@中佬
中佬
中佬
中佬,三十而立,最怕香港濕立立

唔好計出晒名嘅愛港力戰隊同白頭佬嘅幫乜出聲,唔駛講高生嘅愛物之聲,更加唔好提早前絕食夭折嘅嫣嬸。就連新界人都衝落界限街以南玩「汽車慢駛反佔中」 (但其實塞車正係佔中嘅一個方法……) ,又有啲保衛香港乜春組織同學民仔打對台反佔中公投,其他唔知邊度走出嚟嘅牛鬼蛇神,總知你連名都講唔出嗰啲,百花齊放到你以為青山日日同你投開放日。

上半場係零比零,表面上荷蘭控球較多,但墨西哥嘅防線相當緊密,令洛賓冇得快樂奔馳,雲佩斯接到長傳入禁區都企唔穩馬步射到離行離列,史尼達……繼續穩定地跌 watt 。荷蘭攻唔到,反而畀墨西哥好幾次反擊威脅到門前風聲鶴戾。如果墨西哥前線把握得好啲,遠射又好,入到禁區窄角起腳又好,都真係有機會打開紀錄。當然,都要多得荷蘭嘅尼祖迪莊早段傷出,削弱荷蘭中場截擊力,同埋荷蘭三中堅防線縮得太後,畀太多空間對家起腳。

家下都係「一個結果,各自表述」。支持公民提名嘅支持者,可以話兩個只支持公民提名嘅方案 (人力同學界)方案夾埋有 48.8% 支持,比起「三軌方案」多。真普聯同傳統泛民就梗係拎住「單議席單票席」嘅 Winner-takes-all 嚟講,再唔係攞埋陳水扁 當年台灣總統選舉以 39% 得票一敵二力壓連戰 (23%) 同宋楚瑜 (36.8%) 上台執政都仲得。雖然佢哋唔會咁做。

首場十六強賽事就要踢加時。智利搏足 90 分鐘後已經係強弩之末,中場核心維度爾都已經退下火線,形成巴西圍堵智利嘅攻城戰。雖然侯克同奧斯卡交換位置,但係進攻始終過份倚賴尼馬,而智利已經將佢睇到實一實。祖奧作為正前鋒無論控、傳、射俱劣,巴西只有侯克一腳遠射同奧斯卡遠柱頭槌攻門叫有啲睇頭。

阿寶可以唔駛嚟曼徹斯特,曼聯未到七月一日已經簽咗畢爾包中場安達靴里拉同修咸頓左閘勞基梳爾。兩位有幾個共通點。第一:貴,大家身價都接近 3,000 萬鎊,以前呢個價簽華朗就話揼春,但正常嚟講真係簽巨星。第二,後生:兩位到開季時都分別只係 25 同 19 歲。第三:潛質優厚,而且已經頂級聯賽證明自己。如果話用 2,400 萬鎊買雲佩斯返嚟係即食罐頭鮑,咁安達靴里拉同勞基梳爾就應該係兩大煲鮑魚粥,貴但係慢慢食、有排食。

德國都係正規陣容出戰,主要變動係用咗「小豬」舒韋恩史迪加代替基迪拉,活力可能爭少少,但控制球賽節奏同傳送效果就會好啲。睇返德國上半場初段啲組織同轉方向,「小豬」在陣係有啲唔同。當然,普度斯基復任正選取代葛斯,都令左邊嘅火力更強勁,隨時一腳抽埋去嚇一嚇你。上半場中後段戰況比較膠著,德國唔係話好急住入波,美國亦樂於保持和局……我認,我悶到瞌著咗!

馬治斯奧中場一次同對手嘅碰撞,一個自我保護嘅轉身,球證認為佢蓄意傷人而直接拔紅牌驅逐。橫睇掂睇,呢個動作連黃牌都唔應該罰,我真心唔明墨西哥籍球證嗰下睇到啲乜。保方都唔明,我未見過佢抗議去到中圈同球證理論,講堅。

直到 70 分鐘打後,荷蘭換入新紮師兄迪比同利萊費亞,換走表現庸碌嘅蘭斯同史尼達,荷蘭又再一鼓作氣壓上,先有迪比禁區頂怒射被門將撲出,及後角球攻勢未被清脆解圍,荷蘭右路傳中,從後突入嘅利萊費亞一躍而起,頂向遠柱入網。

【中佬手記】老兵不死

講 Teamwork ,德國認第二,唔知有冇邊隊敢認第一。 1990 年嘅成功,令馬圖斯、奇連士文、禾拉、布林美、慕拿、希士拿、高拿等名將名留青史,經歷過 90 年代尾嘅低潮、換血之後,德國喺 2002 年再次打入世界盃決賽,只係不敵當年有 3R (朗拿度、朗拿甸奴同李華度) 嘅巴西;喺 2006 年以主辦國身份亦打入四強, 2008 年歐洲國家盃亦成為亞軍。

