你寫嘅唔係bullet point，而係essay，咁喺點與點之間你就要花大量筆墨去連結佢哋，而連結佢哋對邏輯嘅要求更高，令人發現自己以為「講得通」嘅嘢，原來根本寫唔通。佢一係就寫通佢，一係就係根本連討論嘅價值都冇。
鐵華團係無名嘅英雄，雖然以金毛為首嘅革命派失敗收場，但係因為佢哋嘅出現，令到社會可以真正咁改革，一來白頭佬手握大權，二來，當有啲真正威脅到掌權者統治嘅事發生，掌權者都會反思佢嘅統治方法，選擇更好嘅手段，呢點都令白頭佬更易改革，甚至可能其他家族都希望有人為佢哋指點方向，更好咁保護自己嘅勢力。
誠然，你以啲咩荷里活標準去睇，港產片十之八九都係爛片，甚至如果電影都有普世價值，港產片真係電影界嘅北韓都未定。我哋都唔好講咩特效呀大製作，純以劇本嘅合理性、一致性同埋劇情嘅節奏、巧妙同心思，恐怕就連英美嘅電視劇都遠勝港產片。
其中一個可以操控嘅角色，康納一直以嚟都好理性，但係隨住玩家嘅選擇，佢嘅軟件有可能會越嚟越唔穩定，而喺漢克嘅眼中，康納居然變得越嚟越似人，到喺仿生人之父屋企入面，如果我哋唔選擇射殺一個女仿生人嚟知道真相，漢克對我哋嘅好感度仲會大增，好似覺得我哋有人性，而唔僅僅係塑膠。事實上，我哋每一次唔理性嘅選擇，都會令漢克對我哋多一分信任。
由於XY得一條X染色體，所以佢啲XLMR係差係好，會比XX明顯，而佢又係得一條X染色體傳畀個女，所以如果佢本身蠢，個女都蠢，就一定有佢部分責任，相反，佢本身唔蠢，個女蠢，就係老母嘅責任。甚至乎，個老豆蠢，個女聰明，都仲可以話個老豆拖累佢，令到佢唔可以更加聰明。
鋤禾日當午，汗滴禾下土。誰知盤中餐，粒粒皆辛苦。老師可能會教你唔係全部詩都押韻，但係一首咁廢嘅詩會唔會流傳到依家呢？事實係粵語嘅「午」同「土」音變咗好多，搞到第一句、第二句同第四句都唔押韻。
國學不興嘅第一個原因就係教育制度嘅問題，我地嘅教育制度係西方嗰套，我地會學科學、數學、同埋其他例如經濟、地理都係西方學說。成個教育系統西方科目嘅比例比中方多。就算係中史，對接觸中國文化同思想其實都唔大幫助（中學嗰套）。反而中文同中國文學就係可以接觸最多中國文化同思想嘅科目。
香港刻板嘅教育真係唔難應付，你有ADHD呢啲問題可能例外。但係其實最大問題係班讀書唔成又一無是處嘅家長。班家長一無是處，所以唔想啲仔女行自己舊路，又因為人蠢，所以將問題歸咎於自己讀唔成書，真係低智無極限。其實個細路唔係讀書嘅材料，你逼佢讀書，咪逼癲逼死佢囉！
