教識仔女善用好用嘅工具係父母嘅責任。父母唔教，難道要返學等老師教？呀爸呀媽唔識教揸筷子都要識教做人。唔識揸嘅何以唔自己去改善揸筷子嘅手勢？揸筷子無話正唔正宗、抑或係只有一種手勢。所以唔係話一定要揸筷子揸到一個正宗手勢，但只要Google一下都可以見到揸筷子嘅正確手勢吧。當一個成年人揸住筷子亂咁了嘅時候，表現嘅唔單止係一種餐桌上嘅失禮，仲反映到背後嘅家庭教育有無做得好。
那年，女同學16歲。她是我的同班同學，記得她是一個很喜歡用無印良品的文具的女生。食完lunch的時候，她有時會聽著discman靜靜地在籃球場旁邊看人打波。陽光照在她臉上，像一張電影poster一樣美。
世上所謂嘅意外根本大多純屬人為。歸根究底，於法治崩壞、政治黑暗、行政腐敗嘅社會下，災難與問題每每源於小部分富有權力、有能力控制社會資源嘅階層中。執法不公會令法律未能有效行使於社會中，會令整個社會權力與貧富懸殊情況每況愈下、越走極端。
每日睇到大陸嘅偷呃拐騙、姦淫擄掠、殺人放火，無止境嘅污染、爆炸、死亡、不公，但我知道唔可以坐以待斃！雖然政治嘅野，一日都嫌多，打份工已經好辛苦，要我返到屋企仲要諗乜野係政治係更辛苦；但係我知道，政治係正事，以正確嘅方式去治國去安民。
所謂奴性，於香港社會嚟講，係指一種低收入人士社群忠於以投機性質活動作為財富增值為捷徑嘅一種思想。以自身利益為前題下，於既定社會狀態容許下以投機性質商業活動取得有可能嘅極大收益為目標。一切有機會對這種維持香港社會投機環境有所改變嘅行為和思想皆被排斥。所謂服從性源於此，亦漸成主流思想。不想改變已成習慣，不計改變亦成規條。
每個星期，總有一兩日想食個一丁早餐或下午茶。有時候，lunch 食個炒一丁又係唔錯嘅選擇。雖然三四十蚊食個即食麵貴係貴咗啲，但係食嘅時候又覺得價錢好合理。 出街食出前一丁除咗食鋪租之外，就係食功夫。師父要淥麵，淥好之後要加預先煮好嘅沙嗲牛或罐頭五香肉丁，幾咁多功夫。如果要餐蛋嘅話，師父仲要煎一煎畀你。你話喺今時今日嘅香港，三四十蚊買到呢啲時間同功夫係咪好抵呢？記住，呢個麵仲要係即叫即煮嘅，抵！
星期二的時候，跟她談起黎明演唱會的事，她表示了她對政府的看法。「要是因違反消防指引而要取消演唱會的話，根本不應該在開演前兩小時才通知吧。」「一切也反映現政府的不是與無能。」蘭姐沒有提出甚麼陰謀論、她亦非黎明支持者，她只是道出最基本的道理。
我朋友好叻，但唔鍾意讀書，所以會考考三次都係唔高分。佢啱啱去到外國嘅時候，喺seven想買包萬保路英文都唔知點講，到佢宜家成為四間麵包鋪老闆嘅時候，英文已經非常流利。嗯，佢宜家有事業、有樓有地、有車、車同車。生活無憂，而且生活質素非常高。我呢位朋友喺學業上同工作上嘅路途都唔易走，但係佢憑小聰明創出大智慧，成就自己。
2185個0，好少打，所以同鄭嘉穎無乜兩句。40幾歲人嚟講，係幾型，仲有少少似元華。當然，華哥係型，堅型。最鍾意佢喺摩登如來神掌嘅角色，對武學嘅追求同忠誠非常難得。傻氣中不失霸氣，以一人之力傲視整架火車特異功能人士。一代宗師之氣派極盡表現。武功蓋世天殘腳最終敗於主角光環下，亦沒有私怨。亦坦然接受對手嘅祝福同漢堡包，胸襟之廣為我輩另一值得學習嘅地方。
刺蝟膽小，或可以說牠們有很高的警戒心。有人或其他動物接近時就會豎起刺。保護意識高，亦非常敏感。所以，照顧刺蝟時要盡論減少外來騷擾。我家的刺蝟喜歡夜間活動，日間會睡覺，或會躲在暗角休息。
過去二十年，「地產霸權」被提出，開始被理解為香港社會種種問題如貧富懸殊越嚟越大、樓價高企、醫療福利、教育質素下降等嘅原因。地產霸權嘅存在某程度肯定咗「物競天擇適者生存」呢種醒目仔、執生、走精面嘅社會價值，一種投機嘅生態。要致富，識時務懂投機買中咗就ok。呢種就係香港嘅傳統。
生於80，成長於周星馳無厘頭文化中。周星馳講過佢嘅電影創作受笑匠許冠文影響。或許隨年齡增長，對許冠文式冷面笑匠笑話越嚟越無感覺。許冠文電影中多演草根階層角色，小人物生活中面對嘅坎坷與無奈常常出現喺佢嘅作品裡面。一種阿Q精神與苦中作樂嘅自娛或會令人會心微笑。但係，久而久之，香港人生活越見艱難，面對呢種自娛感覺變得更冷、沒趣。
