「其實你老咗都有份受惠喎」呢個並無回應到公義問題，因為到我老咗我都只係攞我下一代嘅個人財產嚟幫助自己，公義問題仍然存在，而下一代嘅年輕人仍然可以係社會上嘅弱者。唔通我地可以搏大霧話，可能下一代嘅年輕人係強者呢？可以負擔到呢？呢個只係擲骰仔睇下方案公唔公義。又，呢一代嘅公義問題仍然未解決。
佢地認為貧富懸殊引伸嘅最大問題就係社會分化，換言之即係離地，有錢人之所以離地，社會之所以分化，全因為有錢人同窮人過嘅係兩種生活。有錢人都有人性架其實，佢地都係有惻隱之心，咁點解佢地仲咁無人性壓榨下屬同員工嘅勞動力？因為佢地感受唔到日日過咗放工時間之後仲要OT五個鐘嘅痛苦嘛！就算佢曾經痛咁嘅經歷，由低做起，都可能唔記得呢種痛苦啦！
「我覺得老母就係嗰個畀X染色體你嘅人。」你呢句說話真係破綻百出，一個女仔嘅X染色體，其中一條係可以佢老豆畀架（你知啦，科技咁發達，其實可以令女同女生仔、甚至男同男生仔，大概半年前已經見過有咁嘅報導話有咁嘅希望，所以只係可以），唔通佢老豆又係佢老母？
喺敝圈，我指Facebook朋友圈而非哲學圈，有一隻字叫哲撚。咩乜為之哲撚？呢隻字無一個概括嘅定義，我地只要見到一個人講一啲好有「哲學撚人味」嘅言論，而嗰個人甚至唔需要讀過哲學（我個人對此非常抗拒），就可以被叫做哲撚。（呢個睇落好似係一個定義，但係其實佢只會令一啲原本就知道哲撚係咩嘅人認同呢個講法，但係唔知哲撚係咩嚟嘅人繼續一無所知。）
講香港，最後一個尚算廣為人知嘅哲學家李天命，佢嘅成就當然不如愛因斯坦，而犯下嘅錯亦比愛因斯坦嚴重得多。愛因斯坦只係學術上柒咗，邊個無柒過？人非聖賢，孰能不柒？但係李天命係晚節不保呀！
在這個自然科學至上的時代，我們必須承認宇宙是唯物的，唯物的意思即是宇宙不會因為我們的認知、信念或者想法甚至觀察而有任何改變。宇宙是客觀的，不會因為人類而影響它的運作方式，而事實上，以人類目前的科技根本不可能對宇宙造成任何影響。
佢今次之所以被人批評為偽善，係因為佢一開始去探望台灣八仙傷者時，同佢一直關心燒傷人士嘅形象相悖，有攞光環之嫌，後被揭發種種斂財之事，所以先有偽善之說。情況就好似藝人關楚耀身為楚毒大使，但係就被揭發藏毒，於是被人諷刺一樣，都係因為佢一直以予人嘅形象同佢嘅行為有所出入，所以被人評為虛偽。
我呢個實驗叫「綠帽實驗」，係我自己諗出嚟嘅。喺呢個實驗中，我地會需要一個女朋友、「我」、「我」嘅身體A、朋友B、朋友B嘅身體同埋一部意識轉移機，可以轉移性格同埋記憶嘅。你可能會覺得無可能，無論你覺得係你無可能有女朋友，定還是無可能有意識轉移機，我想話你知，思想實驗嘅特色之一就係不受現實條件限制。
神存唔存在會對一個人對生同死，以及生存意義嘅睇法有極大影響。如果生命係神賜予嘅，咁生命唔單單係精子同卵子嘅結合咁簡單。生命成為神嘅恩典，我地生存嘅目的之一就係要回饋神，去榮耀神。
既然無神，人一開始就係孤獨嘅，亦係自由嘅（呢一點其實同齊克果嘅所講存在即選擇頗為相似，所以佢地先一齊被稱為存在主義），無人可以幫佢決定任何事，同時人亦要為自己而負責，無人可以代替佢；人不受任何預定嘅道德規條限制，因為無神，人係自己嘅主人，而唔係上帝嘅僕人，人創造神，係想將自己嘅責任（即係創造自己嘅本質）推到去上帝身上，薩特認為呢個係軟弱嘅表現。
如果由不吃貓狗出發，到不吃肉，到最後如果科技去到可以連不吃菜我們都可以生存，我們的生命不再建基於其他生命之上，這無疑是極大的進步。但是這種進步的追求是超義務的，即是道德上值得讚揚，但沒有道德的強制力要人去做。
報到時，李桌仁親自見我，睇我嘅學歷證明。我由個袋拎出一堆叫做過得去嘅學歷證明。李桌仁一路睇–見到我張《中學生網絡維穩大賽冠軍》證書，彷如發現新大陸。我係到諗：「李桌仁，你條50後識條鐵咩！」之後再一張張睇，睇到我張DSEcert，佢用佢隻老手拎起張cert，擺喺另一邊。Fine，意料中事。到我張蘇大GPA，佢睇到我幾科有A-orabove，問我：「呢張咩嚟？」我答佢：「……嗯……係……係蘇大哲學系嘅成績表……」
