@中佬
中佬
中佬
中佬,三十而立,最怕香港濕立立

由上半場末段到下半場中段,科特迪瓦都係控制戰局,差在組織唔好、操之過急。林姆治去到 60 分鐘左右終於出手,用杜奧巴換走中場斯利迪爾,變陣踢4-4-2 甚或 4-2-4 。總之雙中鋒啦。日本防線似乎唔知點樣畀反應,眨下眼失一粒,眨下眼又失多粒。兩個失波模式相似,都係科特迪瓦右閘奧利亞傳中,先係邦尼迎頂遠柱入,後係謝雲奴無人看管之下頂近柱入。

意大利呢個 4-1-4-1 陣式,表面上有兩隻翼,但其實左右兩邊嘅馬治斯奧同簡迪華都唔係跑得快、扭得好嗰隻翼鋒,主要都係拉埋中間踢或者未到三閘線就斬中。中間有迪羅斯掩護派路同新人華拉堤,前面淨係擺個巴洛迪利搵食。進攻模式嚟講,一字記之曰:「慢」,慢工出細貨,搓勻先做入去。但同西班牙唔同,意大利冇嗰種令人眼花撩亂嘅彈彈波,而係長短棍並用,時而轉邊時而斜直線突入,冇波入都消遣下你先。

西班牙谷唔起,另一邊廂荷蘭又憑白連特嘅一次長傳,洛賓凌空黐落嚟再扣過一對西班牙中堅,起腳抽射省中沙治奧拉莫斯改變方向入網,同時為卡斯拿斯嘅惡夢揭開序幕。形勢比人強,荷蘭並冇手軟, 11 分鐘後由一次罰球攻勢開向遠柱,迪維積近門射入將功補過--雖然過程中雲佩斯跳起並有阻擋卡斯拿斯之嫌,但其實卡斯拿斯點都飛唔到,同揭幕戰克羅地亞奧歷涉嫌衝撞門將導致 2:2 入球無效有啲唔同。相似嘅,反而係卡斯拿斯喺歐聯決賽出迎時間有誤,令皇馬先落後一次錯誤。

雙方嘅主場波衫都係綠色,喀麥隆以作客身份改著黃色,令比賽成為名副其實嘅「黃綠之戰」。黃綠,唔係醫生,係球證。上半場墨西哥嘅杜斯山度士有兩個清脆嘅入波,第一次接應隊友邊線傳中射入但係被誤判越位;第二次更離譜:角球攻勢被喀麥隆後衛頭槌跣後,杜斯山度士伏兵門前頂入又被判越位。唔想嘗試向冇睇開波嘅讀者解釋咩叫越位,但一般嚟講,企喺越位位置嘅球員接應對手回傳而入波並無問題,或者旁證誤以為喀麥隆後衛冇掂到個波啦。一次我當你唔小心,兩次都誤判就真係太離譜。

巴西冇幾可落後,失波之後將尼馬推前多少少拍住費特,但其實分別都係唔大。上半場中段扳平嗰球,尼馬中路推幾步,未到禁區邊就左腳抽腳地波,勝在角度刁鑽令門將柏迪高沙鞭長莫及。入咗就英雄,唔入嘅話,我會話呢腳波係獨食。當然啦,要尼馬分波畀隊友,倒不如由佢射咯……

【中佬手記】港喱生存之道

掃下啲留言,除咗同聲一哭嘅 icon 之外,「我好明白佢嘅心情」係最常見嘅回應。另一個 post 「大家都是香港人,為什麼剝奪我子女讀書權利」入面又係一大堆火滾 icon 。 鬼咩,用普通話去講自己係香港人,真係太有說服力。不過簡而言之,百幾二百個留言,抒情發泄居多,討論成份有限。即係,睇完之後又 move on 。呢個現象同呢兩日我見到左右兩翼嘅派系由 64 鬥到立法會再鬥到去 Facebook 簡直係兩個極端。由累積多時嘅私怨,到出席人數同成份嘅拗撬,到為咗保衛新界東北而衍生嘅吹雞、自拍、衝擊、階段性勝利……個個喺網上有頭有面嘅人物都講到咬牙切齒,血肉橫飛,緊張過自己心肝命椗。咦……

政黨間有拳頭狙擊白鴿,民間有社運份子同本土勢力鬥爭,而家連六四都有支教民同熱公民嘅角力,唔知幾時輪到清明重陽。殊不知無名無姓嘅網民( okay 有啲網民已經晉身知名時事評論員)喺網絡上殺到天昏地暗,喺馬會入面賭馬、喺證券行睇股票、喺茶餐廳吹水嘅大叔大嬸始終 who fxxking care 。識你係老鼠咩。識高達識陳淨心都唔知你乜水啦。

