世間上最醜的照片是由男朋友所拍，最美的照片是由女朋友自己拍。相信不少女性也曾經埋怨另一半不懂拍照，男朋友的鏡頭像被撒旦吻過一樣，能把女生的缺點全都表露無遺。雙下巴、包包臉、腰如車輪、腿如大象，將女友努力建立於人前的女神形象毀於一旦。
香港總係有一班人以使用英語為驕傲，就算係日常既溝通都拒絕講一句完整既粵語，點都係生硬地加番一兩句英文先顯得自己地位夠高，放個屁都有美國既漢堡包味或者係英國既炸魚薯條味。當然如果係日常番工，有時候理工科或者係商科就真係好難避免。不過最難頂係普通出下街，食個飯都要滿口英文，聽落真係頂唔順，好想大叫「收嗲啦你！」。
打卡呢樣野其實真係冇咩問題，正如唔少景點或者餐廳都會用客人打卡作為折扣既條件，互惠互利，或者大眾中意同朋友分享自己既行蹤，呢d都唔算係咩問題。不過學生哥最搞笑既係連溫書都要打個卡。
邊個同你講新年一定係快快樂樂？細細個尚未懂事，或者可以天真爛漫無憂無慮浸淫係親戚無比既愛意同埋呵護之中成長。但隨住年歲既增長，唔知道係親戚既真本性慢慢顯露定係我地開始多愁善感，新年唔再係單純逗利既節日而係一場費煞思量、生活失衝而且滿佈困擾既非常時期。
大學係社會既縮影，只有兩種人係會成功同埋受歡迎，第一種係善於社交既人，大學叫做YO，只要你夠YO，你係大學入面夠多朋友，咁你既價值就可以確立，好似明星咁樣人人都識你，住hall又識，自己個學系又識。第二種人就係交際力普普通通或者係唔主動交際，但佢地係叻到好出名，唔使在意人地既眼光，因為佢地唔志在不停去識朋友，只會專心佢地想做既野，最後佢地當然係會成功，否則都會出名，就係出名毒同埋怪。不可否認既係有人成又勁同時又玩得，但呢篇放既重點係聚焦大學生已經用yo唔yo去衡量一個人既價值，呢樣係唔係一種好事？
最應該感謝的父母，四年來或許你不知道我在大學是幹什麼。無論我的成績好多好與多差，只要我沒有拿到獎學金與退學信，你也不會過問我的學習。無論我參加了多少的學會，只要我不是得了獎或是闖了禍，你也不會在意。全因為信心二字，他們已認為我長大了，也不好意思過問我的大學生活。我很想分享，你也很想聆聽，可是大家也不肯踏出多一步。直至畢業禮當天，兩老嘴角泛起了一絲笑容，拿著我的畢業公仔和花束與我合照。今天，畢業生終於可以毫無顧忌，找到一個場合與家人分享大學的點滴與喜悅，縱使你忙於應付同學與朋友，但他們不會責怪你的冷落，最少他們知道你的大學生活是如此多姿多彩，這樣他們就放心了，也安慰了。
香港教育係唔係由細到大都唔會教導學生答問題，所以當佢地入大學果時，就會唔習慣答問題呢？幼稚園果時學生好中意答問題，小學果時學生都間唔中舉手答問題，但到中學同大學果時，學生已經好少主動去答問題。我地香港既教育到底出現左咩野問題？人人都話大個左會有批判性思考，但點解連最簡單既答問題都做唔到？我地冇知識咩？唔係喎，大學生點會冇知識？但偏偏就係連問題都唔想答。
宿舍對於大學生黎講，可以係一個社交場所、可以係一個訓練獨立既地方、又可以係方便番學既暫居地。你可以投放全副精神令自己主修hall_life副修讀書，又可以一d感情都唔放係宿舍，好似輕輕的我走，正如我輕輕的來，將一年的生活點滴完全拋之腦後，唔帶走任何情感。當你匿係房入面，唔想同層友有任何接觸都好，有一個人，你點都要朝見口晚見面，果個就係roommate!
如果唔玩任務，都可以玩番最正常既普通對戰，冇朋友同你玩都冇所謂，機友一樣可以同電腦打番場。千奇唔好睇小電腦，因為佢地係你最好既練習對手，唔係人人都夠佢地打。你中意弒君又得，一開始就咩都唔做，互相開片既死鬥又得，你中意係慢慢發展之後玩下快攻又得，你中意係個圍城入面又安全感又得，一個遊戲滿足哂作為君主既願望，真係爽到笑。
所為明哲保身，事不關己就己不勞心，做人既顧掂自己咪得，邊個咁得閒埋人地d野？老老實實，如果你係身處一個職場如戰場既世界，你有咁既諗頭，我唔會怪你，但作為春風化雨既老師，唔該更正下自己既思想。上面果兩句，講得好聽既叫做中立，講白d既就係自私自利見死不救。經過時代既洗禮下，老師已經發展出一套新既開脫技巧，叫做身不由己。身不由己最西利既地方在於做人唔單止係中立，仲可能係迫害者，做完壞事之後為自己良心好過小小既籍口。
佢地有時都會好高分，或者每次都唔會低分，因為佢地臨交功課之前果幾日先做，所以有一股破斧沉舟既決心，只許成功就不許失敗，因為做唔哂份功課就玩撚完。呢班人唔會做功課果時死磨爛磨，佢地知道自己唔可以再浪費時間。佢地既效率或者點都好過一班攤長慢慢做既人，佢地做下又分心做下又分心，未必交到好貨仔。
由細到大，因為筆者外貌唔太討好，加上同人地想法與別不同，所以好多時都會被稱呼為毒撚。筆者係到要先旨聲明，唔係人人想法與別不同就會比人叫做毒撚，通常被人叫做毒撚都有兩大原因。
