@鵝鑾鼻燈塔
鵝鑾鼻燈塔
鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

MV當然亦是一大看點。果然沒令樂迷失望,貫徹了廟街二十蚊有五隻的近代時代曲卡啦OK卡式錄音帶的廉價風格,加上各種連小學生交功課也不忍卒睹的電腦效果,樸實草根之風撲面而來。章對時裝了解亦十分獨到,今次繼續戲仿八爪魚,以通體通紅的厲鬼裝現身。一眾Hea爆、衰過霞姨臨記的Dancer們,亦要紅色主打,心口寫上中國、青春等柒爆字樣,一邊鬼上身般作Biohazard式伴舞,其Cult 的程度,已經大大超越前作。不由分說,紅日之火,將是他事業又一里程碑。

而唔坐Office而要做Sales跑數的話,總之目的得一個,Meet_quota,隨時你都可以將自己每一分每一秒黎跑數。老細只睇業績。有時跑左成日,交際應酬同朋友食飯,一單生意都無,咁既工時又點處理?到時老細話你無做到野,你D時間唔算數,又點?我一直都諗唔通呢個問題。

看著初戀或PUPPY LOVE(即所謂的豆芽夢,一講就敗露世代)在面書放出各式結婚照,或者抱著子女的全家福,是會有種很異樣、而且說不出的奇怪感覺的。心裡總會泛起很多無意義的假如

得罪講句,其實係呢行食開飯既都知,彭博都成日錯野,放流料,而且一樣會將財經當花邊新聞咁報架!今次講將富豪既金額除果處地方既GDP,得出既結果係,最高係香港,話咩幾位富豪已經佔香港GDP既百分之三十五,咁驚人,仲唔係大新聞?但唔熟經濟如我,都想問聲,計呢個Ratio,然後拎黎比較,其實究竟有無意義?

教你,現在立即跑出旺角,問十個人,楊絳是誰,當中有誰答得出是錢鍾書之妻的,你已可立即衝入信和隔壁的馬會,補一口今晚的三T:反正這麼好的運氣,隨時會中獎。世人都重視錢鍾書的不世光芒,對楊絳的文學研究及其深厚根底,卻鮮有提及。最多最多是知道她寫過一本書,叫《我們仨》,已經很好了。至於有沒有看過她其他散文?哈哈哈。這個問題,問來真的很多餘。

無理由UBS出左新報告,我係完全唔知架喎?覺得事有蹺蹊,去GoogleNewsSearch有關既英文新聞,發現竟然只係得Dailymail有報。但係係香港,咩蘋果呀、星島呀、信報呀全部都有講,個個都引晒資料來源話UBS調查顯示。好喇,跟住我真係好唔忿氣地上UBS網站刮個newsrelease,今年成個五月都無呢單野既新聞公報。心諗,會唔會咁騎呢,出左Report連聲都唔聲一句呀?

他們獲得京官覲見時,未有因私忘公,促請張副主任等人,在日光日白時分,一同直搗黃龍,反而一直等到正式會面結束,才四出耍樂。可見他們心繫國家,工作時工作,遊戲時遊戲。人家在得到豐碩成果後,才利用公餘時間調劑身心,干卿底事?

以前,我地係香港,從來不擔心屋宇結構安全,因為大家都對香港既建築工程,相當有信心。樣樣都問以下問題,嚇到嚇死啦,街都唔駛出:棟國金咁高會唔會唔穩陣架?條青馬橋咁長會唔會突然之間斷開兩截架?依家出單咁野,到頭來如果無一個令公眾滿意既答案,無人需要負責,歸納成一般意外,然後事情不了了之。

功利社會,節奏急速。金錢至上,司機總想多跑一圈,集腋成裘;乘客為口奔馳,亦分秒必爭。雙方一拍即合,對速度的追求,自然有種心照不宣的默契。深諳此道的司機,不少飆車技巧嫻熟高超,媲美專業賽車手。其貌不揚的阿伯,粗口橫飛,隨時是小巴界的藤原拓海。

有一單屋頂連天花倒塌之後,即刻急急將所有其他建築物頂樓既綠化草坪全部急急剷走係咩玩法?咁樣做,咪即係話你肴底驚其他地方都有潛在風險?你唔好話我知你當初搞呢D野果陣,安全評估咩都無做過,就起勢係上面加草呀?

「拋棄了基本法和一國兩制,香港必爛無疑!」「香港亂,大家跟着一起埋單!」「什麼自決、港獨,根本成不了事。」想不到言猶在耳,城大的天花竟如斯不長進,率先響應張委員長的呼籲,自己先行潰爛。有內幕權威人士向本台指出,的而且確,在張委員長訪問期間,四處封路,水馬,警察治港,處處皆荷槍實彈,官威之大,響徹四方,有一兩個天台倒塌甚麼的,實在不出為奇。但畢竟「豆腐渣」一詞,十分敏感,最近四川地震款項不翼而飛之事,還在不踁而走,消息一傳出,無疑會特府面目無光。

小丑。J。龍蝦

係網上見到張改圖,將龍蝦既衫變成小丑衫,出乎意料地夾。大家可能睇完,都會笑下就算。之但係改圖人或者無意識到,呢一套衫帽,背後亦可以大有文章。

大概一個月之前,小弟先寫左一篇文,講富樫千呼萬喚,終於復出再畫Hunter。但我係文中一早明確指出:以富奸既前科,佢基本上都無咩可能會捱到好耐。我講過,我真係講過!之但係,佢突然上晒身咁畫團長同希索加既傳說中既對決,所有粉絲一下子又盡入忘我狀態,忘記之前富奸帶俾佢地既種種痛苦。呢 D 真係港豬模式,等於果陣煲呔上,大家即刻忘記晒老董既劣跡斑斑一樣。

寫作既人,完全真係睇下佢想追求既,係D咩。例如一個畫家,佢可以畫一世都畫同一幅畫,十年磨一劍,表達出佢既一切。呢幅畫足可流傳後世既話,就係不世藝術。但可能佢生前都唔會有人欣賞,甚至死後都無,當垃圾處理。佢可以唔畫呢種畫,改畫漫畫,可能會因為一炮而紅。漫畫一樣都可以有藝術成份,一樣都可以有流傳後世既一日,但中間有幾多係咁(即所為流行中的藝術元素)?定還是只係單以讀者愛惡出發?我相信好多都係後者。

這樣搞得戰雲密佈,圍滿甚麼鐵馬水馬,甚至說要佈防六千警力,全是精兵,將灣仔,中西區,以至一切的交通的經脈要道,盡皆封死。幾天下來,閒雜人等,通通不得擅進,而且可能甚麼謝絕所有傳媒訪問。屆時梁特一臉堆笑,和領導人大力握手,神情輕鬆,以流利普通話說聲:委員長,辛苦了。不會有任何問題的。

希臘神話入面,諸神除左法力無邊之外,其實同人一樣,成日得閒無野做,為左無聊野,爭女搶地盤,打仗或者互相傾軋,搞到你死我活,其兇殘程度同咩黑社會選老頂,唔係差太遠。故事情節,大多數兒童不宜,血淋淋,極度殘忍,而且經常出現亂交亂倫情節。