「哲學其實係用理性思考問題嘅研究方法……」我都未講完，佢就講：「原來係咁……碰！明仔，可唔可以幫我拎杯水嚟？」好，佢已經幫我答埋第一個問題，原來讀哲學可以做waiter。
對大多數人，食飯飲水搵食訓覺扑嘢係first-order_desires，唔做係會死。讀書？無錯，我成日諗住要讀書，但係佢係second-order_desire，所以唔做唔會死，所以咪只係諗住，唔做囉。
喺中華地區，我地已經係末法時代，漢傳佛學除左喺民國（無記錯係民國，我都唔肯定），因為為左對抗西方文明（無錯，中國本身嘅文明已經唔夠砌，唯有搵有因明學嘅佛教幫手）再加上喺中國自宋朝已失傳嘅唯釋宗典籍喺日本傳返入嚟，喺啲咩歐陽竟無呀，太虛法師呀同韓清淨呀嘅研究下漸有復興之勢，但係嚟到依家，大家都知復興失敗啦！
藝術其實好得意，我地平時大家睇同一樣嘢，一小部分人話佢見到啲大部分人都睇唔到嘅嘢，我地會話佢癡撚線；但係一旦藝術範疇，一小部分人話佢睇到另外一啲嘢，我地會話自己見識少、水平低。⋯⋯
