
鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

六八九既新聞稿係晚上六點半發出,鬍鬚曾所謂既財政司司長辦公室發言人即時回應查詢時指出,都大概係八點幾九點咁上下。兩者相隔不夠兩小時。如果無高層指示,絕無可能有如此飛速既回應。

佢既死忠的話,根本就唔存在需要退票既問題,因為佢地一定會支持佢地既偶像去到最後一秒。

搭檯

只要係一星期既果一日,同樣既時間,我就會見到佢出現。但當然,我無可能每一次都坐係佢身邊,所以唯有就另外搵一個位自己當睇電影咁睇。佢既一顰一笑,對於我黎講,真係好吸引。雖然可能,只係果套制服俾我既錯覺,令到我覺得佢硬係同身邊同我識既女仔與眾不同。我講唔到咩原因。

係會好多自己會判定為有紀念價值既野,第一部踩既單車,第一次既小學獎狀,各種各樣既筆記,相片,甚至係當初交往筆友既書信,等等,但其實收埋係個箱,只求自己心安理得,到最後又係塵封等時間一分一秒過去。丟,會好唔捨得,但呢種只係一種心癮,到你真係狠狠斬斷左呢D野既連繫,其實個人會覺得仲輕鬆。

最近據講又有一噱頭,要整個動漫88個朝聖景點,以提振當地旅遊業。我覺得全世界能夠搞得出咁既野既,真係得日本一個國家有咁樣既能耐。因為佢地本身個動漫業界人士玩多咁多年已經愈玩愈癲,玩到無野好玩,背景全實景成日都係家常便飯,我都已經好耐無跟到新番(甚至係幾年前既舊番),但係講番仲有追果陣幾套京阿尼既出名系列,地點選材都係像真度百份之一百。好多人追完番之後,已經急不及待要搵番個地方出黎去朝聖。

「希望令到每一個買左遮既人能夠正確使用把雨遮,咁就可以確保把野可以用足一世」。呢個世界邊有D咁痴線既生意佬?人人只光顧一次,之後就唔駛再買,人口又一路老化落去,咁盤生意咪注定係若干年後執笠?係呀,威哥仲同咩地球之友既人合作,一齊去公共屋村到教人點樣DIY維修把遮。呢度,佢強調自己係地球人,好應該為地球出番一份力。

例如韓國既KPOP,日本既動畫等等。較早前爆紅既江南風格,明顯唔係韓國既傳統歌謠,但佢令所有人知道韓國人,然後D人會開始瘋狂去發掘韓國既其他野。全世界都有卡通片同動畫出產,但就係偏偏日本既受歡迎,係東南亞以至世界滲透度極高。並唔係話套套動漫都好睇,當中亦有唔及水準之作,好多分析亦指出動漫市場係日本咁多年經濟衰退,亦有明日黃花既跡象,但至少到依家,佢仍然係競爭力好強既一個產業。

依家轉發一個信息太快太輕易,亦都唔駛上身,唔需要陪上自己咩名譽,大不了咪又話咩呀人人都係咁做?或者HIDEPOST刪POST了事。但無人意識到一個誤導,基於數字上既錯誤解讀,係可以為社會帶來幾大既禍害。BREXIT入面有幾個SPIN得好勁既新移民數據,到最後都發現其實係錯既。但係某程度上可能已經影響左最後公投既結果。因為果D看似公正不阿既數字,加深左好多人對於新移民既恐懼。

每個人都有左膠之心

其實如果係天下大平,人格已經提升到最高既表現,的而且確人人左膠會係最烏托邦式既美好結果。大家都互助互愛,互相幫忙,大家一齊分享努力既成果,無秘密,坦承相對,唔係幾好咩?法國大革命果陣舉起既旗幟,唔係就係Liberté,Égalité,Fraternité咩?咪就係自由,平等,博愛呀。你今日講呢D,咪就係左膠囉。

黃毓民輸係邊個度?個個都話關游BB事。但第一,我唔明點解社民連既吳文遠其實食左足足七千票,就無人話佢。講政治光譜,點都係佢地兩個似少少啦掛?話晒都徒子徒孫?

新界東係有十幾張名單都話機會均等,其實,亦都真係無咩值得講。即係十個球員射十二碼,八個都係黃興桂同你旁述。當然,真係要搵野黎講的話,佢係有估過方國珊選到,而且同長毛係前面。容海恩不在原來當選既名單之列。但分得太散,個民調已係同唔indicative無分別。

神駒可以有一萬人聽既電台,佢剷爆左膠,支持黃毓民,甚至連杜汶澤,李怡都有聽其節目。但點解天氣仍然不似預期,不足回天變天?

「我地老了,你地仲有排玩。年青人依家出黎從政,點解唔支持?有咩原因要阻撓?未來係屬於佢地,議會無年輕人聲音點得?」

聽聞當時係係英國倫敦成立左研究總部,投入大量既人員同資金,數字相當驚人,再配合大學學者,將每一個殖民地既歷史文化同民族研究得極度徹底,並且存檔備用。

如果大家真係咁擔心自己層樓既估值,以致係自己既財產問題,你第一樣野根本唔係應該擔心基本法能否永續,而係擔心港元穩定既問題。第二D野我唔敢包,但係香港既聯繫匯率制度完全唔係法律所規管啦掛?基本法改與不改,資本主義是否繼續,聯繫匯率都不在此限

香港係好小既一個地方,但係佢真係咁岩被英國統治過。雖然,英國以佢利益既大前提去管理香港,當中不乏出賣港人既例證,但係香港係果百幾年,過得著實不壞,亦一嘗民主既滋味。依家當然就係功成身退,你死你賤。唔好忘記,英國一樣都混亂過,有內戰,皇帝都斬過頭,首相無數更替,先由帝制走向立憲甚至接近共和。依家歐都脫埋,一樣 in an orderly manner。你以為真係一朝一夕?真係因為英國人特別醒?