點解警方要隔半日先至郁手拉個犯?呢個問題好多前線記者都問咗,警方當然都好體面地解答,話需要詳細部署,唔急得。講真,警察掌握全盤資料,幾時郁、點樣郁,理應最專業,毋庸叉能廚。之不過,如果警方晨早已經知道槍手住喺邊個單位,速戰速決係減少變數嘅方法。你可以學林鄭話齋,槍手行兇係「個別事件」,但台北捷運嘅隨意殺人犯又話畀我哋知,「個別事件」可以連環上演。所以我唯有假設,警方一路搵料搵到第二朝先至確定兇徒藏身之所,所以先至等天光先至行動,而唔係為咗個場好戲畀大家睇,或者為咗避免「擾人清夢」。

「既然冇人認係自己錯,咁即係我監管不力,係我錯啦?」呢啲時候我永遠都有舉腳贊成直豎姆指畀 LIKE 嘅衝動,好在我忍得住手(同腳)。老闆跟住發晦氣:「咁即係社會嘅錯啦。係咪想份報告咁樣寫?」嚟到呢度,大家都會死狗、低頭,最後乖乖地就範。唔係心服口服,只係唔想一鑊熟--認咗佢就出返去,拖拖拉拉攞嚟衰。

一如上年五月,曼聯一「收咧」就公布新領隊人選。上年有莫耶斯,今年有雲高爾。如果話莫耶斯係「蕭規曹隨」、「正宗蘇格蘭血統繼承人」,雲高爾嘅關聯詞大概係「大刀闊斧」、「鐵腕管治」,至於係咪「起死回生」,好難講。不過有啲預測,又睇下下年呢個時候我講中幾多瓣。

馬體會輸人唔輸陣,防守時每每全隊退守半場。但係天時、地利、人和俱備嘅巴塞,又點會同你客氣?巴塞頻頻喺右路發難,終於由法比加斯右輔位傳中,美斯中間控離身,反而造就阿歷斯山齊士後上怒射楣底入網。魯營球場九萬幾個球迷歡呼震耳欲聾,教練馬天奴亦一吐烏氣,因為聯賽冠軍真係近咫尺。

【中佬手記】識人好過識字

如果,我話如果,你代入你老闆嘅身份,你會點揀?見到一個默默耕耘、做實事(有冇做柒事老闆未必知)、做得嘢、喺現有崗位頭頭是道嘅同事;同一個長袖善舞、人脈遍佈五湖四海、有事叫起手搵到 Mr. Right 或 Mrs. Right 幫手解救嘅同事,二揀一,升邊個?

我會話,領隊鶴臣嘅選擇,係「三無」:無驚喜、無問題、無希望。點解?無驚喜:呢個陣容絕大部份嘅人選都十分正路,應入則入、應 out 則 out ;攻擊陣容齊齊整整、有柱躉有老鼠仔有射手;之不過就憑呢個班底,喺南美洲入到八強已經算有交代。

以前唔鍾意聽薛凱琪嘅歌。唔係話佢啲歌差或者難聽,而係純粹個人口味問題。不過早排喺街聽返電台重播 Fiona 幾年前嘅舊歌,我覺得好似好聽咗。歌本身冇變,變嘅只係近年聽歌嘅次數同質素。當冇咩新歌好聽,當 K Pop 同 MK Pop 相繼攻佔 newsfeed 嘅時候,《糖不甩》或《慕容雪》都忽然變成金曲。

我呢啲中產朋友就將精神集中喺控制得到嘅事情上面,例如生兒育女、相夫教子、買車買樓……我知,跟住大家就會搬出至理明言:「你逃避政治,政治遲早摸上門。」 But so what? 香港人適者生存、能屈能伸嘅「獅子山下精神」此時此刻喺我嘅中產朋友身上全面體現。 It’s all about determination! It’s all about problem solving! 由返學到返工培養嘅解難能力,套用日益收縮嘅生活環境之中就好使好用。醫院產房資源緊張?早啲 book 定囉。藥房冇奶粉賣?轉牌子好、全家總動員十八區搜羅又好,總有方法。「普教中」、「洗腦教育」?喺屋企管教好啲囉,再唔係用多啲錢送佢哋入直資、入國際學校甚至掟佢哋去國際學校啦。

喺 2014 年 嘅香港,我真係連作答「喂,你會唔會生小朋友」呢個問題都有困難。唔關選擇困難症事,而係呢條問題太複雜,要有一個中肯理性非鳩答非隨口 (簡稱「中理非非) 嘅答案,必須經過慎重思考,考慮七籃子因素,平衡各方面利益……然後擘大個口得個窿。

頁 4 / 812345678