意大利對英格蘭同對哥斯達黎加表現差天共地,同雙方防守模式有好大關係 - 只要中前場緊迫、破壞意大利第一傳,冇得畀派路睇定嚟分波,五人防線封鎖兩邊同時確保中路有足夠人員防守,加上體力充沛, 90 分鐘表現唔走樣,意大利真係冇本錢同你鬥。當然,防守到「有前有後」,邊有咁容易。但意大利嘅進攻板斧就係得咁多,除非柏蘭迪利的起心肝踢雙箭頭,否則就算次名出到線對哥倫比亞 (應該係)都應該會行人止步。

教練鶴臣明明有成棚後備可以用,由菲臘鍾斯、史摩寧到盧克梳爾,但就堅持用返原班人馬出戰。佢嘅臨場調動亦都有問題,落後一球但要到 64 分鐘先至換入有膽識、有腳法、有腳頭嘅巴克利,入替表現沉寂嘅史達寧,另一個生力軍拉蘭拿亦只得 20 分鐘發揮。最離譜嘅係,歷奇林拔要到 86 分鐘先有機會入替軒達臣,你期待佢喺十分鐘內 (連補時) 做啲咩?或者我可以理解英格蘭喺 75 分鐘追成一比一,諗住唔再失波都可以接受,但係點解堅持要謝拉特捱足全場?上場抽晒筋踢足全場,今場又當佢鐵人?由林柏特或菲臘鍾斯入替會否好啲?

西班牙今場其中一個焦點係沙比阿朗素,平日指揮若定嘅佢,今日跑得慢、交失波、回防唔夠快,令旨意佢發辦嘅西班牙攻守表現大受影響。最攞命嘅係佢喺上半場中段中場畀智利迫甩咗,為智利發來一次快速反擊嘅機會,阿歷斯山齊士放個斜直線畀阿蘭古斯入禁區,再交橫畀華加斯近門射入,整個過程智利球員各自走位配合十分流暢,西班牙防線就陷入混亂,查維馬天尼斯晨山畀人拉咗出禁區外,拍檔沙治奧拉莫斯唔知應該「標」好定「包」好走咗好多冤枉路,沙比阿朗素追唔返,卡斯拿斯亦冇果斷瞓身攔截,災難性嘅防守令球隊老早陷入出局邊緣。

巴西下半場先後換入班納特同祖奧,取代拉美利斯同費特。班納特喺左邊同尼馬配合居多,成功令巴西兩邊攻勢平衡返啲,但左閘馬些路又係冇咩空間助攻,學 Twitter 上網友話齋,左路成條屯門公路咁嘅樣。至於「浪人」祖奧,其實我都唔明點解佢會可以入選巴西國家隊,入到嚟負責柱躉式駁腳,有一腳射波但又係離行離列。臨尾巴西要靠死球攻門,泰迪高施華泰山壓頂但又太正中,門將奧祖亞成功化險為夷,最終大家互交白卷。

葡萄牙嘅 4-3-3 陣式,面對德國硬橋硬馬嘅四中堅防線其實冇乜優勢。德國後防轉身係慢少少但肯定頂得撞得,雖然轉身慢啲係可能畀人 one-two 突破撤破防線嘅,但遇著葡萄牙組織唔多細膩,慣性一個長波放畀蘭尼或者 C朗喺邊線單打獨鬥,以上嘅憂慮根本唔成問題。上半場葡萄牙最有威脅嘅攻勢,都係蘭尼喺右邊扭兩下然後自己射出界,或者三閘線傳中搵唔到隊友。

開波冇耐阿根廷就領先,靠嘅係一次罰球攻勢由美斯左路開出,盧祖頂頭槌彈中對方後衛哥拿辛拿斯改變方向入網。拎住一球嘅本錢,阿根廷上半場嘅表現好聽講係定過抬油,難聽啲就懶懶閒。三中堅每次攞到波都幾乎一定交畀馬斯查蘭奴,中場隊友去唔到又係畀返馬斯查蘭奴轉方向,唔知真係以為佢係阿根廷派路。

法國冇咗兩位性格巨星列貝利同拿斯尼,大牌球星剩低賓斯馬一個,間接令大家有多啲機會欣賞一班較為實而不華嘅球員。進攻中場華布拿上腳造波較多,馬杜迪駁腳同入楔為主,新星基沙文忽左忽右仲有後上攻門。防中保羅普巴同卡巴耶受嘅壓力唔大,連帶一條防線都係助攻多過食飯。門將洛里斯除咗一次清道夫式解圍之外,都真係可以坐埋一邊食花生。

頁 3 / 812345678