假通才之所以為假，係因為如果睇通多於睇才嘅話，咁人人都係通才。我可以同霍金比踢波，同奧巴馬比美白，同莫札特比數學，咁樣向下比嘅話，我的確叻過好多人，咁仲唔係通才？但係咁樣同無一技之長、同庸庸眾生有咩分別？無分別呀！
好多人連「獨尊儒術」係後人誤筆都唔知（呢個係司馬光於《資治通鑑》寫嘅）。 董仲舒講嘅係「罷絀百家，表彰六經」，而儒家正係百家之內，所以《論語》係不設博士之位嘅。 而《六經》喺當時，就係《詩》、《書》、《禮》、《易》、《樂》、《春秋》
周街唱自己宗敎歌曲都算（前排仲喺清真寺隔籬唱添！），你唱歌唱得難聽啲都擾民啦，成班人唱啲騎呢歌，啲唔信教嘅朋友都唔敢開聲。你試吓一班回教徒喺教堂出面讀可蘭經吖？叫Allahu_Akbar （真主萬歲）吖？唔俾人掃低都肯定有人報警呀。
驗到我有ADHD之後，就麻煩囉，又要食藥又要上啲班做行為治療，於是我就識埋其他ADHD患者，而佢哋班仆街好撚多都係資優嘅，可能係同病相憐，可能係臭味相投，所以點都有兩句偈傾，反而同蠢人、唔用腦嘅人真係冇乜兩句。
政治，只係推動本土嘅其中一種手段。要推動本土，其實最好嘅方法係發揮己長、安守本分，而唔係將大量時間精力擺曬落政治到。人嘅時間精力有限，啲時間精力用喺政治到，就自自然然少咗時間做其他事。最弊嘅係，唔係人人都咁叻政治分析，可以睇穿層層迷霧，直指背後真相，反而會淪為個人私怨、政治鬥爭嘅工具，同自己本意南轅北轍。
如果要搞香港哲學，當然可以搵有識之士研究分析哲學（英美哲學），喺呢個範疇大放異彩，呢個係一個可行嘅方法。而另一個可行嘅方法，則係自立門戶，定下一套哲學觀，再去研究哲學課題，咁就會香港哲學就自自然然會出嚟。
邏輯學對人嘅思考嘅幫助冇大家想像中咁大，好多推崇邏輯嘅人（即係成日話人冇邏輯嘅人）連邏輯學都冇接觸過。如果你入哲學系走一轉，相信當中有好多都修過邏輯學，至少syllogism點都識㗎啦，但係仍然有唔少語意含糊、詞不達意、自相矛盾之輩，可見邏輯學就算對思考有幫助，亦唔構成決定性嘅影響，一個人嘅思考能力係受多個因素影響嘅。你可能話：「咁係佢哋學藝未精啫！」咁但係一個本身頭腦唔清晰嘅人有冇可能學邏輯學學得精呢？邏輯學係直接加強人嘅思考能力定係開發一個人潛在嘅思考能力？
「I’m_not_talking_about_rationality!_你好清楚。」佢將語氣提高咗半個語階，呢個時候佢覺得自己就好似辯論緊嘅梁天琦咁：「仲有，我接受唔到你嗰套香港唔可以獨立，因為共產黨唔會畀嘅言論，我覺得建設民主中國更加不切實際，我接受唔到你嗰套愛國主義嘅大中華思想！我對你講過好多次㗎，只你從來都冇用心聽⋯⋯」
如果「將一啲可以用嚟做有意義嘅事嘅時間，用喺啲無意義嘅地方」是為浪費時間。咁我哋其緊imply咗時間本來嘅存在目的係用嚟做有意義嘅事（姑勿論何為有意義）。就如我哋話人浪費食物，其實本身就imply咗食物嘅目的係用嚟食，而一旦用喺本來目的外嘅用途上，例如玩食物大戰，就係浪費食物，就算你嘅用法可能令好多人開心，個effectiveness 遠遠大過食咗個食物，都會被人話浪費食物。
現代好少法律會喺punishment方面有好重嘅retributive成分。今次台灣有人支持死刑，某程度上，無論基於咩原因（無論係幾個可能性入面嘅邊一個）都係支持加重retributive嘅成分。
我之所以話愛係無價，除咗佢好珍貴之外，更重要嘅係錢係買唔到愛嘅（根據科學，所謂嘅愛係指人個腦處於某一種狀態，例如啲咩分泌嗰啲，所以所謂錢買唔到愛，當中嘅愛係指呢種科學層面上嘅真愛，而唔係指單單兩個人處於某種關係）。
由於梁天琦承認自己係新移民，所以本土同左翼又嚟咗場世界大戰。左翼就話：「你哋唔係最憎中國人嘅咩？點解又咁擁護梁天琦？」本土就反擊話：「我哋一早已經講咗唔係以血統論香港人，而係講緊鍾意香港，追求香港價值嘅人就係香港人。」低級左膠當然繼續講咩血統論啦！而聰明嘅左翼就更進一步問：「咁咩係香港價值？」呢個問題問得好，亦值得畀一眾本土反思下咩係香港價值。如果香港人（一個人可以喺法律上係香港人，但其實唔以香港人自居，例如可以認為自己係中國人多於香港人）嘅價值觀就代表香港價值，咁講緊嘅係唔係賺錢為先？
