兩年前嘅夜晚7點，大家準備食晚飯時，電視機傳來了好消息。但不出三分鐘，旅遊巴外就響起一陣劃破寂靜的槍聲，人人震慴。我地第一次在電視，睇住我地嘅親人、朋友、街坊、市民離開我地，自己卻愛莫能助，令人嘆息不已。死難者中，包括我地同事－汪子林先生。人稱「汪子」嘅汪Sir，85年加入地下鐵路，起初任職車長， 佢活躍開朗且深得同事愛戴，98年初擢升為車務支援及策劃主任，每星期鐵路上的工程、行車通告，就是由佢安排好，在幕後維持鐵路運作。面對工作，汪Sir總喜歡多行一步，只求做到最好。
年半前成立至今，不時有港鐵同事，勸道：「收手唔好攪」．．．但眼見香港社會，傳媒報導只照政府立場，預先舖排；而電視人物專訪，居然要「按劇本演出」，試問彰顯公義之火，豈能熄滅？身為受高等教育的一群，深明「賦權」（Empowerment）在公民社會的作用。每逢大事大非，我地都響應參與，決不隔岸觀火。我地早前草擬左一份公開信，希望鄭家富議員，在「退休」前的個多月，能克盡己任，向公眾交代自己嘅言論。可惜多番查詢、催促後，對方仍顧左右而言他，打算冷處理作罷。另一邊廂，工聯會（香港鐵路員工總會）把玩事件，變成競選籌碼，民建聯的外圍組織，例：「愛護香港力量」應聲加入、混淆視聽，增添了不少雜質。
東鐵沿綫均有緊急閘門，讓乘客在職員引領下，離開列車登上接駁巴士。但當時狂風巨雨，請大家留在防水、防風、隔電、防火的車廂，由職員看管，肯定比在馬路上安全！凌晨三時半，柴油機車將所有滯留的列車，拖行到車站後，僅餘的車站職員，已為乘客提供食水、座位（盡可能），及事先清潔好的空間休息，至翌晨七時通車後，讓乘客返回車站。
前日在FB，見到某中國航空公司，提及Panda Awareness Week活動。我地一眼認出，熊貓仔坐緊London Tube，即係港鐵嘅師父。更吸引我地嘅係：扶手電梯上 “Stand on the RIGHT” 指示，同在熊貓仔身邊行過嘅乘客。 香港自有地鐵、電氣化火車以來，公民教育都話「左行右企」，扶手梯上寫住：「握扶手，靠右企」．．．2006年起，機電署聯同兩鐵推廣「緊握扶手」，打算叫大家企定定，無事出（政府）就唔駛負責。
17號父親節，有無得唔加價呀？？？答案係：唔加，絕對無問題！「可加可減機制」，係兩鐵合併《營運協議》條款，曾蔭權只要臨尾做番件好事，搵埋港鐵CEO韋達誠，坐低簽個名，就可以暫緩加幅5.4%的「票價調整」，留待2013年機制檢討後，適時發落。港督尤德施政報告：當市場運作異常、市民同工人權益受影響時，政府是需要介入的。2008年曾蔭權一聲令下，要港鐵全面提供學生優惠，同時叫港鐵「自行承擔損失」，咁點解今日唔可以呀？下？
點解會有「可加可減機制」，要港鐵自動連年加價呢？呢個機制，係由特區政府提出，目的係「消除競爭，車費即減」，屬兩鐵合併附帶條件，除要徵求地鐵公司股東同意外，毋須再另外表決！此後只可機械式執行加價，無人可以管到。2007年，就係呢批代表大家嘅立法會議員，通過兩鐵合併嫁啦
1975年2月，香港政府撥款，把九龍到沙田的一段九廣鐵路，先舖設雙軌；同時將火車總站搬遷，以便經濟發展、解決交通問題。「事頭婆」同年首次駕臨香港，一向對火車情有獨鐘嘅佢，5月5日為紅磡車站揭幕，車站大堂雖未完工，但設展覽會，介紹聞名海外的「香港製造」產品。 典禮歡迎市民參與，與今天每逢政要到港，都拒人千里，大相逕庭 . . . . . .70年代中期，雖然香港的經濟，尚未登峰造極，但 女皇已認為：「香港人在逆境中，不苟安於圖存，尋且自力更新，香港經歷年奮鬥發展為一現代名城，過程舉世無倆」1986年，當 陛下再臨之時，香港已是蜚聲國際的「東方之珠」！ 火車及地下鐵路，分別已完成電氣化升級工程，且全綫通車。
「熱狗巴士」服務，終於在前日正式落幕，更成為社會議題；另一邊廂嘅鐵路，在不久將來都會迎接「舊火車退役」嘅問題。最常見且唯一嘅提議係：「起博物館放佢入去啦！」即係先處決，再將屍骨鑲起，放在骨灰位供人弔唁，就叫「保存左歷史」。位於舊大埔墟車站嘅「鐵路博物館」，佔地同規模，講得唔好聽，就係一個「有架火車頭，同幾架火車卡」嘅公園。而呢啲陳列品，連歷史介紹都欠奉，放響道同一個有蓋公園涼亭無分別。反觀鐵路技術領先世界的日本，全國保留左十數架「Thomas小火車」（笑），最老嘅有87歲，每年定期載客，鐵路公司將呢啲班次，包裝成旅行Package，商機處處。
漏網之魚新聞一則，尋日西鐵綫嘅事故，金博士認為呢：「解釋事故成因對乘客無幫助」所以唔及時廣播，扮無事發生係絕對正確嘅！仍然係世界級嘅鐵路公司，香港人的驕傲～好心．．．乘客唔係白痴，如果係「列車故障」，知道要等下一班；「信號故障」，都有預算駛過果道會慢啲，遲幾多番到公司／學校，「電力故障」嘅話，咁我都識做，去坐巴士
「你地當初測試係點過嫁？你地點俾架車我載客呀？我地已多次經反映左咁係不能接受！你可否話俾我地聽，仲有咩要維修？我想問下你地合約寫嘅可靠度，你地做得到未呀？你地試乜野嫁？點解架車你話可以載客嘅？」上述倫敦地鐵 2009Stock 嘅製造商，係知名嘅Bombardier（龐巴迪），同港鐵「中國製列車」嘅製造商 － 長春客車，有合作關係。英國人見貨不對辦，識要求對方改善；點解英國人離開後嘅香港，見到中國生產商嘅產品違約，卻只識對外稱：「新列車運作大致暢順」呢？
假若停車掣曾啟動的話，必需確認軌道上沒有外物，且不涉及危險狀況，方可重設，以策安全。單看這兩段影片，乘客啟動了它的可能性是0。事件告一段落，需提醒的是：車站入閘後，及車箱內確實嚴禁吸煙或飲食。阻門乘客，確有做錯；但犯法乘客，事實勝於雄辯，「養不教，父之過」，為人長輩父母者，都以身作則，為跟他們一行的小女孩著想…
