香港人素來不習武亦不尚武，就算係67靠暴動打砸搶燒起家既工聯會亦從良成為建制派最大組織。不過呢種和理非既心理關口，隨住黑警橫行而突破。由和理非守連儂牆被讓手讓腳任打唔嬲至到全民習武，係呢幾個月既運動將和理非既教條有如「關關難過關關過」逐條擊破，獅鳥變成抗爭日常，既係無奈但亦無可避免。
其實包括筆者在內真係唔知受害者係住同我同一個屋苑入面架啵，你作為個區議員同調解員，都應該都知道居民既個人私隱係唔應該咁樣俾你公開出黎架啵，喂呀哥，以後有野點咁搵你幫手呀。
「選前乜都得，選後唔見人」、「選票已袋，理撚得你」呢d就係我地既民主寫照。關鍵一席變做關鍵缺席，對於尸位素餐既人黎講，席席都關鍵，少個位邊夠我食呀，係咪先？俾人呃左選票都係上網叫佢下次唔好啦，你睇下我地對d負心漢幾好就知香港係個大愛社會毋庸置疑啦～之但係香港呢個社會好特別，又有人好用心將承認付諸實行既時候，批評仲激烈過對個負心漢，係價值觀完全被扭曲，定係做好公關就得？我地一齊睇下。
港珠澳通車衍生既廉價劣質賣豬仔團，放任訪港旅客置諸不顧，源頭由於內地部份風評較差既旅行社，涉嫌利用現行法律漏洞，涉嫌非法帶團過境導致社區生活大受影響。香港作為旅遊城市，接待旅客本來無可口非，不過係冇人敢道出香港接待旅客既配套係唔適合呢班即日來回，消費力唔高既旅客呢個事實。呢班旅客既出現好大程度上因為訪港成本因新基建及政策推出而降低，要解決上面既難題，可以由提高訪港成本著手。
除左學識呢一種穿鑿附會之外，仲加多一錢情感勒索。佢特意揀張老人家一推車仔後面仲拉緊野既相，揚揚百幾字話政府倒錢落海，老人福利就斤斤計較，然後又借題發揮去推全民退保。成件事先唔好講基建投資同福利撥備既分別先，全民退保真係咁值得推咩？呀議員你個區好多老友記要你箍票？而你又覺得爭取到啲老友記又會投返你？
首先香港除左係國際都市之外，亦都係商業城市，marketing養活唔少人，而光棍節定既11月，商家可以係國慶後及聖誕前推動銷售額，亦帶動廣告等相關行業收入，而且受國內風氣概念帶動下，提供左一個非常客觀既有利環境，利用綽頭吸引消費。相對之下，國殤日的歷史底蘊及意義凝重而且影響深遠，唔代表商業行為可以取代一切。即係我唔會因為掛住上網去搶一個特價袋而唔記得11月11日係歐戰結束呢個事實同埋日後既意義架嘛係咪？
大型基建的出現對當區做成影響等同「我係媽係女人」既道理，只要有稍有遠慮都會預見到。當然，連諗都冇諗過有問題既故然抵死，但高調吹捧自己「未卜先知」又係咪一件好事呢？
黃毓民曾經包攬一眾年輕激進派及基層票源，自2016年換屆被游蕙禎及劉小麗瓜分之後黯然落幕，但隨之而的一連串紛爭令到年輕一代對泛民的希望徹底破滅，年輕的社運人士在一系串風波後大概只有幾個出路，被捕坐牢或逃離香港、退出社運另覓求生、轉化為適應選舉制度而活。前者及後者皆屬小數，而大多都選擇另覓出路，昔日熱情掉淡了，重拾對泛民的信心可謂相當困難。
透過政府推動，低地台小巴最近終於推出市場，分別行走54M及808線，讓探病或覆診人士提供更暢達的乘車體驗，低地台小巴與低地台巴士相若，配有斜板方便輪椅乘客上落，與現時小巴相比更方便，但問題依然在於宣傳不足，導致「有車冇輪用」、「有輪無車用」。雖雖然營運商設有電話預約服務，但各自為政略縑成效有限，長遠應考慮與復康巴士配合，使兩者資源更有效為輪椅人士服務。
於2017年，申訴專員公署就政府為行動有困難人士提供的「特別交通服務」作主動調查。公署指出復康巴士服務嚴重不足，批評勞福局及運房局於推展無障礙運輸態度不積極。報告最後建議運輸署幾項提供誘因使運輸業界引入無障礙小巴，分流復康巴士的負擔及應對人口老化對無障礙運輸的需求。翻看調查報告，因供不應求下，輪椅人士利用復康巴士僅作通勤通學、醫院覆診之用，更有個案因未能預約巴士而需要更改覆診日期。調查報告反映運輸署有其迫切性推動無障礙運輸。
高鐵通車在即，港鐵率先建議乘客預先預留45分鐘作通關時間，未幾即獲反對派製圖瘋狂抽水，直斥乘搭高鐵連通關時間合計比直通車時間更長云云，更指出「搭直通車去廣州市中心都唔使兩小時」。反對派議員為反高鐵可謂勞心勞力，不斷吹棒現有直通車好，但為反對連常理都可違背則掉人現眼，淪為笑柄。
