這幾天最驚人的舊聞，不是陳文敏被校委會否決擔任港大副校長，而是前《壹週刊》記者屈穎妍曾經違反保密協議，借訪問何世華醫生的名義，大爆醫療界內幕。我說的驚人，不是指屈女士的爆大鑊內容，而是她的舉動、她的思維、她的誠信、她對協議制約的無知、和她對承諾的無視。曾經是讀者人數最多的雜誌記者，你這篇報導實在讓「香港記者協會」六個字蒙羞。
假設馮同學係一個有信念有理想嘅人，工作唔淨係睇錢，咁如果佢幫一個自己唔認同嘅僱主打工，對雙方都冇好處。本來，見工嘅時候做 interview，係俾個機會雙方認識對方，睇下合唔合適。
你拎住地圖，向探險團解釋情況：「跟據地形，我哋依家個位置喺呢度。附近根本就冇村莊。向南行五十公里就有城市，趁住個天未黑晒，快啲趕過去啦！」領隊拎出另一張地圖反駁：「明明呢度有條村，我上年先嚟過，點可能會錯？或者村民搬咗去附近，大家繼續搵一定會搵到。而家都就天黑，我哋點可能摸黑行五十公里？」你開始鼓躁，大聲同領隊爭執。最後都係冇結論，你決定離隊，唔理領隊，自己向南行。另外有兩位團員都開始質疑領隊嘅判斷，願意跟你一齊向南行。
人類必然無知，必然主觀，必然愚蠢。姑且叫呢三樣嘢做「三不足」。只要你承認人類有以上三樣「不足」，咁呢個page嘅所有見解，你都可以輕鬆（？）推論出嚟，唔洗聽我廢噏。咁點解我要開呢個page講咁多廢話？因為，太多所謂「知識份子」，以超然之態，不斷恥笑人類嘅無知、主觀、愚蠢。佢哋當然內心唔會承認自己都係無知、主觀、愚蠢。
如果冇經過物競天擇嘅壓力，柒嘅機率係幾高。最慘就係，如果唔實踐，冇機會從實戰中得到feedback，咁就算你幾努力咁去反省自己有冇柒，都冇用架。所以，mind_your_own_business永遠都係治學角度方面最安全嘅選擇，因為自己嘅事，自己最熟，亦最多實踐機會。
可能你想三小時內跑完個馬拉松。咁你靠「意志」，加上適當嘅訓練，或者可以做到；但如果你想要一小時內跑完個馬拉松？「傻的嗎」。強烈嘅意志，可以令人成功完成一件事，亦都可以令人發狂。試想像下，同樣係「我要X小時內跑完馬拉松」，如果X=3，咁一個跑手會因為強烈嘅意志而成功；但如果X=1，咁意志越強，就只會令人越痴線。
舊年兩個幾月嘅佔領運動期間，不斷有人指控民眾「唔團結」、「搞分化」、「攻擊同路人」。但係，錯不在民眾。自居雨傘運動嘅「領導人」事前所做嘅「深耕細作」工作不足，各個組織之間，亦欠缺互信，欠缺調解機制，先至係群龍無首嘅原因。去到群眾運動爆發嘅時候，你先開始呼籲團結乜乜乜，已經係太遲。領導者責怪民眾唔肯盲目信任自己，根本係無稽之談。我再重複一次：「信任」呢樣嘢本身就唔理性，所以冇理性論述可言，亦都冇得老奉叫人「信」你。
「喂唔係喎，我而家已經係A380，試過同好多人拍拖，我點會唔知我想要乜？」我就會話：「可能真係唔知架。」點解？因為你而家仲係”A”囉。雖然你之前好鍾意某某嗰type，但最後都散咗丫。你點知第日會唔會出現一個更適合你嘅type呢？
今時今日啲相機咁平，大家成日都影影影，千禧年代嘅小朋友一定影咗好多相。之但係，呢啲相點樣保存呢？如果你使用「雲端」服務儲存啲相，個服務會唔會二十年後仲存在？如果有一日佢執左笠，或者，純粹係你唔記得咗個密碼，咁點算？
香港網絡史上最大型一次「公審」，應該係2013年10月電視發牌風波。行政會議決定唔向港視發牌，有網民開專頁反對行會決定，要求政府向港視發牌。呢個專頁幾日之內得到50萬個like，矛頭當然指向行政長官梁振英。除咗呢個專頁，當時香港市民亦都熱烈討論呢個話題，包括無數網上文章評論事件，亦包括一連幾日嚮政府總部門外嘅集會。
今次美國最高法院判案，係5-4決定。即係，只要嗰五個法官有一念之差，判決就會反過來。一個影響幾億人嘅深遠判決，竟然可以係命懸於一人一念，其實都幾得人驚。我諗歷代教宗都冇咁嘅大權。
呢啲印象都係籠統嘅、唔準確、差唔多。咁嘅分類方法肯定「唔科學」（whatever_that_means），但每個人每日都用緊呢種方法處理日常事情。例如你街上見到個人蓬頭垢面，衣衫襤褸，問你要錢，你會覺得佢係個乞衣。但係事實上，佢可能其實係一個仙子，特登扮乞衣去測試你係咪一個好心人。咁又點？你見到個乞衣咁款嘅人，都照樣會覺得佢係個杇木不可雕嘅廢人啦，唔通真係會考慮佢係個仙子呢個可能性？
如果想達致真正嘅男女平權，女性就唔可以一直喺「性」嘅方面做手腳，而係要用實力（IQ EQ AQ 乜 Q 都好）同男性競爭。而事實上女性呢方面已經得到好多漂亮嘅成績。至於係咪可以 100% 平權，就真係好難嘅，但不斷嘗試改進冇壞，只不過要小心過猶不及囉。
