@90後賣國賊
90後賣國賊
90後賣國賊
一位香港土生土長90後,定居於美國。住在香港超過20年,歷盡社會制度荒謬,抗爭無果,於是叛國移民。移民後發現,類似荒謬事情只是以不同形式重演。

移民唔係想像中咁正

香港主流行業係服務性行業,但外國未必係,所以移民後未必搵到對口工作。以美國為例,工程先係最有錢途嘅行業。就算有對口工作,仲有語言問題要面對(係呀,又係語言問題)。喺一間公司工作,要同同事溝通,層次已超越平時吹水。好簡單,叫你用英文向內行人講解你喺公司做緊乜,你講唔講得出?90年代後期,有好多香港人回流,其中一個原因係搵唔到工。佢地未必無技能,可能係英文唔好,所以搵唔到工。當然啦,如果你有錢到下半世無憂,連工都唔使做,就當呢點無到啦。