諗返幾年前韓國嘅《來自星星的你》大熱，好多女人都沉迷當中，唔係爭住話金秀賢係自己嘅就真係妄想症發作，啲女朋友痴線到係咁話想食炸雞要男友隨時送到，大陸啲女人真係因為男友無隨傳隨到而飛條仔，以為自己係千頌伊。另一邊廂啲男人係咁踩男主角個湯碗頭，但聽返佢地又忍唔住會陪睇，可能睇TVB啲師奶劇太多有新鮮感啦～
你有無勤力練體能？你有無去了解對家點樣練習？咁有無預計如果被捕時個黑警失控你會點？有無去聽過被捕者曾經係被質問嘅時候係點？你本身原有嘅背負（如你家人）已經安排好未？被捕後將會面對一場場嘅訴訟同去報到嘅壓力嘅心理準備有無？咁你本身有無一技之長就算坐十年監出返嚟都搵到食？
昨晚喺餐廳，望到個小朋友好純熟咁點餐然後搵位等個餐送到，一個人嘆個煲仔飯加可樂，好自如咁全心享受，無去玩電話或玩具之類，望住佢食真係隔離飯香將我個咸蛋肉餅飯比下去。唔知佢係家人因為忙所以要自己食飯，定係佢好似以前嘅我咁純粹為食。不過佢大個咗應該會同我一樣，覺得媽媽飯係世上最正，因為當中有關愛嘅味道，係專屬嘅味道。
不如企返出嚟睇吓諗吓，每個人嘅腦、體質都唔同，受壓程度又唔同，每人都有自己嘅特質及長處。講到全城勇武係香港呢個一直溫室環境下真係好難㗎，你話血債票償好人血饅頭？咁你有票你會唔會投？
點解班細路要暴力呀？點解要破壞呀？因為你班大人靜係識和理非，幾百萬人鳩行政府都企撚硬，再加上賭王個女、美心太子女去到外國企係大台幫個仆街政府指罵佢地，俾人打到皮開肉綻、斷晒手筋腳筋，報警警察唔拉打佢地嘅人反而拉報警嘅佢地，咁佢地咪無撚晒辦法，暴力私了啲黑幫唔再出嚟吖嘛，打爆啲黨鐵同出賣佢地嘅美心集團，個政府有反應吖嘛，咁咪越演越烈同政府鬧過囉！
因為有認識嘅小朋友被捕，而嗰啲小朋友本身都係情緒病患者，其中一個仲要有白咭嘅，咁係呢個情況下我就搵那個counselor嘅朋友，因為佢係呢段期間都接過不少發夢嘅小朋友，所以就請教一下佢啦～其實每次同佢傾電話，我都好似被輔導完咁，就算你係佢朋友佢用朋友mode同你傾，你都覺得思緒好似梳理咗咁，好清晰自己思考方向，有種好實在嘅感覺。
剛過去嘅星期五晚，參加咗一個電影放映活動，睇咗套電影《逆向誘拐》。的確係好睇，如果你當係推理懸疑片咁睇呢就一定唔好睇，根本佢個設定係一早俾你估到兇手嘅，所以要以劇情電影去睇，了解兩代人嘅個性，了解當中諷刺嘅社會問題，了解兇手動機，最終目的係乜。
到咗出嚟做嘢，係間少林寺嘅公司返工，開頭都好開心嘅，但始終都有女人存在，啲鍾意權力嘅阿姐，搞是非搞單打，搞走咗好多年輕人，係得我咁硬頸，點搞我都唔走，等佢失權。仲有一個男人婆，哩個極品真係要另開一篇文章先夠打佢嘅衰嘢出嚟，但要講嘅係，唔好以為男仔頭、TB嘅女性易相處，唔撚係囉～
話說發售當日，開售前五分鐘衝入公司厠所（開工唔俾用電話呀），入定個網一夠鐘就就狂㩒個電話，㩒咗五分鐘先入到，但777元嘅VIP位無晒囉……最前都只係480元崇拜企位，唯有早啲入場可以企前啲，但佢啲泥民癲㗎，show前兩小時已經有人排。我從來未睇過一個咁癲嘅演唱會，Lady Gaga都係Mama，但都唔夠哩位妖姬女皇嚟，同邪教一樣控制晒班信徒，真係當個SHOW係邪教咁玩。
啲人成日話同理心，對情緒病患者/困擾者要有同理心，咁主動關心你嘅人呢？你嘅身邊人呢？做人公平啲，對返佢地要有同理心，唔可以話佢地唔識對你同理心你就發晒癲咁鬧人㗎，我其他文章都講過好多次㗎啦，每人背景、成長環境、心智唔同，有啲嘢人地係代入唔到都無計，等如有幾多男人理解到m痛及生仔嘅痛？佢地有努力去理解就已經有心，無心之失嘅正能量衝擊，又點解要講到對方殺人兇手咁？
好耐以前係我病情最嚴重嘅時候，就係男閨蜜陪我渡過，日日放工回家就望實部電腦等佢msn上線，然後震爆佢，隨住時代變遷科技進步由msn 講到WhatsApp ，真係好感謝都好佩服佢可以包容到我海量嘅負能量。唔好以為我地係友達以上戀人未滿嘅關係，佢已經結咗婚啦，係佢有女朋友（現任老婆）嘅時候，我都開始努力習慣無咗佢陪我成日傾計嘅生活。
當日佢老公好焦躁，狂打電話俾我，傾幾句收咗線，隔無耐又打嚟，搞到我都開始亂。然後我忍唔住，要佢俾我冷靜下，想一下見面應該要點同佢老婆講，唔係無識過朋友收帽或派帽呀，係未試過有人咁求救，仲要件事係自己由細識大嘅好友呀！晚上見到朋友，我單刀直入咁話佢知我知道咩事，要佢將事情始末講出嚟，了解咗佢嘅心理，之後當然訓話一番，因為佢老公真係人品好又純情，世間真係難搵，哩點佢自己都知。而且最重點係，點都好唔好影床照，就算自己老公都咁話，科技嘅嘢點信得過？而且仲要同奸夫影，人心嘅嘢做得奸夫點都要留返條線保護自己丫！
